hósdagur 14. september 2017síða 23

FRÍGGJADAGUR 15. SEPTEMBR 2017 SOSIALURIN 107 23 Fram­ gongdin Eitt er, at Skála sjáldan er at finna í yvirskriftunum, men leiðslan og umhvørvið gevur eisini venj­ aranum góðar umstøður at arbeiða í. – Liðið hevur fingið stuðul frá leiðsluni og nevndini. Sjálvandi, tá tú ert í bestu deildini, so skulu stig á talvuna, men tað er helst rætt, at tú fær meiri frið her enn aðrastaðni, sigur skálamaðurin. Tølini vísa eisini, at Skála hevur verið í framgongd í mun til í fjør. Liðið hevur seks stig fleiri enn um hetta mundið í fjør, umframt at liðið eisini hevur skotið níggju mál fleiri, og latið fýra mál færri inn. – Tað hevur verið víst á, at vit hava mist móti endanum í summ­ um dystum, men hetta vísur, velji eg heldur at siga, at vit nú eru longri við í fleiri dystum, sigur Pauli Poulsen um framgongdina. Venjarayrkið er broytt Pauli Poulsen er ikki ein av teimum, sum heldur at venjarastarvið er strævið og stressandi. Hann ásannar, at eitt fulltíðarstarv sum venjari hevði givið fleiri møgu­ leikar, men at við góðari plan­ legging, so kann ein venjari klára uppgávuna. – Tú mást hava tíð hvønn dag til at fyrireika teg. Ert tú fyri­reik­ aður til venjing, so er liðið eisini fyrireikað til dystin. Tá ert tú ílætin til tær uppgávurnar sum koma. Tað gongur ikki altíð eftir ætlan við úrslitunum, men soleiðis er fótbóltur, sigur venjarin hjá Skála. Hann heldur ikki at tíðirnar eru broytt­ar so nógv, síðani hann byrjaði í venjara­ yrk­in­um tíðliga í hesi øldini, men hinvegin hava venj­arar fingið fleiri amboð at brúka. – Tá byrjaðu feløgini eisini at venja meir og spælarar blivu betri fyri. Vit brúktu eisini eitt nú puls- ur, fyri at máta gongdina hjá spælarunum og hon bleiv betri fyri hvørt ár, sigur Pauli Poulsen, og vísir á databasan «In-stat«, sum eina stóra broyting. – Í dag kanst tú fara inn og síggja allar støðurnar í einum dyst, sum tú hevur hug til. Fyrr fekst tú eina fløgu við einum heilum dysti á. Í so máta eru uppgávurnar nógv broyttar, sigur Pauli Poulsen. Hetta er eitt hent amboð at av­lesa mótstøðuliðið og síggja hvussu spælarar takla einstakar støður. Ikki liðugur sum venjari Hóast Pauli Poulsen nú takkar fyri seg á Skála, er hann sinnaður at halda fram sum venjari. Venjara­ yrkið hevur verið partur av honum í nógv ár. – Eg havi ikki hugsað so nógv um framtíðina enn, tí vit hava eina uppgávu her á Skála, so at liðið eisini kann spæla í bestu deild­ini í 2018. Kemur okkurt á borðið hjá mær hyggi eg sjálvandi at tí, og eg havi framvegis hug at verða venjari. Tað hevur verið ein stórur partur av lívinum hjá mær og familjuni, sigur Pauli Poulsen. Fyribils hevur Pauli Poulsen gjørt sína skyldu á Skála, men liðið hevur eina stóra uppgávu sunnudagin, tá liðið spælir móti 07 Vestur, sum liggur á níggjunda plássi. Ein avgerandi dystur fyri niðurflytingarstríðið. Michal Przybylski málið Ein av teimum fáu yvirskriftunum, sum Skála hevur havt í ár, er málið um uppihaldsloyvið og arbeiðs­ loyvið hjá Michal Przybylski. Hann er upprunaliga úr Póllandi, men kom til Føroyar sum tvey ára gamal við pápanum, Jacek Przy­ bylski. Herfyri bleiv Michal Przybylski 18 ár, og skal tí hava nýtt uppihalds- og arbeiðsloyvið. Tað gekk ikki so skjótt og lætt sum ætlað. Tí endaði Michal Przybylski við sita uttanfyri í fýra umfør eftir sunnarsteðgin, tí loyvini ikki vóru komin upp á pláss. – Málið hevur fylgt nógv aðra­ staðni. Tað hevur verið keðiligt fyri dreingin og fyri liðið, at hann ikki hevur verið við. Tað er einki at ivast í, at hann er ein spælari, sum byrjar inni hjá okkum. Vit síggja hann til venjing og hvussu evnaríkur hann er. Vit hava ikki havt fokus á honum og støðuni, men tað er tað onnur, sum hava, sigur Pauli Poulsen, sum einki kendi til málið. – Hatta er eitt persónsmál og vit vistu einki um hatta, fyrr enn hann fekk bræv fyst í juli. Vit kundu sjálv­andi hugsað okkum, at tað gekk eitt sindur skjótari, men tað fylti ikki nógv hjá okkum, sigur skálamaðurin. Fyri Skála er lykilin at leggja dent á tey tingini, sum tú kanst gera nakað við. Tað heldur Pauli Poulsen er ein av høvðusorsøkunum, at Skála er aftur at finna í bestu deild­ini. – Flyt fokus frá tingum, sum tú ikki kanst gera nakað við. Vit kunnu ikki brúka tað til nakað, og tað nyttar eink at hava fokus á tí. Í hesum førinum hildu vit hon­ um til í felagnum til alt kom upp á pláss, sigur venjarin um Michal Przybylski, ið skoraði tvær ferðir, tá Skála vann 4-3 á NSÍ sunnudagin. – Á Skála er fokus á vøllinum, tað er har Skála fær síni stig. Tú fær ikki hjálp frá hinum. Tú skal gera teg uppibornan til stigini, renna metrarnar og gjøgnumføra venjingarnar, sigur Pauli Poulsen. TRONDUR@SOSIALURIN.FO Navn: Pauli Poulsen Føddur: Tórshavn Heimstaður: Skála Familja: Giftur, trý børn Sivilt arbeiði: Bakka­frost – formaður Yrkisleið: Høvuðs­ venjari. NSÍ – B68 – Skála