mánadagur 28. august 2017síða 21

21 Mánadagur 6. januar 2014 · Nr. 2 Sosialurin Mánadagur 28. august 2017 · Nr. 99 Hugskot og viðmerkingar – send sms til 225000 FÓTBÓLTUR EINGIN VIÐ FRÁ SEINAST Á NSÍ liðnum vóru tað fleiri, ið høvdu roynt at spælt finalu fyri NSÍ í 2015. Tó var eingin við á liðnum, sum var við seinast NSÍ vann Løgmanssteypið, sum var í 2002. Rundanum hópin hjá NSÍ var Jens Martin Knudsen, ið nú er málmansvenjari, tann einasti sum var við frá tá. B36 – NSÍ 0-1 (0-1) 1.1 Einar Tróndargjógv, 36. Gul kort: Karl Løkin (NSÍ), Pól Jóhannus Justinussen (NSÍ), Petur Knudsen (NSÍ), Eli F. Nielsen (B36), Lukasz Cieslewicz (B36) Reytt kort: Karl Løkin (NSÍ) – Tvey gul kort B36: Rói Mørk Hentze – Høgni Eysturoy, Odmar Færø (Liðskipari), Andrias Eriksen, Alex Mellemgaard (Hannes Agnarsson, 74) – Christian Mouritsen (Benjamin Heinesen, 57), Róaldur Jakobsen, Eli F. Nielsen, Meinhard E. Olsen – Lukasz Cieslewicz – Patrik Johannesen NSÍ: Símun Rógvi Hansen – Jens Joensen, Per Langgaard, Jann Ó. Ellingsgaard, Einar Tróndargjógv – Jann Benjaminsen (Jonleif Højgaard, 74), Karl Løkin, Betuel Hansen, Petur Knudsen – Pól Jóhannus Justinussen – Klæmint A. Olsen NÝGGJAR SPÆLARA­METINGAR: 1: Avrikið er út av lagi vánaligt og kostar dystin 2: Avrikið er vánaligt og dystaravgerandi 3: Avrikið er væl undir miðal og tað sæst aftur á liðavrikinum 4: Avrikið er undir miðal, men ikki avgerandi 5: Avrikið er miðal og spælarin røkir tær uppgávur hann skal 6: Avrikið er beint yvir miðal 7: Avrikið er yvir miðal og tað sæst aftur á liðavrikinum 8: Avrikið er væl yvir miðal og spælarin er avgerandi 9: Avrikið er framúr og spælarin er dystaravgerandi 10: Á landsliðið og seldur í morgin! Leikarametingar B36: Rói Mørk Hentze 3: Ungi og evnaríki málverjin fekk tíverri ein óhepnan leiklut í steypafinaluni, har hann ikki sá so sannførandi út tá NSÍ fekk mál. Skal tó ikki fella í fátt av dystinum, tí slíkir dystir menna ein málmann nógv. Høgni Eysturoy 3: Varð valdur framum Erlend Magnussen á høgra bakkinum, men hevði ikki ein av sínum bestu dystum. Átti lut í málinum hjá NSÍ, har hann var settur undir trýst í eini yvirtalsstøðu. Odmar Færø 6: Var einasti leikarin á liðnum hjá B36, sum spældi ein yvir miðal dyst. Var sum heild tryggur í verjuspælinum, og hevði í seinna hálvleiki ein frálíkan túr framvið. Varð sendur upp í álopið móti endanum at trýsta. Andrias Eriksen 4: Átti eisini lut í málinum hjá NSÍ, tí hann misti Klæmint A. Olsen vekk í fyrra innlegginum. Var tó við í góðum aktiónum í dystinum eisini, og vísti fleiri ferðir hvussu drúgvur hann er í sínum skjótleika í renniduellum móti NSÍ leikarunum. Alex Mellemgaard 4: Hevði rímiliga gott tamarhald á defensivt, har teir sjáldan komu ígjøgnum, men var als ikki eyðsýndur frameftir vøllinum. Hevur frálík fótbóltsevnir, men tað sæst aftur at hann seinastu árini hevur verið plágaður av skaðum. Christian Mouritsen 3: Fekk møguleikan í finaluni framum Benjamin Heinesen, men fekk lítið burturúr. Var útskiftur tíðliga í seinna hálvleiki. Eli F. Nielsen 4: Royndi at stríðast, men var við undirlutan móti NSÍ miðvøllinum. Tóktist eitt sindur yvirtendraður í seinna hálvleiki, tá hann tvær ferðir kom í heldur keðiligar støður á vøllinum. Róaldur Jakobsen 3: Fekk eina fína byrjan uppá dystin, men fall síðani fullkomiliga burtur. NSÍ leikararnir góvu kreativa miðvallaranum lítla tíð á bóltinum, og tað ávirkaði B36 spælið nógv. Meinhard E. Olsen 5: Runavíkingurin royndi at stríðast móti sínum fyrrverandi liðfeløgum, men hevur