mánadagur 18. september 2017síða 13

13 Mánadagur 6. januar 2014 · Nr. 2 Sosialurin Mánadagur 18. september 2017 · Nr. 108 Hugskot og viðmerkingar – send sms til 225000 STUTTSØGD Pætur Albinus FÓTBÓLTUR A C Horsens fekk leygardagin vent einum hóttandi tapi til ein 2-2-javnleik, tá ið teir vóru á vitjan hjá SønderjyskE í Superliguni. Heima­liðið var á odda 2-0 til eitt korter var eftir at spæla, tá ið Bubacar Sanneh og Tobias Arndal syrgdu fyri einum 2-2-javnleiki og einum stigi til AC Horsens. Hallur spældi teir fyrstu 74 minuttirnar. AC Horsens er nú á sætta plássi í Superliguni við 13 stigum. Jóan Símun Edmundsson og teir úr OB vóru fríggjakvøldið á vitjan hjá Silkeborg, men har gjørdist tað ikki til nakað stig til teir úr Odense. Silkeborg vann nevniliga dystin 1-0 eftir mál frá Mate Vetsadze í 35. minutti. Jóan Símun Edmundsson spældi á vinstra vongi og varð útskiftur tá ið eitt lítið korter var eftir. OB hevur 10 stig fyri fyrstu níggju dystirnar og er í løtuni á einum 8. plássi í Superliguni, har tey fremstu seks liðini sleppa við í endaspælið. Gilli Rólantsson spældi allan dystin í vinstru síðu har frammi, tá ið Brann í gjár vann 1-0 á útivølli ímóti Sandefjord. Sigursharri hjá Brann var Deyver Vega við ein­um máli, sum kom í 27. minutti. Kapp­ ingarneytin hjá Brann um 2. plássið í Eliteserien, Sarpsborg, tapti púra óvæntað 5-0 ímóti botnliðnum Tromsø, og Brann hevur harvið lyft seg upp á eitt einsamalt annað pláss við 40 stigum. Tað eru sjey stig færri enn oddaliðið Rosenborg og tvey stig fleiri enn Sarpsborg á triðja plássi. Oddaliðið í næstbestu donsku deildini, Vejle, kláraði seg uttan ein skaddan Viljorm Davidsen, tá ið grannarnir úr Fredericia vóru á vitjan í gjár. Vejle vann dystin 2-0 við tveimum málum frá Allan Sousa. Vejle er einsamalt oddalið í næstbestu donsku deildini við 20 stigum fyri níggju dystir. Í høl­ unum á teimum er Thisted einans eitt stig aftanfyri. Fremad Amager fekk eisini fulla úrtøku hetta vikuskiftið, tá ið teir við Heina Vatnsdal í miðverjuni allan dystin fingu ein 1-0-sigur við sær heimaftur úr Roskilde. Einsa­ malla málið í dystinum skeyt fyrr­ verandi FCK-áleyparin, Morten Nord­strand. Finnur Justinussen sat á bonkinum og slapp ikki inn á vøllin at royna seg. Við sigrinum fekk Fremad Amager lyft seg eitt sindur longri burtur frá botninum og er nú við 12 stigum fýra stig omanfyri niðurflytingarstrikuna. Tað var føroyingauppgerð og endurtøka av steypafinaluni í Ís­ landi, tá ið FH og ÍBV hittust í íslendsku landskappingini í gjár. Gunnar Nielsen var sum vant allan dystin í málinum hjá FH, og hjá ÍBV byrjaði Jónas Tór Næs inni. FH vann dystin 2-1 eftir at ÍBV annars hevði verið á odda 1-0. Kaj Leo í Bartalsstovu varð innskiftur hjá ÍBV í 69. minutti. FH er á triðja plássi, 10 stig aftanfyri oddaliðið Val og eitt stig aftanfyri liðið á øðrum plássi, Stjørnuna. ÍBV er nummar níggju, einans tvey stig omanfyri niðurflytingarstrikuna. Sambært Norðlýsinum, so er møguleiki fyri, at Skála-venjarin í næsta ár eitur Jesper Tollefsen. 