týsdagur 8. august 2017síða 14

Mikudagur 9. august 2017 · Nr. 91 14 Sosialurin Hugskot og viðmerkingar – send sms til 225000 nøvn Zacharias Zachariasssen er fødd­ur í Norðragøtu 6. au­ gust 1935. Hann er hin frum­ borni í barnaflokki, sum tel­ ur sjey systkin. Av hes­um eru fýra deyv og ein genta tunghoyrd. Av øll­um systkj­ unum eru bert Zacharias og beigg­in Flóvin, ið kunnu hoyra og tala sum vanligt. Mamma hansara, Anna Mal­ena, vanliga rópt Anni­ lena, f. Tausen, var ættað úr Heið­u­num og pápin, Ják­up Zach­ariassen, Jákup í Mort­ ans­stovu, var úr Norðr­a­ gøtu. Gudsótti teirra setti djúp spor í sál og sinni barna teirra. Zacharias vaks upp og gekk í barnaskúlanum í Gøtu í 7 ár, sum var vanligt tá. Hann gekk eisini í sunnu­ dags­skúla í gamla salinum Fila­del­fia við Gøtugjógv, har m. a. Godtfred Thomsen, Godt­fred, ættaður úr Hein­a­ stovu á Eiði, men vaks upp í Syðrugøtu, var sunnu­dags­ skúla­lær­ari. Eg minnist Godt­fred sum ein litríkan røðara á samfelagsstevnum í Havn, ser­stak­liga, tá ið hann lýsti Guds kær­leika til menniskju við at breiða sínar fevnandi armar móti áhoyrarafjøldini. Røðara­ kynst­ur sítt hevði hann ó­ivað nomið sær í sunnu­dags­skúla­ num við Gøtugjógv. Á einum krist­i­lig­um fólkafundi við Tofta­vatn í juli 1966 varð mær – sum 25 ára gomlum ung­menni – tann sómi sýnd­ur at halda røðu saman við so mætum monnum sum Sím­uni Jóhan Wolles av Eiði, Peturi Háberg úr Havn, Ják­ upi Olsen úr Søldarfirði og Godt­fredi Thomsen. Lærdi blikksmíð í Havn Zacharias hevur sjálvur greitt frá, at hann sum 13–14 ára gamal fekk fast undir føt­ur andaliga við trúnni á Jes­us Kristus eftir eitt per­ són­ligt prát við pápa sín, sum greiddi honum frá, at per­són­liga trúgvin á Jesus er nóg mikið til frelsu. Har og tá gjørdist Zacharias ein sann­førd­ur trúgvandi. Hann fór til Havnar at læra rør- og blikksmíð í 1953 hjá P/f. Mariu Poulsen í Tórs­gøtu, haðani hann varð út­lærd­ur í 1956. Hesi ár­ini í Havn hevði hann sítt and­ a­liga heim í „Ebenezer“. Tá var tað, eg kom at kenna Zach­arias. Stutt eftir lokna læru­tíð fór hann ein túr við trola­ra­n­um Fiskanesi, sum hvann­a­sunds­brøðurnir og Esm­ar Fuglø høvdu keypt úr Ong­landi árið fyri. Eg minn­i­st væl, tá ið Fiskanes á sín­um fyrsta túri kom sum eitt kongaskip inn mill­um før­oysku trolararnar á grøn­ lands­bank­u­num. Ein sjón, sum ongantíð er farin mær úr huga. Var sjálvur umborð á ein­um av trolarunum har, Gull­s­øka úr Vestmanna. At Zacharias – av sjey systkj­um – einans var sjálvur ann­ar, ið kundi tala frítt og hoyra sum onnur, gjørdi, at hann fór at hugsa álvarsliga um stóra framíhjárættin, ið hon­um var givin: at eiga hes­ ar gudgivnu førleikar fram um flestu systkini. Á bíbliuskúla í Onglandi Hugsanin um at halga Gudi og frels­ara sínum hesi evni og lív sítt alt, sum tað var, ot­aðu seg djúptøkin fram í til­viti hansara. Hann tók tí avgerð um at fara á bíbl­i­u­ skúla í Onglandi, sum nevnd­ ist Moorlands Bible College. Sum 19 ára gamal ung­ lingi minnist eg stak væl eitt møt­i­s­kvøld í 1958 í gamla „Ebenezer“, tá ið Pet­ ur Háberg reisti seg upp og kunngjørdi okkum í sam­ kom­uni, at 23 ára gamli Zach­ar­ias hevði tikið avgerð um at fara á bíbliuskúla í Ong­landi. Seinni hetta sama