mánadagur 25. september 2017síða 17

17 Mánadagur 6. januar 2014 · Nr. 2 Sosialurin Mánadagur 25. september 2017 · Nr. 111 Hugskot og viðmerkingar – send sms til 225000 Pætur Albinus Okkurt bendir á, at bronsu­ vinnararnir frá í fjør, VB, ætla at blanda seg upp í FM-stríðið í ár. Í øllum før­ um hava tær nú í tveir dyst­ir á rað spælt ímóti FM-finalistunum frá í fjør, Neista­num og Kyndli, og hvørki av hesum liðunum hava megnað at fingið fulla úr­tøku við sær av aftur vølli­ num. Í gjár var tað Neistin, sum fekk oyrini í ta nýggju og at síggja til væl smurdu VB-maskinuna. VB-kvinnurnar hava fing­ið tilgongd av fýra donsk­um leikarum, sum ganga á Ítróttaháskúlanum í Suðuroy, og tær hava alt fyri eitt gjørt seg galdandi á liðnum. Tær fýra eru Caro­ line Ladefoged (bakspælari), Agnes K. Fallesen (vinstri vong­ur), Mathilde Pedersen (bak­spælari) og Katrine Borup (málverji). Góð verja VB fekk eina góða byrjan upp á kappingarárið við 27-23-sigri ímóti H71, og í øðrum umfari fingu tær javnt ímóti verandi meistar­ un­um úr Kyndli. Tann dyst­ urin endaði 21-21. Í gjár var so hitt finalu­ lið­ið frá í fjør, Neistin, á vitj­an í Vági. Aftur hesaferð bitu tær úr Vági frá sær, og tær vóru á odda heili 17-11 í hálvleikssteðginum. Sjálvs­ álitið frá góða dystinum ímóti Kyndli var til at fáa eyga á – spælið koyrdi væl, og VB stóð sanniliga eisini væl í verjupartinum og fekk vart fyri tí annars stinna álopi­num hjá Neistanum, sum hesaferð hevði Marjun F. Danberg við aftur. VB-mál­ verjin, Katrine Borup, hevði ein góðan dag, umframt at lands­kvinna hennara, Agnes K. Fallesen, var sjónliga góð bæði í álopi og verju. Í seinna hálvleiki raknaði Neistin við aftur, og eftir fáum minuttum var munurin mink­aður niður í trý mál. Ímóti dystarenda var VB um reppið at missa alt á gólvið, og við støðuna 25-24 til VB var ógvuliga spenn­ andi. Neistin misti bóltin í álopinum, og í evstu løtu slapp VB so í mótálop og av­ gjørdi dystin. VB vann dystin 26-24, og nú tær hava fingið stig ímóti bæði Kyndli og Neista­num er tað mangt, ið bendir á, at tær eru førar fyri at bjóða av í FM-stríðnum og sanniliga skulu takast í álvara. Eftir tríggjar heimadystir á skal VB nú spæla á útivølli næsta dyst. Tann dysturin verður í Klaksvík ímóti Stjørn­uni tann 8. oktobur. Kyndil vann Nýggja liðið í Hvonndeildini, H71, hevur verið lutfalsliga væl við fyrstu tveir dystirnar ímóti VB og VÍF, men í gjár var uppgávan aftur trupul, tá ið tær spældu ímóti verandi meistarunum úr Kyndli. H71 var serliga væl við í fyrra hálvleiki. Kyndil fór til hálvleiks við teprari 12-11-leiðslu, men í seinna hálv­leiki var als eingin ivi, og Kyndil sementeraði sína støðu sum meistari og ein av favoritt­unum í ár. Tað endaði við, at Kyndil vann dystin greitt 27-18. albinus@sosialurin.fo Hvonn deildin støðan NR. LIÐ DYSTIR V.M. T.M. MUNUR STIG 1 Kyndil 3 77 56 21 5 2 VB 3 74 68 6 5 3 Neistin 3 84 65 19 4 4 VÍF 1 28 23 5 2 5 Stjørnan 1 23 24 -1 0 6 H71 3 64 82 -18 0 7 StÍF 2 33 65 -32 0 VB SKAL TAKAST Í ÁLVARA Kvinnurnar hjá VB hava styrkt seg. Eftir frálíkan javnleik ímóti meistarunum úr Kyndli stóðu tær enn einaferð royndina í gjár, tá ið tær vunnu ímóti Neistanum VB – Neistin 26-24 (17-11) VB: Gurið K. Augustinussen 5, Caroline Ladefoged 5, Agnes K. Fallesen 5, Mathilde Pedersen 4, Bára K. Mortensen 3, Rannvá Johannesen 3, Laila Eysturberg 1 Útvísingar: 1x2min Neistin: Daniella Joensen 9, Marjun F. Danberg 6, Eir M. Berg 4, Stina Madsen 2, Brynja Høj 2, Rannvá Dahl Hanusson 1 Útvísingar: 2x2min H71 – Kyndil 18-27 (11-12) H71: Maria H. Weyhe 9, Ása K. Hansen 2, Sanna S. Gunnarstein 2, Durita T. Joensen 2, Katrin V. Højsted 1, Eva Barba Arge 1, Karin Simonsen 1 Útvísingar: 5x2min Kyndil: Turið Arge 9, Bjarta O. Johansen 6, Súna K. Hansen 4, Bára K. Hansen 3, Marianna G. Eystberg 1, Anja Eliasen 1, Gudrun Restorff 1, Lea Durhuus 1, Sólja B. Poulsen 1 Útvísingar: 4x2min HONDBÓLTUR