mánadagur 28. august 2017síða 18

Mánadagur 28. august 2017 · Nr. 99 18 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Tórsvøllur Í 2011 blívur NSÍ nummar fýra í bestu deildini, men hand­an leiktjaldið er alt ikki sum tað skal vera. Fíggjar­ liga stendur illa til og felagið er í vanda fyri at fara á húsa­ gang. Fleiri spælarar velja at skifta til onnur feløg. Eitt nú fara venjarin og tríggir spælarar til B68, meðan aðrir fara til onnur feløg og upp aftur aðrir fara av landinum. Skal felagið bjargast, so verður neyðugt á hálsa um og tálma øllum útreiðslum. Eftir eru fleiri ungir mans, sum nú mugu taka við. Árni Frederiksberg, Klæmint A. Olsen og Jens Joensen blíva stuðulsspælarar, sum enn spæla við felagnum. Aðr­ir ungir mans tá, eru Mon­rad H. Jacobsen (1.deild), Krist­ian Joensen(KÍ), Pól Jóhan­nus Justinussen, Jann Martin Mortensen(Skála), Andras Frederiksberg og leigu­svein­ ar­nir úr HB, Pál M. Joensen og Óli Arge. Helgi L. Petersen tekur gaggur­nar fram aftur í seinnu hálvu av 2011, og er stýri­maður í verjuni, meðan Kári Reynheim stendur við róðrið. Felagið hevur ikki ráð at keypa inn, og málið er stutt og greitt at yvirliva í deildini. Endurbyggingin Liðið megnar at yvirliva, með­an grannarnir av Toftum mugu niður næstbestu deild­ ina. Einar Tróndargjógv er aftur í NSÍ troyggjuni saman við stríðsmanninum Karl Løk­in, ið rokast á miðjuni. NSÍ megnar í 2013 at vinna seg millum fýra tey fremstu og koma í Evropa. Hetta er eisini tíðin, tá lands­liðs­peng­ ar og Evropa-millión­ir­nar koma upp í spæl. Tað gevur NSÍ eitt fíggja­ rligt grundarlag at halda fast í góðu gongdini, og samstundis fáa goldið niður upp á skuldina. Hóast venjar­ arnir hava verið nakrir hesi árini – Kári Reynheim, Ábra­ham Løkin, Heðin Ask­ ham, Trygvi Mortensen og Anders Gerber – so er stíl­ urin tann sami. Liðið spælir álops­sinnaðan fótbólt og fleiri ungir spælarar fáa møgu­leikan, meðan bulurin á liðnum er stórtsæð tann sami. Meðan skuldin minkar - veks­ur NSÍ. Fyrsta møgu­leik­an til gull fær felag­ið í steypa­finalu­ni í 2015, men liðið tapur upp á tað skam­mi­ligasta fyri Víkingi. Niður­støð­an er, at liðið mangl­ar vinnar­ar og eina vinnara­mentan. Í fjør er liðið við í FM stríðnum ein stóran part av vegnum, men aftur restar í, tá mest stendur á. Krúnan á verkinum Í fjør tapur NSÍ greitt í hálv­ finaluni fyri KÍ. Liðið verð­ ur trumlað niður í Klaks­ vík, men í ár er søgan ein onnur. Í Klaksvík javnar Pól Jóhannus Justinussen til 2-2 í evstu løtu, meðan liðið á heimavølli vinnur seinnu hálv­finaluna sannførandi 3-0. Hóast tvey órógvandi tap í Gundadali í lands­kapp­ ingini og skaðar til lykla­ spælarar, so vinnur NSÍ steypa­finaluna við einum taktisk­um og skilagóðum avrikið. Álopssinnaði fótbólturin er í toppdystunum útskiftur við eina meiri pragmatiska til­gongd til dystin. Gamaní er hepnið við NSÍ í onkrum støð­um, men runvíkingar hava bestu verjuna saman við HB. Tí ber ikki til at siga, at tað kemur av ongum, at B36 einki mál fær í finaluni. Løgmanssteypið 2017 er ein staðfesting av, at NSÍ nú hevur eina vinnaramentan á liðnum. Tað er eisini ein stað­ festing av, at NSÍ hevur reist seg úr øskuni – nú við gulli um hálsin. Eftir fyrsta Løg­mans­ steyp­ið í 2002 gingu fimm ár, áðrenn NSÍ vinnur aftur. Í 2007 vinnur liðið higartil ein­asta FM í søguni hjá felag­num, men tú situr við eini kenslu av, at tað ganga hvørki tíggju ella fimm ár til NSí vinnur gull aftur. Tað verður styttri enn so! trondur@sosialurin.fo Umhugsaðu at avtaka NSÍ: Fyri fimm árum síðani er NSÍ á veg á húsagang og tosað verður um, at avtaka felagið og byrja av nýggjum. Í dag er felagið steypavinnari, hevur tað gott fíggjarliga og mennir nógvar spælarar. Søgan um Løgmanssteypið, er ein søga um eitt felag, sum miðvíst hevur arbeitt seg úr øskuni og upp á toppin í føroyskum fótbólti ÚR ØSKUNI VIÐ GULL UM HÁLSIN