sep­tem­ber­kvøldið loysti oljuskipið „Faroe Shell“ frá vest­aru bryggju og stevndi út í Nólsoyarfjørð við Zach­ ar­i­asi Zachariassen umborð, á­veg­is móti Stóra Bretlandi við persónligum kalli at búgva seg út til at læra orð Guds betur at kenna – og tæna Harranum. Á bíbliuskúlanum var Zach­ar­ias í trý ár. Har tók hann stóru lívsavgerð sína: at geva alt sítt lív og síni evni at tæna Gudi og Jesusi, frels­ ara sínum, burturav alt lívið. Aftur til Føroya at virka Eftir hesi trý árini á bíbl­i­u­ skúl­a­num í Suðuronglandi kom hann heimaftur og fór und­ir ta tænastu, ið hann trú­liga hevur røkt í Harrans vín­garði sum evangelistur, rit­høv­und­ur, sangskald, sang­týð­ari og bíbliulærari – øll hesi árini til dagin í dag – í sam­full 56 ár. Undan honum vóru ein­ ans tríggir føroyingar stignir fram á sama hátt innan brøðr­a­samkomurnar: At geva alla sína tíð til andaligt verk. Teir vóru: Dánjal Dan­ i­el­sen (Dollin) úr Havn, A.W. Slo­an úr Havn og Victor Dan­ i­el­sen úr Søldarfirði. Útivið hálvt hundrað ár vóru tá liðin, síðan A.W. Sloan og Vic­ tor Danielsen stigu fram sum præd­i­kumenn. Síðan tá – til ta løtu – hevði enn eingin gjørt sum teir. Undangongumaður Tí má tað sigast, at tá ið Zach­a­r­i­as fór á bíbliuskúla í 1958, var tað fyrstu ferð, at nakar føroyingur innan nevndu samkomur, ið gjørdi hetta. Sostatt var Zacharias un­d­an­gong­u­maður í hesum, sum mong hava tikið eftir seinni. Somuleiðis var tað eitt und­angonguverk í nýggjari sam­komussøgu – eftir meiri enn 50 ára tøgn – tá ið Zach­ ar­ias steig fram at geva seg til andaligt verk burt­ur­av fyrst í 1960-unum. Síð­an tá – til dagin í dag – hev­ur Zacharias trúfastur, halgað­ ur og stúttur røkt og livað í tí kalli og tænastu, sum Harrin gav honum á ungum árum. Nevnt skal eisini verða, at Zach­arias, eg sjálvur, teir, ið nevnd­ir eru, og aðrir trú­ boðarar, eru farnir út í and­ a­liga lívsverk teirra í trúgv á, at tann Harri, ið kallaði teir, fór at útvega teimum tað, ið teimum tørvaði til lívs­ins uppihald. Eingin sam­koma ella einstaklingar gav lyfti um løn ella stuðul. Lit­ið var einans á Guds lyfti um dag­ ligt breyð og lívsins uppihald fyri seg og síni. 6. august 2015 fylti Zach­ ar­ias áttati, men sum hon­um hóskiligt – læt hann dag­in fara stillisliga aftur við borð­ inum. Eg skrivaði tá hesa grein, ætlaði hana í Leir­ker­ ið, sum Zacharias er blað­ stjóri á, men hann segði við meg, at honum dámdi ikki, at hann var umrøddur í egna blaði sínum. Greinin hevur tí bíð­að til hesa stund. Bókaforlagið Leirkerið Saman við øðrum stovnaði Zach­arias nevnda bóka­for­ lag, sum hevur givið út nógv­ ar andaligar bøkur. Zacharias hev­ur serliga verið virkin á tí bók­liga økinum, skrivað, týtt, yrkt, samskipað og givið út bøk­ur og kristiligan lesnað. Hann hevur verið blaðstjóri í 47 ár. Í fyrstani – saman við øðrum – á tíðarritinum Rødd­ini og seinastu 34 árini á Leir­ker­inum. Í sambandi við áttati ára dagin kom út bók eftir Zac­ h­ar­ias á forlagnum hjá Leir­ ker­i­num. Bókin, sum eitur Fóta­spor, er eitt savn av odda­greinum, sum Zacharias hev­ur skrivað í tíðrritunum Rødd­ini og Leirkerinum sein­ astu 47 árini, síðan tíðarritið Rødd­in kom út á fyrsta sinni í 1970. Bíbliuskeið og ev­ an­gel­isk átøk heima og burturi