mánadagur 28. august 2017síða 4

Mánadagur 28. august 2017 · Nr. 99 4 Sosialurin Hugskot og viðmerkingar – send sms til 225000 UNDIR FÝRA EYGUM Hugskot og viðmerkingar – send sms til 225000 Hvat land kundi tú hugsað tær at vitja? – Eg havi ofta hugsað um at sleppa til Nýsæland at vitja, og nú er ferðin komin á skránna í november-desember. Tað gleði eg meg til. Hvønn føroyskan sang dámar tær serliga væl? – Tað eru nógvir góðir føroyskir sangir, og Eivør Pálsdóttir og Guðrið Hansdóttir eru altíð góðar. Hesaferð velja eg sangin Trøllabundin hjá Eivør. Eyðun Klakstein Síðani hevur 2008 hevur Marita Rasmussen umboðað Føroya Arbeiðsgevarafelag í fremstu røð í sáttmála­ sam­ráðingum, í samskifti við politisku skipanina og í almenna kjakinum. Hon um­boðar arbeiðsgevarar og føroyskt vinnulív í breið­ari merking, og í tí leik­lut­inum hevur hon valt ein kon­struk­ tivan leiklut. – Vit skulu vera eitt virði­ ligt umboð fyri vinnuna í øll­um lutum. Vit skulu vera lurtandi og konstruktiv mót­ vegis bæði vinnu og sam­ felagnum annars. Vit hava áhuga í, hvussu samfelagið útviklar seg til frama fyri fólk her á landi, sigur Marita Rasmussen. – Vinnan er ein inte­ grer­aður partur av sam­ felag­num, og føroyingar eru raskir at arbeiða. Vit hava hægsta arbeiðsvirkni í norðurlondum – kanska í heiminum – og tað krevur, at grundleggjandi viðurskiftini í samfelagnum eru upp á pláss, so at fólk sleppa til arbeiðis. Vinnan hevur áhuga í, at barnaansing, eldrarøkt og allar grundleggjandi tæn­ astur í samfelagnum rigga væl, so fólk og vinna fáa virk­ að, sigur hon. Vinnuhúsið Føroya Arbeiðsgevarafelag eigur og rekur Vinnuhúsið og hevur yvirskipaðu ábyrgdina av húsinum, sum er á Óðinshædd í Havn. Vinnu­húsið hýsir fimm arbeiðsgevarafeløgum og tíggju vinnugreinafeløgum. Føroya Arbeiðsgevarafelag stendur fyri at samráðast um 40 sáttmálar á privata arbeiðsmarknaðinum, og hetta er, umframt at ráðgeva limunum, týdningarmiklasti parturin av arbeiðnum hjá einum arbeiðsgevarafelag. – Eksistensurin hjá okk­ um eru fyritøkurnar, sum eru limir í teimum ymsu feløgunum, og tí leggja vit stóran dent á at veita teimum eina góða, munadygga og skjóta tænastu. Tað kann vera trupult at finna runt í teimum mongu sátt­mál­unum á arbeiðs­ marknað­inum umframt arbeiðsmarknaðar­lóggávuni og annað, og tí er okkara upp­gáva at ráðgeva um hetta í gerandis­degnum, sigur Marita Rasmussen. – Vit ganga eisini høgt upp í, at vit hava gott samstarv við fakfeløgini. Tey skulu hava álit á okkum, og vit vilja hava álit á teimum. Tí gera vit nógv fyri at varðveita góða álitið millum partarnar, sigur hon. Vinnuhúsið hevur nógv samskifti við politisku skip­an­ ina og almennu umsit­ing­ina. – Vit fáa nógvar fyri­ spurn­ingar og hoyringar, og vit svara altíð. Vit vilja virða fólkaræðið, og tí gera vit eisini okkara part til, at tað kann virka. Eisini í sambandi við hoyringssvar leggja vit dent á at vera konstruktiv í okkara svarum, sigur Marita Ramussen. Stjórin Nú er Marita Rasmussen stjóri í Vinnuhúsinum á tíggjunda ári. Hesi árini hevur hon verið partur av stórum tali av sátt­mála­sam­ ráðingum, og hon hevur við jøvnum millumbili umboðað vinnu­sjónarmið í almenna kjakinum. – Sum stjóri lurti eg eftir fólki, tí tey skulu trívast og tíma at koma til arbeiðis. Tað er týdningarmikið, at vit virða og brúka hvønn annan her í Vinnuhúsinum, og at vit eru hjálpsom mótvegis hvørjum øðrum. Føroyskt vinnulív er fjølbroytt, og tað eru feløgini í Vinnuhúsinum eisini, og tí er púra vanligt við mót­stríð­ andi áhugamálum. – Mangan mugu vit sigla millum skerini, tí vinnu­ greinar og fyritøkur hava ymisk áhugamál. Skal eg siga nakað alment, fyrireiki eg meg altíð væl, og eg royni at tosa við fólk í baklandinum, sum kunnu hjálpa mær og halda meg á so góðari kós sum gjørligt. Eg vil gjarna kenna meg trygga við tað, sum eg føri fram, so at eg eisini kann standa við boð­ skapin aftaná. – Tað er ikki altíð, at tað lukkast til fulnar, og við hvørt traðki eg við síð­ una av. Tað fái eg so at fáa at vita, og tað er eisini í lagi. Vinnulívsfólk í Føroy­ um eru stuðlandi og rúm­ lig, og hóast tey kunnu finn­ast at onkrum, sum eg havi ført fram, eru tey ikki illmint. Eg fái bæði kon­struk­tivan kritikk og positivar viðmerkingar frá vinnu­lívsfólki, sigur Marita Rasmus­sen. Sáttmálar Arbeiðsgevarafelagið er við til at samráðast um nógv­ar sáttmálar á arbeiðs­markn­ aðinum, og stóran part av tíðini eru onkrar sam­ ráðingar í gongd. – Fyrst og fremst skulu vit samráðast um sáttmálar, tí vit eru sett í verðina til at gera tað. Okkara høvuðs­ mál er at skapa stabilitet í vinn­uni og at varðveita kapp­ingar­føri hjá vinnuni í al­tjóða kapping. Vit hava út­flutn­ings­fyritøk­urnar, sum kappast á altjóða marknað­inum, og vit hava fyritøkur á heima­marknað­ inum, sum kappast við stórar útlendskar fyritøkur. Globaliseringin hevur havt við sær, at vørur og tæn­ astur ferðast so at siga frítt um allan heim, og tí er sera umráðandi, at vit hava eina lagaliga menning í sátt­mál­ unum, so at vinnan kann varðveita kapp­ingar­førið. Føroyar hava sera fjøltáttað vinnulív, men vinnan er undir trýsti. Alt meira verður kravt frá vinnuni til almennu kassarnar, og nýskipanin av fiskivinnuni hevur skapt mótloysi í tilfeingisvinnuni, sigur Marita Rasmussen, stjóri Vinnuhúsinum. Hon vil hava tryggar og støðugar karmar til vinnulívið UM MARITU RASMUSSEN Marita Rasmussen er ættað úr Froðba, men er búsitandi í Havn. Hon hevur útbúgving sum fiskivinnufrøðingur av lærda háskúlanum í Tromsø, og hon hevur tikið Master of Business Administration frá Robert Gordon Univeristy. Hon hevur starvast innan fiskivinnu, alivinnu og almenna umsiting. Síðani 2005 hevur hon starvast í Vinnuhúsinum, og síðani 2008 hevur hon verið stjóri Føroya Arbeiðsgevarafelags í Vinnuhúsinum. VINNAN ER STERK – MEN UNDIR TRÝSTI