46 ára gamli danin var og hugdi at 07 Vesturi og Skála um vikuskiftið. Norðlýsið hevur prátað við Kay­ sten Rasmussen, Skála-umboð, men hann vil ikki vátta tíðindini um, at Jesper Tollefsen møguliga fer at avloysa Paula Poulsen, ið longu hevur boðað frá, at hann ikki verður venjari hjá Skála næsta kappingarár. Jesper Tollefsen hevur eitt nú verið venjari hjá Aar­ hus Fremad og FC Fyn. FORMIL 1 K appkoyring var í Singapore um vikuskiftið. Talan var um eina hend­ingar­ ríka kapp­koyring, og vátu koyri­ líkindini høvdu við sær, at einans 12 bilar komu á mál. Báðir Ferrari- koyrararnir, Sebastian Vettel og Kimi Räikkönen, ruku longu út í fyrsta umfari, og Lewis Hamilton (Mercedes) gangnnýtti støðuna til fulnar og vann kapp­ingina. Avstralski Daniel Ricciardo (Red Bull) bleiv nummar tvey, meðan finski Valteri Bottas (Mer­cedes) bleiv nummar trý. Í samlaðu kappingini økti Lewis Hamilton nú um leiðsluna. Hann hevur 263 stig, meðan Sebastian Vettel hevur 235 stig. Danski Kevin Magnussen (Haas) kom ikki á mál hesaferð. Hann hevur ikki fingið stig sein­ astu seks kappkoyringarnar og hevur einans 12 stig tilsamans. HONDBÓLTUR R ói Berg Hansen gjørdi av álvara um seg í danska felagnum FIF, tá ið hann leygardagin gjørdist topp­skjútti í dystinum ímóti Fredericia HK. Hann skeyt seks mál, men Frede­ ricia vann dystin 30-27. Helgi H. Hoydal skeyt tvey mál fyri sítt nýggja felag, Odder Hånd­ bold, tá ið hann og liðfelag­ar­ nir um vikuskiftið vunnu 30-25 ímóti Otterup HK. Teir úr Odder vóru annars aftanfyri 15-14 í hálv­ leikssteðginum. Jónas G. Djurhuus, sum fekk eitt mál í fyrsta dystinum fyri HØJ, var ikki við í øðrum umfari. Aðrastaðni í deildini eru eisini føroyingar ella leikarar, sum hava spælt í Føroyum. Fyrrverandi H71-stórskjúttin, Peter Krogh, skeyt trý mál fyri Skive FH í 31-27-tapi ímóti TMS Ringsted. Fríði Weyhe, sum hevur spælt við KÍF, var við, men skeyt einki má, tá ið hann og hinir úr Frederikshavn FI taptu 36-26 ímóti Randers HH. Bara eitt føroyingafelag hevur fulla úrtøku eftir fyrstu tvey umførini. Tað er felagið hjá Helga H. Hoydal, nevniliga Odder Håndbold. Eisini í íslendskum hondbólti vóru fleiri føroysk mál at síggja hetta vikuskiftið. Fyrrverandi VÍF-arin, Áki Egilsnes, ið júst er skift­ur til KA Akureyri í næstbestu ís­ lendsku deildini, átti stóran lut í at lið hansara legði væl frá landi í kappingini. Hann skeyt nevni­ liga seks av málunum í tepra 30-29-sigrinum ímóti Vali fríggja­ kvøldið. Næsti dystur hjá Áka og liðfeløgunum verður fríggjakvøldið á útivølli ímóti Mílan. albinus@sosialurin.fo Ein rúgva av føroyskum hondbóltsspælarum fluttu í summar uttanlands at spæla, og um vikuskiftið rapaðu føroysk mál inn bæði í donskum og íslendskum hondbólti FLEIRI FØROYSK MÁL Áki Egilsnes (t.v.) og Rói Berg Hansen