týsdagur 29. august 2017síða 8

Mikudagur 30. august 2017 · Nr. 100 8 Sosialurin Hugskot og viðmerkingar – send sms til 225000 Annika Kunoy Im Hósdagin var norðurlendska matvirðislønin Embla á fyrsta sinni latin í Keyp­ mannahavn. Sjey virðirslønir vórðu latnar í sjey ymsikum bólkum. Fýra føroyingar vóru tilnevndir í fýra ym­ isk­um bólkum, og teir kapp­ aðust við luttakarar úr Dan­mark, Svøríki, Noregi, Finnlandi, Íslandi og Álandi. Av teimum fýra tilnevndu vunnu tríggir føroyskir lut­ takarar virðislønina. Vinn­ ararnir vóru Leif Søren­ sen, sum vann í bólkinum Mathondverkarin, Heima­ blídni vann í bólkin­um Mat­ferðamál og Dímunar­ garð­urin vann í bólkinum Rá­vøruframleiðarin. Dímunargarður – Hetta var óvæntað, sig­ ur Eva úr Dímun um Embla virðislønina, sum Dímunar­ garður vann hósdagin. Hon greiðir frá, at teir fýra luttakarnir úr Føroyum fóru niður til Danmarkar mikudagin, og tosaðu tá um, at tað hevði verið stuttligt, um bert ein teirra vann, men hon hevði ikki væntað, at tríggjir av teimum fýra føroysku luttakarunum fóru at vinna. Vistu ikki, at vit vóru tilnevnd Eva úr Dímun, sum saman við manni sínum Jógvan Jón er bóndi á Dímunargarði, greiðir frá, at hon ikki visti av, at Dímunargarður var til­ nevndur Embla virðis­lønina. Hetta hava Bóndafelagið, Inova og Visit Faroe Islands vitað av. – Eg havi ikki verið varug við, at vit vórðu tilnevnd, men eg fekk boðini fyri á leið tveimum mánaðum síð­ ani, og tað var ein stórur heiður, tí uppgáva okkara, sum vit arbeiða dúgliga við er at framleiða mat. Tá hetta verður viðurkent á hendan hátt, so verða vit stolt, sigur hon. Eisini var tað gevandi fyri tey at luttaka, tí føroyski land­búnaðurin er lítil, og til tiltakið vóru kokkar, bónda­ felagið og umboð frá ferða­ vinnuni. – Eg fekk nógvan íblástur og kom heim við góðum hugskotum, sigur hon. Konseptið var vinnandi Eva og Jógvan Jón á Dímunargarði hava víst á, hvussu arbeiðast kann fyri at sleppa undan, at smápláss verða avtoftað, tí tey hava búsett seg á Stóru Dímun, har tey liva av tí, sum oyggin kastar av sær. – Tað er stuttligt, at okk­ ara konsept skuldi standa seg so væl. Tað vóru fleiri flottar, stórar og aldargamlar fyritøkur í bólki saman við okkum, men tað vísti seg, at tað ikki var støddin av fyri­tøkuni, sum varð av­ger­ andi, men heldur var tað konseptið, sum var áhuga­ vert. Vit hava eina góða vøru, men ístaðin fyri at standardi­ sera okkum hava vit økt fjøl­broytni og hava nógvar smáar framleiðslur. Hetta ger, at vit hava fyrimunir í góðsku og burðardygd. Fyri okkum merkir hetta, at arbeiðstopparnir verða javnari, og skuldi okkurt svik­ið okkurt ár, so eru onn­ ur bein at standa á. Eisini er tað stuttligt og áhugavert at hava ymiskt virksemi um­ framt, at tað er lættari at draga bæði børn og gomul upp í arbeiði, greiðir hon frá. Hon leggur tó dent á, at hóast Dímunargarður hev­ur ymiskt virksemi og framleiðslu, so eru teir 450 áseyðirnir álitið á garðinum – Vit eru fyrst og fremst seyða­bøndir. Tað hava vit verið í øldir, og tað fara vit at verða í framtíðini, staðfestir hon. Ynskja politikk á landbúnaðarøkinum Spurd um, hvat Dímunar­ garður fær burtur úr einum slíkum heiðri, sum ein Embla virðislønin er, sigur Eva úr Dímun, at tað er týðandi, at arbeiði á garðinum, sum er so umráðandi fyri tey verð­ur virðismett. Eisini vón­ar hon hetta vekir polit­ VIT HAVA SKYLDU AT FRAMLEIÐA Hósdagin vann Dímunargarður norðurlendsku matvirðislønina Embla, og bóndin vónar at vinningurin setur fokus á landbúnaðin í Føroyum – Skuldi eg ynskt mær nakað burturúr hesum vinninginum, so ynski eg, at hetta kjakið um, hvat og hvar vit skulu satsa innan landbúnaðin í Føroyum verður sett á breddan, sigur Eva úr Dímun, sum ynskir ein politikk á landbúnaðarøkinum MATVIRÐISLØNIN EMBLA Vit hava fantastiskt náttúru­ tilfeingi og hava skyldu til at framleiða tað, sum vit kunnu. Eg trúgvi og vóni, at bæði føroyskir bóndir og politiska skipanin fær íblástur av hesum herðaklappinum Dímunargarður • Eva úr Dímun er festari • Øll sum búgva í Dímun reka garðin. Tað er Eva og Jógvan Jón, og børn teirra Døgg og Sproti, og bróðir Evu Janus, kona hansara Erla og børn teirra Óli Jákup, Andrea og Tórur. • Eva er uppvaksin á garðinum, men gekk í skúla í Noregi og í Havn í nøkur ár. • Eva og Jógvan Jón fluttu út aftur til Dímunar fyri 14 árum síðani • Garðurin hevur verið í slektini í átta ættrlið, og fyrsti forfedurin kom út til Dímunar í 1807 • Á Dímunargarði framleiða tey seyðakjøt og úrdráttir, neytakjøt, garvað seyðaskinn. Eisini framleiða tey ymiskt grønmeti, so sum kálrøtur og mairøtur. Mynd: Janus Vang