hósdagur 31. august 2017síða 19

FRÍGGJADAGUR 1. SEPTEMBR 2017 SOSIALURIN 101 19 GIGNI DANJAL AV RANA A tfinningarnar hjá Landsgrannskoðanini móti roknskapinum og fíggjarligu støðuni hjá Gigni fylla tilsamans fimm síður. Flestu av atfinningunum eru rættaðar móti stjóranum og hvussu hon hevur brúkt pening stovnsins. – Stjórin og varastjórin hava rindað sær sjálvum 2.000 krónur í viðbót um mánaðin síðani 2014, uttan at Fíggjarmálaráðið hevur góðkent viðbótina. – Stjórin hevur latið stovnin rindað fyri sína masterútbúgving, uttan at Fíggjarmálaráðið hevur givið loyvi til tess. Talan er um 120.000 krónur í skúlapeningi um­framt gisting, dagpening og flutn­ing. –Nærum allar hotellrokning­ arnar fyri gistingar uttanlands eru dýrari enn ásetti kostnaðurin, sum landið kann endurrinda. Stovn­ urin hevur rindað fyri hesar. – Matstovurokningar eru rind­aðar við gjaldskortinum hjá stovninum. Tænastumenn skulu rinda kost sjálvi av dagpengunum, tey fáa í samband við ferðing. – Stjórin hevur hvørt ár síð­ani 2009 fingið serstøku frí­vik­una útgoldna sum løn. Lands­grann­ skoðanin fílist á, at hon ikki hevur uppgivið, hvussu nógvar dagar hon hevur havt frí øll hesi árini. – Stjórin hevði tvær teld­ur heima, umframt eina á skriv­ stov­uni. Hini starvs­fólkini høvdu eina teldu hvør á skrivstovuni. Landsgrannskoðanin dugir ikki at síggja, hví starvsfólk hava tørv á fleiri teldum hvør. – Í 2015 nýtti stjórin eitt gjalds­ kort hjá stovninum til at keypa eina teldu á einum flogvølli uttan­ lands. Teldan varð ikki tollað, tá hon bleiv flutt til Føroya. Fíggjarmálaráðið viðmerkir tó, at sáttmálin hjá bæði stjóranum og varastjóranum í Gigni geva teimum rætt til ábyrgdarviðbót. Í hesum førinum var trupulleikin, at hon ikki var góðkend av Fíggjar­ málaráðnum. Eisini sigur Fíggjar­ málaráðið, at tað er einki óvanligt í, at arbeiðsplássini rinda fyri eftir­útbúgving hjá stjórunum, men aftur, eingin skrivlig avtala var gjørd. Umframt hesar atfinning­ar­ nar, sum eru rættaðar móti pen­ inganýtsluni hjá Bjartu Vilhelm, fyrrverandi stjóra, bein­leiðis, so sigur Lands­grann­skoðanin, at roknskapurin hevur verið merkt­ ur av feilum og vánaligari um­ siting. Avgerandi skjøl mangla Landsgrannskoðanin eftirkannaði nøkur tilvildarliga vald lønarmál og varnaðist, at í fleiri førum eru útbúgvingar og eftirútbúgvingar, sum starvsfólkini fáa løn fyri, ikki skjalprógvað. Í stuttum sigur Landsgrannskoðanin tí, at tað ikki ber til at siga, um lønirnar vóru rættar, tí lønarmálini vóru ikki nóg væl skjalfest. Ein orsøk til, at Landsgrannskoðanin kannaði hetta, var at lønarútreiðslurnar hjá Gigni vuksu við 1,5 milliónum krónum frá 2012 til 2016. – Landsgrannskoðanin mælti til at dagføra øll lønarmál­ini, so­ leiðis at prógv fyri útbúgv­ingum, eftirútbúgvingum, skeiðum o.l., eru til skjals í málunum. Tað hevur týdning fyri stovnin til eina og hvørja tíð at kunna sanna, at lønirnar eru rættar, og