mánadagur 18. september 2017síða 4

Mánadagur 18. september 2017 · Nr. 108 4 Sosialurin Hugskot og viðmerkingar – send sms til 225000 GREINING Tá ið tingið í morgin fer unddir at viðgera uppskotið um nýggja fiskivinnuskipan bendir alt á, at samgongan sjálv samtykkir uppskotið – annars skal Høgni Hoydal, Landsstýrismaður, boyggja seg og minka um uppboðssøluna Uppboðssølan forðar fyri breiðari semju Árni Gregersein Uppboðssølan av 25 prosentum av fiski­rættindunum er tað, sum fyrst og fremst forðar fyri einari breiðari pol­it­iskari semju um nýskipan av fiski­vinn­uni. Í uppskotinum, sum fær 1. við­ gerð í morgin, stendur, at 25 pro­ sent av øllum veiðirættindum skulu seljast um eina uppboðssølu. Har­umframt eru sjey prosent sett av til menningarkvotur, sum verða út­lut­að­ar til serlig økir í landinum. Tað vil siga í rundum tølum, at ein triðingur av øllum rættindum eru í spæli, meðan restin er latin teim­um, sum longu nú eru í vinn­ uni. Bæði vinnan og andstøðan í ting­inum sigur, at uppboðssøla und­ir slíkum viðurskiftum fer at gera, at tað í stóran mun fer at vera tey, sum loongu frammanundan eru í vinnuni, sum fær at orka at bjóða uppá rættindini. Við øðrum orðum fer ein betri at komuligheit til vinnuna ikki at virka soleiðis í praksis. Løgmaður segði við Sosialin, at hann heldur ikki heldur, at at­ komu­lig­heitin gerst nóg góð við nýggja uppskotinum, men at hon gerst betri og at hetta er so langt til bera at koma nú. Semjan Samgongan er á einum máli um upp­skotið, sum skal viðgerast. Tað hava samgonguleiðararnir bo­ð­að frá fleiri ferðir. Um tað vil siga, at sam­gongan er samd niður í smá­lut­ irnar fáa vit at síggja undir orða­ skift­inum. Samgongan hevur alla tíðina sagt – og í stóran mun vinnan eisini – at tað er avgerandi at ein breið semja verður gjørd, so vinnan fær nak­að at halda seg til og at semjan verð­ur standandi í meira enn eitt val­skeið. Men sum uppskotið liggur nú er onki sum bendir á, at teir stóru and­støðu­flokkarnir fara at taka und­ir við uppskotinum. Jakob Vestergaard, Fólka­flokk­ ur­in, hevur greitt sagt, at Fólka­ flokk­ur­in ikki fer at taka undir við upp­skotinum. Fyri flokkin er upp­boðssølan ein trupulleiki, men ein annar stórur trupulleiki er, at far­ið verður frá fiskidøgum til eina kvota­skipan. Tað tekur Fólkaflokkurin als ikki und­ir við. Sambandsflokkurin tekur held­ ur ikki undir við uppskotinum. Næst­for­maðurin í flokkinum, Magni Laksáfoss, hevur skrivað eitt lesarabræv, har hann staði­liga mælir til at ein semja verð­ur gjørd og hann sigur, at Sam­bands­flokk­ ur­in og hann sjálvur fara at gera tað teir kunnju, fyri at fáa eina semju. Men eisini í sambandi við Sambandsflokkin er tað upp­boðs­ søl­an, sum er forðingin. Sambandsflokkurin heldur sum fleiri onnur, at við at næstan ein triðingur verður settur í spæl á uppboðssølu ella sum menn­ing­ar­ kvotur, so ger tað heilt greitt, at tað vera tey, sum eru í vinnuni, sum fáa fyri­munirnar. Tað fer at geva landskassanum nógv­an pening eitt skifti, men aft­ ur­fyri fer inntjeningin hjá teimum stóru feløgunum at at minka mun­ andi og gera tey verri fyri. Tað stutta av tí langa er, at skal Sambandsflokkurin taka und­ir við upp­skotinum, so skal upp­boðs­ sølan burtur. Restin ber til at sam­ ráð­ast um. Tá ið samráðingar í vár vóru millum Sambandsflokkin og sam­ gong­una, var Sam­bands­flokk­urin ging­in við til,a t ein lítil partur fór um uppboðsasøluna. TGá var tað ein partur av sam­ ráð­ing­unum, har flokkurin fekk okk­urt annað afturfyri. Tað er broytt aftur til tað, sum samgongan vil hava, so líkindini fyri semju eru ómeta­liga smá. Samgonguleiðararnir hava gjørt sær greitt, at skal uppskotið fáa meir­luta í Løgtinginum, so er av­ ger­andi neyðugt, at sam­gongu­fólk­ ini halda floksdisiplin. Tað verður ov váðið at rokna við, at and­støðuatkvøðurnar fara at bera upp­skotið ígjøgnum, hvørki frá teim­um størru ella teimum smørru andstøðuflokkunum Høgni Hoydal, landsstýrismaður, skal boyggja seg nógv, skal andstøðan gerast ein partur av breiðari semju. Jakob Vestergaard, Fólkaflokkurin, sigurt heilt greditt, at hansara flokkur als ikki tekur undir við uppskotinum og fer ikki at atkvøða fyri tí. Magni Laksáfoss, næstofmraður í Sambandsflokkinum, bjóðar til semju, men uppboðssølan skal burtur.