onkuntíð fyrr fingið meira burturúr. Hevði tó einstakar góðar aktiónir, og var ein av teimum fáu á B36 liðnum sum spældu nøkunlunda. Lukasz Cieslewicz 3: Er saman við Róaldi Jakobsen mest avgerandi leikarin á B36 liðnum. Men NSÍ hevði lisið uppá. Teir lukkaðu Lukasz fullkomiliga niður í spælinum, og tí var hann als ikki so eyðsýndur sum hann plagar. Patrik Johannesen 3: Hevði stóran møguleika í seinna hálvleiki, men fekk als ikki skot á bóltin. Var annars lítið eyðsýndur samanborið við vanligt, og hevði ikki ein av sínum bestu dystum. Benjamin Heinesen 5: Útstrálaði og vildi nakað, tá hann kom inn. Royndi eisini at bjóða av, hóast tað ongantíð var serliga vandamikið. Var eitt frískt íslett á B36 liðnum, og skuldi havt byrjað inni. Hannes Agnarsson 4: Fekk seinasta korterið á vøllinum, og bert í tí eina førinum sóust frálíku evnini, tá hann rann framvið bakkinum hjá NSÍ. Var tó lítið avgerandi. Leikarametingar NSÍ: Símun Rógvi Hansen 7: NSÍ málverjin hevði ein frálíkan dag. Hóast hann onga stórbjarging hevði, var hann ógvuliga tryggur í øllum tí hann fyritók sær, og kom sannførandi út úr feltinum tá innleggini komu. Jens Joensen 6: Hevði ein heldur øðrvísi leiklut, har hann lá sum miðverji í verjustøðu og spældi sum høgri bakkur í álopsstøðu. Kom væl frá tí, og vann fleiri týðandi bóltar. Útstrálaði eisini stóran vinnaravilja. Per Langgaard 7: Er stýrimaðurin í NSÍ verjuni, og var ein av høvuðsorsøkunum til at NSÍ stóð so væl í verjustøðu. Spældi ein frálíkan dyst. Jann Ellingsgaard 6: Spældi sum miðverji og átti fleiri avgerandi takklingar. Dugdi væl at lesa spælið, og var um reppið at skora í fyrra hálvleiki. Spældi ein góðan dyst. Einar Tróndargjógv 7: Gjørdist sigursharri á Tórsvølli leygarkvøldið, og var eisini millum bestu menn á vøllinum. Var sannførandi í verjuspælinum, har B36 formáddi sær lítið úr tí síðuni. Jann Benjaminsen 5: Var kanska leikarin, ið rann flest metrar í finaluni leygardagin. Spældi sum høgri kantur í álopsstøðu, og fall heilt aftur á høgra bakkin tá NSÍ lá í verjustøðu. Arbeiddi framúr, men hevur onkuntíð áður verið meira sjónligur við bóltinum. Karl Løkin 6: Spældi ein ógvuliga góðan dyst á tí defensiva miðvøllinum, har hann var við til at lukka Lukasz Cieslewicz fullkomiliga út úr dystinum. Fylti nógv og tað sást at hann veruliga vildi vinna. Var tó útvístur móti dystarenda. Betuel Hansen 7: Ein av mest eyðsýndu leikarunum á vøllinum fyri NSÍ. Var tryggur á bóltinum og var ógvuliga ágangandi á miðvøllinum. Petur Knudsen 6: Átti avgerandi fót í málinum hjá NSÍ, tí alt uppspælið byrjaði hjá honum. Arbeiddi væl, men var annars ikki so sjónligur. Pól Jóhannus Justinussen 7: Ein av bestu leikarunum á vøllinum í finaluni. Vann nærum allar bóltarnar sum hann fór uppí, og fylti nógv á NSÍ liðnum. Klæmint A. Olsen 6: NSÍ toppskjúttin kom ikki á máltalvuna í finaluni, men arbeiddi fyrimyndarliga. Var góður til at leggja trýst á B36 verjuna, og vann fleiri týðandi bóltar í verjustøðu, tá B36 hevði deyðbóltar. Jonleif Højgaard 6: Kom inn seinasta korterið og hevð eitt fínt innhopp. Var avbjóðandi við síni ferð, og tvær ferðir var um reppið at tað gjørdist vandamikið. Dómarameting: Petur Reinert 6: Dømdi fyri fyrstu ferð steypafinalu síðani 2008 og kom væl frá tí. Tó tóktist tað sum um NSÍ leikararnir høvdu lættari við at fáa kort fyri teirra gerðir í fyrra hálvleiki samanborið við B36 leikararnar. Hetta hevði tó als ongan avgerandi týdning fyri dystin, og samanumtikið var lítið at seta fingurin á viðvíkjandi dómaraavrikinum.