mánadagur 28. august 2017síða 8

Mánadagur 28. august 2017 · Nr. 99 8 Sosialurin Hugskot og viðmerkingar – send sms til 225000 Annika Kunoy Im – Eg eri ovurfegin um, at eg havi vunnið avbjóðingina, sigur Sissal Kristiansen, og leggur afturat, at tann heilt stóri síðuvinningurin verður, um kanadiski mynda­maðurin og bloggarin Tommy Ton lutar eina mynd av verkum hennara á Insta­ gram síðu síni og í bloggi sínum. Sunnudagin í kirkjutíð vóru luttakararnir, modellir­ nar og myndafólk á ferð í Føroyum og tóku myndir av pløggunum, sum vórðu evn­ aði á Blue Fashion Challenge. Sissal Kristiansen greiðir frá, at tað var umráðandi fyri hana, at fáa ein góða mynd, sum vónandi verður lutað av myndamanninum Tommy Ton á netinum. Hon greiðir frá, at hóast hann tók myndir av so at siga øllum luttakarunum, so merkir tað ikki, at allir luttakararnir verða á blogginum hjá Tommy Ton. – Hann velur tað, sum hon­um dámar best, og onki annað, staðfestir hon. – Eg plagi ikki at spíska albogar, men tá kom lítil djevulin í meg, og eg hugsaði, at eg skal í bloggin hjá hon­ um, sigur hon. Ferðaliðið var tá í Bø og skuldi síðani til Gásadals. Sissal Kristiansen vildi held­ ur fáa myndir sínar tiknar í Bø enn í Gásadali, sigur hon. – Eg fór yvir til Tommy Ton, og hóast eg ikki stóð í køini til at taka myndir í Bø, so segði eg, at eg helt, at tað hevði verið hugtakandi, um modellin hjá mær, Jenny Wardum, var í sjónum har, tá myndirnar vórðu tiknar. Hann svaraði nakað bilsin, at um modellin sjálv hevði hug at fara í vatnið, so var hann við uppá tað, sigur Sissal Kristiansen. – Síðani fór eg til Jenny, og á sama hátt fekk eg lokk­ að hana við, flennir Sissal Kristiansen, tá hon greiðir frá um, hvussu hon fekk upp­merksemi hjá kenda myndamanninum. – Modellin sigur beinan­ vegin, við kollfjarða dialekt, at tað tímdi hon væl, um eg segði tað, og legði afturat, at tað var tí hon var har, sigur Sissal Kristiansen takksom. – Hon er arbeiðssom og djørv, og tí fekk Tommy Ton eisini tokka til hennara, hóast hann møguliga hevði aðrar modellir, sum honum dámdi betur. Hon hevur tann holdningin, sum tú skal hava, tá tú ert modell, sigur Sissal Kristiensen. Síðani fór modellin hjá Sissal út í salta vatnið í nýggja settinum, sum Sissal Kristiansen hevði arbeitt við teir nógvu tímarnar framm­ anundan. – Kjólin var vátur og fullur av sandi, og nú veit eg, at hann tolir saltvatn, flennir hon. Enn bíða luttararnir eft­ ir, at Tommy Ton leggur myndir av myndatøkunum út á blogg sín ella Instagram síðu sína, men ongin teirra veit, hvørjar hann velur, ella nær hann gera tað. Tað gjørdist føroyska Sissal Kjartasdóttir Kristiansen, ið vann stóru norðurlendsku sniðgeva kappingina í Østrøm í leygkvøldið. Síðan mikudagin hava 11 viðurkendir norðurlendskir sniðgevar kappast um at gera besta sniðið úr havsins rávørum: fiskaskræðu, kópa­ skinni og tarajersey. Burturúr hesum komu 11 ymisk snið, ið vøkur føroysk modell sýndu fram í Østrøm. Kappingin var hørð, og dómsnevndin hevði harðar tingingar, áðrenn tey samd­ ust um, at Sissal átti besta sniðið. Sissal rekur dagliga »Shisa Brand«, ið mest fæst við bundna­vørur, men hetta for­ðaði henni ikki í at vinna handan seymi­maskinuna. Kolbrún Ýr Gunnarsdóttir úr Íslandi fekk annað pláss, meðan Louise Lynge Hansen úr Grønlandi fekk eitt herða­klapp fyri sín kópa­ skinsjakka. Nógv fólk var komið saman í Østrøm til móta­ sýningina, og enn fleiri fylgdu við á netinum, tí sýn­ingin varð streamað beinleiðis á Facebook síðuni hjá NORA, har ber til at síggja øll sniðini. BLUE FASHION CHALLENGE Sissal vann Blue Fashion Challenge Síðuvinningurin er Tommy Ton Sunnudagin tók víðagitni kanadiski mótamyndamaðurin myndir av tí, sum varð framleitt á Blue Fashion Challenge. Stóra gjøgnumbrotið hjá sniðgevunum kann koma av, at myndamaðurin lutar myndir á bloggi ella Insatagram síðu síni. Tonny Ton 33 ára gamli Tommy Ton er heimskendur kanadiskur myndamaður, og hann er best umtóktur fyri mótablogg sín Jak & Jil og fyri frásøgnum sínum frá fashion week á Style.com og GQ.com. Tommy Ton tók myndir av modellunum undir sýningini, og hann tók eisini myndir av modellunum á ymiskum støðum í landinum. Tommy Ton er ein av teimum mótafotografunum við flest fylgjarum á netinum. Hann hevur millum annað samstarvað við merkjum so sum Loewe, Michael Kors, Swarowski, Luis Vuitton, Levi’s og fleiri.