hósdagur 3. august 2017síða 24

FRÍGGJADAGUR 4. AUGUST 2017 SOSIALURIN 89 24 BRÚDLEYP Eitt serstakt fríggjarí FRÁ HEIMASÍÐUNI BRUDLEYP.FO LES ALT UM BRÚDLEYP Í FØROYUM Á IN.FO! Skrivað hevur Emma Petersen Miriam Høj er úr Skálafirði og starvast sum kassadama hjá Miðberg Bakaríi, ímeðan Pætur Høj er úr Saltangará, har hann eigur og rekur sítt egna felag, sum eitur Raclip Video. Tey møttust í Kelduni í Skálafirði, har tey bæði høvdu gingið síðani tey vóru lítil, og vóru tey sera góðir vinir, áðrenn avgerðin varð tikin um at gerast par. Tey høvdu bæði tosað saman um at giftast, men tað gjørdist ikki til meir enn prát. Tá Pætur fór til Svøríkis á Bíbliuskúla í 2016, var Miriam eftir í Føroyum, og tá Pætur kom heim í jólafrítíðini hendi nakað. Miriam greiðir frá, at hon totalt varð tikin á bóli av Pæturi. Hon hevði avgjørt at halda jólaveitslu fyri fyrrverandi studentaskúlaflokkinum, og helt hon, at Pætur fór at koma til Føroyar dagin eftir veitsluna, men so varð ikki. Skúlaflokkurin visti tó nakað, sum Miriam ikki visti, og tað var, at Pætur fór at koma heim hetta sama jólaveitslukvøld, og hevði hann ætlanir um at fara á knæ fyri Miriam. Ímeðan vinkonurnar og Miriam hugnaðu sær inni, var Pætur upptikin at gera klárt og pynta í bilhúsinum, og vóru genturnar sera varnar við, at Miriam ikki skuldi hyggja út ígjøgnum vindeyga ella úthurðina, so hon ikki skuldi síggja Pætur. Tá endin á kvøldinum nærkaðist, komu tær við tí uppskoti, at tær skuldu fara at spæla eitt spæl, har Miriam skuldi fáa bind fyri eyguni saman við tveimum øðrum. Tað, sum Miriam tó ikki visti av, var, at hinar báðar tóku bindið av aftur og sóu alt, sum gekk fyri seg. Tær tríggjar vórðu leiddar út úr húsinum, og ímeðan lótu hinar báðar sum um tær bæði skríggjaðu og skrálaðu, av tí at tær jú ”einki sóu”. Leiðin gekk so inn í bilhúsið, har Miriam hoyrdi ein kærleikssang og gjørdist tí ógvuliga forvirrað, men tá hon so fekk bindið av, sá hon, at tað var pyntað við nógvum livandi ljósum, og eitt stórt klæði hongur uppi, og tveir kameramenn standa og filma. Út úr klæðinum kemur tá Pætur, sigur nøkur fitt og vøkur orð við Miriam og fer síðani á knæ.