mánadagur 11. september 2017síða 16

Mánadagur 11. september 2017 · Nr. 105 16 Sosialurin Hugskot og viðmerkingar – send sms til 225000 Talan var um fyrsta finalusigurin hjá øllum EBS/Skála spælarunum, sum eftir at hava vunnið steypakappingina fara at arbeiða miðvíst fyri at vinna greipuna Jóannes Hansen Gullið skuldi á aðrar hendur, enn tað hevði verið undanfarnu árini, tá ið HB og EBS/Skála leygar­ kvøldið spældu steypafinalu í kvinnu­kappingini. KÍ hevur verið einaráðandi bæði í FM kappingini og steypa­kapp­ ingini. Í ár rukku tær í Klaksvík ikki longri enn í hálvfinaluna í steypakappingini. Tað syrgdi EBS/ Skála fyri við at varpa sigursvanda KÍ úr kappingini í hálvfinaluni. Nú er EBS/Skála steypavinnari. Næsti setningurin er at stríðast fyri at vinna landskappingina. KÍ eigur heimsmetið við at hava vunnið FM hvørt ár síðani 2000. Í gjár vann KÍ útsettan lands­ kappingardyst á útivølli ímóti ÍF/ Víkingi 7-0. EBS/Skála er framvegis topplið. Tað eru tvey stig aftur til KÍ, sum eigur ein dyst til góða. Hann verður 27. september í Klaks­ vík ímóti B36. Um alt gongur, sum tað verður roknað við, so verður FM finalan sjeynda oktober. Tá eigur EBS/ Skála heimavøll ímóti KÍ. Ætlanin hjá EBS/Skála er at vinna síðsta dystin og harvið at tryggja sær fyrsta FM heitið. Søti sigurin Leygarkvøldið vann felagsliðið hjá teimum í Sundalagnum og á Skála steypafinaluna fyri fyrstu ferð. Skála vann steypakappingina fyri fjórðingsøld síðani, men hetta var fyrsta ferðin, at samansetta liðið tryggjaði sær eitt steyp. Viðhaldsfjøldin er trúføst, og leygarkvøldið settu fjeppararnir av bygd rættiliga dám á. Eisini fríggjakvøldið vóru nógv av teim­ um á Tórsvølli. Tá fóru tey vón­ brotin til hús, tí U-17 gent­urnar hjá EB/Streymi taptu steypafinaluna ímóti B68. Leygarkvøldið vóru fleiri av teimum, sum høvdu tapt final­una fríggjakvøldið, aftur á dómara­ seðlinum. Nú høvdu tær minni leiklut, enn tær høvdu kvøldið fyri, men tær stórfegnaðust. – Vit taptu finaluna fyri tveim­ um árum síðani. Í landskappingini hava vit fleiri ferðir verið akkurát ov stuttar, og nú er kenslan sera góð, tí tað endiliga eydnaðist at vinna eitt steyp. Hetta er okkara fyrsta steyp, men vónandi verður hetta ikki tað síðsta. Tað sigur Ansy Sevdal, liðfor­ mað­urin og miðvallarinhjá EBS/ Skála. Hon var meistari fyri mál­ inum, tá ið EBS/Skála svaraði aftur beinan­vegin, eftir at HB hevði lagt seg framum. Mál­skjútti fyri HB var Lea Hansen eftir langa framlegging við frísparki. – Hetta var vát­ur vøttur hjá okk­um, men tíbetur svaraðu vit aftur, áðrenn ein minuttir var farin. Tá ið vit so stutt undan steðginum løgdu okkum framum, var kenslan góð, tá ið vit foru at hvíla okkum. 3-1 málið bar meiri frið við sær, men HB svaraði aftur, og tá ið tað bara var eitt mál á muni, so kundi alt henda, men tíbetur hildu vit tørn um 3-2, sigur ovurfegna Ansy Sevdal. Birna Johannesen, sum skoraði bæði til 2-1 og 3-1, varð kosin dagsins spælari. Mótbrekkan var brøtt Í HB leguni vóru tær vónbrotnar um, at tað heldur ikki í ár eydnaðist at vinna finaluna. HB tapti í fjør ímóti KÍ, og onkrir av HB spæl­ arunum hava verið við til at tapa fýra finalur ímóti KÍ. – Vit løgdu fyri so væl, sum vit bara kundu droyma um, men vit megnaðu ikki at halda tørn um leiðsluna. Liðið hjá okkum ber ikki, at vit leypa á við meiri fólki, enn vit gjørdu. Milja R. Simonsen minkaði um munin til 3-2. Hon er framúr, og eg hevði viljað, at fyritreytirnar hjá henni vóru betri, men tað bar ikki til. Vit gjørdu fleiri skiftingar, og tær riggaðu væl. Síðstu løtuna spentu vit álopsbogan. Tá var onkra ferðina um reppið, at tað stóðust vandamiklar støður burt­ ur­úr, staðfestir HB venjarin Allan Dybczak. Í landskappingini er HB á triðja plássi. Uttan mun til FÓTBÓLTUR Steypafinalan hjá kvinnum: NÚ ER MÁLIÐ AT VIN