Í eitt mannaminni hevur hann – á hvørjum ári – skipað fyri vikulongum bíbliuskeiði í „Zar­epta“. Hetta hevur hann lat­ið øðrum í hendi í 2015. Sam­an við øðrum skipaði hann fyri tí fyrsta vikulanga bíbliu­skeið­i­num í Føroyum. Vit, ið vóru á hesum skeiði, sum var á Hote­l Hafnia í 1962, minnast aftur á hetta við mikl­um takksemi. Vit fingu tá andaligan førning og í­blást­ur, sum hevur havt av­ger­andi ávirkan á alt okk­ ar­a lív. Zacharias hevur skipað fyri mong­um ferðum til onn­ur lond, bæði beinleiðis hjálp­ar­ferðum til lond í Eyst­ ur­europa, t.d. Póllands og Rum­en­ia og evangeliskum ferð­um. Hugsi ofta um ta ferðina fyrst í áttati-árunum, tá ið Zach­ar­ias, Robert á Lakjuni og eg vóru í Póllandi og keyptu túsundtals bíbliur, sum vit – nærum heilan dag – bóru upp úr goymslum í ein­um kjallara í Warshawa og síð­an góvu fólki úti á gøtunum og kristnum sam­ kom­um bíbliur at nýta í verki teirra. Saman við Hjørleifi Vang og øðrum skipaði hann fyri traktatútbýting í meg­in­part­ i­num av Íslandi í 1970-áru­ num. Sjálvur havi eg verið á slík­um evangeliskum verk­ a­ferð­um saman við Zach­ ar­iasi, m. a. teirri fyrstu før­ oysku ev­ang­e­l­i­ser­ings­ferð­ini í Het­landi í 1973. Zach­ar­i­as var eisini saman við okk­um á ev­an­ge­l­i­ser­ings­ferð­ini, sum Atlantic Miss­ion skip­aði fyri við „Juvel II“ í Suð­ur­oyggj­ um, t.e. He­brid­u­num, í 2013. Í november 2015 vóru vit báð­ir saman við Any og Eilef Niel­sen á samkomuvitjan í Bud­a­pest í Ungarn. Zacharias hevur eisini virk­að nógv sum enskur tulk­ur, tá ið útlendskir præd­ i­ku­menn hava vitjað í Før­oy­ um. Í tveimum førum hev­ur hann, saman við Poul Jo­han Djurhuus, tulkað ev­an­g­el­isk­ ar fundarrøðir hjá Billy Gra­ ham, sum í 1990-unum vórðu sjónvarpaðar til Føroya úr Dort­mund í Týsklandi og úr Puerto Rico. Bíbliulærarin Trúskapur móti Bíbliuni, orði Guds, hevur eyðkent Zach­arias. Somuleiðis á­hugi hansara fyri at boða pro­fe­t­ iska orðið um tíð endans. Zacharias var ein av teim­ um 8 monn­unum, sum í 1966 stovnaðu Evangelisku Rødd­ ina, (EvR), sum tey næstu 25 ár­ini sendi gleðiboðskapin um Jesus kring allan heim­ in á føroyskum, men hev­ur seinni lagt seg meiri eftir útvarps- og sjón­varps­send­ ing­um í før­oysk­um miðl­um og gjøgnum netvarp. Zacharias er væl lisin í skrift­ini, ein góður og vird­ur bíbliulærari. Til tess at verða førur fyri at duga før­oyska rættskriving so væl sum gjørligt, tók hann á ung­ um árum brævaskeið í før­ oyskum hjá Jeffrei Hen­rik­ sen, lærara. Hetta er komið honum til góða í tí stóra út­ gáv­u­virk­semi, ið hann hevur staðið fyri saman við beiggj­ a­num Flóvini. Persónliga takki eg Zach­ ar­i­asi fyri hollan vinskap, trú­skap og samverk í tæn­ astu Harrans síðan ung­ dóms­ár­ini til dagin í dag – og fyr­i­dømi hansara sum tæn­ ari Harrans. Konan, Lis, hevur ver­ið honum holl við lið í verk­i­ num. Við Poulu, fyrru konu síni, eigur hann synirnar Dánj­al, Jákup og Jógvan og við seinnu konu síni, Lis, Arna og Pætur. Svenning av Lofti Orðsins boðberi náddur upp um kappaaldur Zacharias Zachariasssen er elstur av sjey systkjum. Fýra teirra eru fýra deyv og ein genta tunghoyrd. Av øll­um systkj­u­ num eru bert Zacharias og beigg­in Flóvin, ið kunnu hoyra og tala sum vanligt