at starvsfólkini hava lógarkravdu førleikarnar at røkja størvini sum m.a. heilsufrøðingar, skrivar Landsgrannskoðanin í við­ merkingum sínum til roknskapin hjá Gigni. Leiðslan á Gigni vísti á, at av tí at stovnurin er fluttur fleiri ferðir seinastu árini og hevur ligið undir ymsum øðrum stovnum, er væl møguligt, at onkur skjøl ikki eru komin við, tá flutt hevur verið, og tí mangla tey í goymsluni í dag. Í fleiri førum vísir Lands­grann­ skoðanin á, at mannagongdir ikki hava verið nóg góðar. Lands­grann­ skoðanin sigur millum annað, at tað er sera óheppið, at tann, ið hevur gjaldkortið um hendi, eisini er tann, sum skal góðkenna og leysgeva rokningar umframt at góðkenna mánaðarroknskapin mótvegis aðalráðnum. Størv verða ikki lýst leys Í seinastu viku stóðst eitt sindur av roki um, at eitt kunningarfólk var sett í starv í Mentamálaráðnum uttan at starvið var lýst leyst. Lands­grannskoðanin sigur, at Gigni í fleiri førum hevur brotið al­menna setanarpolitikk landsins. Størvini sum bókhaldari, KT grafiskur ráðgevi og reingerðar­ fólk vóru ikki lýst leys og lønar­ viðurskiftini hjá ráðgevanum vóru ikki í tráð við galdandi reglur á arbeiðsmarknaðinum – Gigni hevur ikki fylgt lógar­ ásettu reglunum um setanar­viður­ skifti, og samanumtikið heldur Landsgrannskoðanin, at óskrivaði setanarpolitikkurin hjá Gigni er ikki í samsvari við setanarpolitikk landsins, sum ásetir, at øll almenn størv eiga at verða lýst leys, skrivar Landsgrannskoðanin. Í fleiri førum hevur stjórin eisini nýtt pening uttan neyð­ uga góðkenning frá Fíggjar­mála­ ráðnum, millum annað til lang­ tíðarleigu av bilum og KT-útgerð. – Leiðslan hevur ikki víst hósk­andi fíggjarligan atburð í sam­bandi við umsiting av ognum og viðvíkjandi tí virk­ semi, roknskapurin fevnir um, er niðurstøðan hjá Lands­grann­ skoðaranum. Segði seg úr starvi Alt í alt er talan um sera harðar atfinningar móti leiðsluni á stovninum, so harðar, at tá stjórin segði seg úr starvi, metti Heilsu- og Innlendismálaráðið ikki, at tað var rætt at lata varastjóran røkja starvið heldur. Frágreiðingin hjá Lands­grann­ skoðanini varð handað Fíggjar­ málaráðnum í í februar í ár og í mai í ár valdi stjórin, Bjarta Vil­ helm at siga seg úr starvi. Sum nevnt bleiv varastjórin vrakaður sum avloysari og at enda valdi Heilsu- og Innlendismálaráðið, sum varðar av Gigni, fyribils at leggja stovnin undir Gigni og seta Egil á Bø, stjóra í Heilsutrygd, sum stjóra í Gigni eisini. Fíggjarmálaráðið sigur í stutt­ari viðmerking, at Bjarta Vilhelm valdi at siga seg úr starvi áðrenn ráðið var liðugt at við­ gera atfinningarnar frá grann­ skoðanini, og tí valdi Fíggjar­ málaráðið ikki at gera meiri við málið. DANJAL@SOSIALURIN.FO Landsgrannskoðanin: – Kortnýtslan hevur verið av slíkum slag, at ivi kann vera, um alt keypið er til raksturin hjá stovninum, skrivar Landsgrannskoðanin um roknskapin hjá Gigni Lemjandi atfinningar móti stjóranum