mánadagur 4. september 2017síða 6

Mánadagur 4. september 2017 · Nr. 102 6 Sosialurin Hugskot og viðmerkingar – send sms til 225000 Verði ongantíð ríkur av hesum Sakari Stórá brennur fyri at skapa ein veru­leika á skíggjanum. Ein veru­leika, sum ikki er sum okkara, og tó. At skapa hendan veruleikan er so mikið umráðandi, at hann ikki legg­ur í, um tað ikki loysir seg fíggj­ ar­liga. – Tað er ikki umráðandi at liva av at gera film, men tað er umráðandi at liva fyri at gera film, sigur hann, og greiðir frá, at tað snýr seg um at skapa, tí tað gevur honum mening í lív­in­um. – Eg havi ongan trupulleka við at arbeiða á flakavirki millum film­ ar­nar, tí eg fái møguleika at gera tað, sum eg elski mest, tá eg geri film, sigur hann. Filmur í Føroyum Spurdi nakar fyri 40 árum síðani, um tað bar til at liva av at gera tón­ leik, skaldskap ella málningalist í Før­oyum, so høvdu fleiri ivast. Í dag eru tó fleiri føroyskt listafólk, sum liva av listini. Sakaris Stórá heldur, at tað eisini er júst soleiðis við filmi. – Vit eru bara aftan fyri á hesum øk­inum í Føroyum, sigur hann. Hann greiðir frá, at tað er størri pol­it­iskur vilji á økinum nú, enn tað hevur verið, men at viljin ikki er komin úr ongum. – Vit noyðast at prógva, at tað er virðri í tí, sum vit gera, sigur hann, hó­ast hann sjálvur ikki longur er við í politiska filmskjakinum. – Eg vil heldur savna meg um at gera film, og so kunnu onnur kjak­ast um viðri í tí, sigur hann, men vísir samstundis á, at kjakið er neyð­ugt, og at tað eru eldsálir á øk­inum, sum hava skapað ein pol­it­iskan áhuga og latið eyguni á almenninginum upp fyri før­oysk­ um filmum. Tað er tó umráðandi fyri Sakaris at menna filmsfólk í Føroyum, so fólk fáa høvið til, at fáa royndirnar og fara víðari við teimum. – Soleiðis fær man eitt virkið films­umhvørvi í landinum, sigur hann. Hjartamál hansara er, at vit í Før­oyum fáa filmar, sum end­ur­ spegla samfelagið, sum vit liva í. Hetta hóast tað ongin loyna er, at tað er hart at gera film í Føroyum. – Ein má vera tvørur og stríðast fyri tí, sigur hann. Framtíðin Eftir at spælifilmur Sakarisar hev­ ur verið sýndur í Havnar Bio, fer hann uttanlands á ymiskar films­ festi­valar. Sakaris kann ikki kunn­ gera enn, júst hvar Dreymar við hav­ið verður sýndur, men sigur, at áhugin á ymisku festivalunum hev­ ur verið stórur. Hann gleðir seg til at sleppa á ferð við filminum, og tað bergtekur hann at síggja, hvussu fólk uppliva før­oyskar filmar. – Hvørja ferð eg havi ferðast við film­um, er tað ymiskt, hvat fólk leggja dent á, og hvørjar spurn­ing­ar tey hava. Tað verði eg eisini in­spir­ er­að­ur av, sigur hann. Hugskot og viðmerkingar – send sms til 225000 SAMRØÐA framhald Dreymar við havið Juliett Nattestad sum Ester Helena Heðinsdóttir sum Ragna »Tær eru nógv av tí, sum man sær í nógvum fólki. Tær umboða væl ymiskar síður av Føroyum, og kenna vit tær ikki, so hava vit verið tær«