mánadagur 7. august 2017síða 20

Mánadagur 7. august 2017 · Nr. 90 20 Sosialurin Hugskot og viðmerkingar – send sms til 225000 Símun Christian Olsen Hann fær bóltin høgrumegin nak­að uttanfyri brotsteigin, legg­ ur hann til rættis, meðan verj­an bakkar undan, og sendir síðan eitt kanónskot upp í hand­ara mál­hornið. Álopssinnaði pól­lend­ ing­urin hjá Skála hevur javnað, og í seinna hálvleiki leggur hann heima­liðið á odda í týdningarmikla dysti­num við enn einum frálíkum máli. Soleiðis spældi tannáringurin høvuðs­leiklutin í týðandi sigri á EB/Streymi fyrr í ár, og hetta var ikki bert eitt upplop. Við góð­um bóltførleika, skjótleika og ein­um eyga fyri vøkru málunum, hev­ ur hann gjørt vart við seg í Effo­ deild­ini seinastu tvey árini, men nú er vandi fyri, at trupulleikar við uppihaldsloyvinum fara at steðga góðu gongdini hjá Michal Przy­bylski. Fangaður í skipanini Støðan í løtuni er nevniliga tann, at Michal Przybylski einki uppi­ halds­loyvi hevur og so­statt held­ur einki arbeiðsloyvi. Effo­deildar­fót­ bólt­ur undir sáttmála telur sum ar­beiði, og tí mátti hann hyggja at frá áskoðaraplássunum, tá Skála tapti týdningarmikla heimadystin móti 07 Vestur sunnudagin. Í løtuni er ikki greitt, nær – ella um – málið kem­ur í rætt lag. Pólski fótbóltsleikarin gjørdist varug­ur við trupulleikan, tá hann søkti um pass í 2016. Hann fekk at vita, at eftirsum hann hevði fylt 18 ár (29. desember, 2015), kundi hann ikki longur verða í Føroyum upp á uppihaldsloyvið hjá pápa sín­um, Tomasz Przybylski. Hann mátti tí sjálvur søkja um varandi uppi­ haldsloyvi – tað gjørdi hann 30. september, 2016 – og tann um­søkn­ in verður enn viðgjørd. Síðani hevur Michal Przybylski havt eitt fyribils uppihaldsloyvi, sum hevur gjørt, at hann hevur kunn­að búð og arbeitt í Føroyum sum vanligt. Men fyri einum góðum mán­ að síðan, seint í juni, fekk Michal Przybylski eitt bræv frá myndug­ leikunum, sum gjørdi støðu­na mun­andi verri. Í brævi­num stóð nevni­liga, at fyribils uppi­halds­ loyv­ið var útgingið, og hann tí einki arbeiðs­loyvi hevði longur. Hetta hevur sum sagt við sær, at hann sleppur ikki at arbeiða, og heldur ikki at gera tað, hann allarhelst vil; spæla fótbólt fyri Skála í Effo­ deildini. Hann kann kortini fram­ vegis búgva saman við pápa sínum á Glyvrum, tí umsøknin um varandi uppihaldsloyvi enn er í viðgerð hjá Ud­lændingestyrelsen í Danmark. Við føroyska uppvøkstrinum hjá Michal Przybylski í huga, tykj­ ast sannlíkindini fyri, at hann fær játt­andi svar upp á umsøknina, sera stór. Um svarið í ringasta føri kort­ini verður noktandi, sleppur ungi póllendingurin ikki at verða verandi í Føroyum. Eitt sindur láturligt Høvuðspersónurin er ørkymlaður og iðrar seg um óhepnu støðuna, sum hann er komin í. Hann hevur lagt lív og sál í fótbóltin seinastu nógvu árini, og hann hevur eisini spælt støðugt í bestu deildini tvey tey seinastu kappingarárini, fyrst við barndómsfelagnum B68 og nú í Skála. Í løtuni sleppur hann kortini ikki á vøllin. - Hetta er eitt sindur láturligt, tí eg havi búð her (í Føroyum, red) síð­an 2001, og eg havi gingið bæði í fólka­skúla og í miðnámsskúla her. Eg havi tikið koyrikort her, og havi eitt vanligt føroyskt P-tal. Eg vænt­aði ikki, at tað fóru at standast nakr­ir trupulleikar av hesum, eftir­ sum eg havi búð her mestsum alt mítt lív, sigur Michal Przybylski við køks­borðið í húsinum á Glyvrum, sum pápin keypti fyri tveimum ár­ um síðani. Tomasz Przybylski kom til Før­ oy­ar í 1999, tá Piotr Krakowski, sum tá var venjari hjá ÍF, fekk hann til Fugla­fjarðar at spæla. Tvey ár seinni komu konan og tvey ára gamli sonurin til landið, og Michal Przy­bylski hevur búð í Føroyum síðani. Hann vaks upp á Toftum, har hann gekk í barnagarði og í fólka­skúla, og hann tosar flótandi før­oyskt og pólskt. Pápin hevur ar­ beitt á bátasmiðjuni í Runavík síð­ an 2000, meðan mamman flutti aft­ ur til Póllands fyri sjey árum síðani. - Tá mann fær boð um at koma at venja við føroysku U-fótbólts­ lands­liðunum hvørt ár, eru tað helst nógv, ið als ikki vita, at eg ikki eru føroyskur ríkisborgari. Tá tey lesa hetta, giti eg, at fleiri fara at finna útav, at eg á pappírinum einki havi við Føroyar at gera, sigur 19 ára gamli spælarin hjá Skála. - Eg haldi bara, at tað er spell, at støðan hjá mær er, sum hon er. At eg havi búð her í 17 ár, ella hvat tað er, og verði viðfarin sum ein, ið kom her í síðstu viku. Pappírini hjá mær liggja í einum bunka millum allar hin­ar umsøkjararnar, leggur Michal Przybylski afturat. Kundi havt gjørt meir sjálvur Hóast Michal Przybylski er ørkyml­ að­ur um støðuna, sum hon sær út í løtu­ni, viðgongur hann samstundis, at hann og pápin skuldu havt kann­ að viðurskiftini viðvíkjandi uppi­ halds­loyvum betur. Lógin sigur, at ein persónur skal hava egið uppi­ haldsloyvi, tá hann er vorðin 18 ára gamal. Hetta vóru feðgarnir ikki greið­ir yvir. - Tað var eitt mistak frá okkara síðu, sigur hann. - Hinvegin haldi eg, at eg kundi fing­ið boð um, at ‘nú fyllir tú 18, títt loyvi gongur út, og tú mást søkja um nýtt,’ leggur hann afturat. Onkur, ið kennir støðuna hjá Michal Przybylski, er komin við FÓTBÓLTUR Bíðar eftir uppihaldsloyvi: MICHAL PRZYBYLSKI: SLEPPUR IKKI AT SPÆLA EFFOFÓTBÓLT Ungi póllendingurin hjá Skála, Michal Przybylski, hevur slitið barnaskógvar sínar í Føroyum, síðan hann kom til landið sum tvey ára gamal. Hann hevur sett dám á Effoliðið á Skála í ár, men sleppur ikki á vøllin í appelsingulu blusuni í løtuni, tí hann einki uppihaldsloyvi hevur. Hann hevur bíða í skjótt eitt ár eftir svari úr Danmark upp á umsøkn um varandi loyvi, og dylir ikki fyri, at støðan er ørkymlandi. - Eg havi búð her í 17 ár, og verði viðfarin sum ein, ið kom her í síðstu viku, sigur hann