leygardagur 23. oktober 2004síða 9

16 Nr. 203 - 23. oktober 2004 Nr. 203 - 23. oktober 2004 17 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Hósdagin 21. oktober var almenn móttøka á Tjarnargarði við Hoy- víksvegin í Havn í sambandi við at eldraíbúðirnar eru lidnar. Tjarnargarður er fyrrverandi Marinustøðin, sum Tórshavnar býrðað hevur keypt og inn- rættað til eldraíbúðir MÓTTØKA Myndir: Jens Kristian Vang Gott 200 fólk vóru savnaði á Tjarnargarði hósdagin 21. oktober, tá almenn móttøka var á Tjarnargarði í sam- bandi við at eldraíbúðirnar vóru lidnar. Røður vórðu hildnar av Jan Christiansen, borgar- stjóra, Beatu L. Samuelsen, formanni í sosialu nevnd hjá býráðnum, og Hensiu Einarsson, leiðara á Tjarn- argarði. Eisini var sang- framførsla av Sannu í Brekkunum. Jan Christiansen segði m.a., at tað var honum ein stór gleði at vera við til há- tíðarløtuna, nú eldraíbúð- irnar á Tjarnargarði eru lidnar. Tað er eisini at gleð- ast um, at Tjarnargarður fer at hava dagheim til minnis- veik. At Tjarnargarður eisini fer at hava tilboð um fyribyrgjandi venjingar við fysio- og ergoterapi fer at gera, at tey gomlu kunnu varðveita førleikan longri og harvið hava eina betri lívsgóðsku. Tað minkar eisini um tørvin á røktar- heimsplássum. Hensia Einarsson segði m.a. at tað er eitt privileg- ium at vera leiðari á Tjarn- argarði. Karmarnir eru framúr góðir og starvs- fólkið sera motiverað. Stovnurin skal hýsa ymiskum virksemi, og enn er bert fyrsti parturin kom- in í gongd, nevniliga bú- parturin við 10 búfólkum. Tjarnargarður hevur nógvar áhugaverdar grann- ar, m. a. Adventistaskúlan og ein barnagarð beint yvirav. Tað er so upplagt at fáa samstarv í lag við hesar stovnar. Tað er mín vón, at Tjarnargarður verður eitt livandi stað, har genera- tiónirnar koma saman til gleði og gagn fyri øll. Eisini hevði Hensia eina heilsan til umboðini fyri Færøernes Kommando. "Tak for at I solgte Marine- stationen til Torshavns kommune. Da jeg var ung, følte jeg mig velkommen på Marinestationen, lidet anende, at vi nu kan gøre gengæld. Skulle I få brug for de tjenster, vi yder her på stedet, er I selvfølgelig velkomne". Tjarnargarður við Hoyvíksvegin: Vaktarskifti á gomlu marinustøðini Jan Christiansen, borgarstjóri handar leiðaranum av Tjarnargarði, Hensiu Einarsson, ein málning av Zacharias Heinesen sum gávu frá býráðnum Vaktarskifti á gomlu marinustøðini. Umboð fyri Færøernes Kommando saman við starvsfólkunum á Tjarnargarði Umboð fyri Færøenes Kommando vitjaðu sítt fyrrverandi arbeiðspláss Kartni Winther vitjar konuna, Dagmar, sum er eitt av búfólkunum á Tjarnargarði Bókarøðin um alis-og evnafrøði liðug Í samband við, at bókarøðin, Alis-og evnafrøði 1 til 3, nú er liðug, varð skipað fyri framløgu av bóka- verkinum í Menta- málaráðnum hósdag- in, har Føroya Skúla- bókagrunnur legði allar bøkurnar fram FRAMLØGA Vilmund Jacobsen vilmund@sosialurin.fo Tað var landsstýrismaðurin í mentamálum, Jógvan á Lakjuni, sum legði fyri hendan dagin. Niels Petersen, sum hevur verið við í øllum hes- um arbeiði og Helena D. á Neystabø, greiddu vegna Skúlabókagrunnin frá bókaútgávuni. Høvundurin, sum hevur skrivað snotuligu og dygd- argóðu verkini, Pól Jesper- sen, hevði eisini eina hugnaliga frágreiðing um sín viðfødda áhuga fyri alis-og evnafrøði. Hann greiddi frá tíðini sum smádrongur, tá ið hann royndi eitt sindur av hvørj- um innan alis-og evna- frøðina. Báður Niclasen, sum starvast á Náttúruvísinda- deildini, segði eisini nøkur orð um týdningin av alis-og evnafrøðini í breiðari merking. Lærarin í alis-og evna- frøði, Jacob Thomsen, sum hevur starvast við Tórshavnar kommunuskúla í meira enn eina fjórðings øld, hevði tveir næmingar við til framløguna, har hesir gjørdu nakrar royndir úr tilfarinum. Sosialurin fer týsdagin at venda aftur til ymiskt av tí, sum sagt varð við fram- løguna í Mentamála- ráðnum. Frálíki teknarin, Óli Pet- ersen, sum saman við Jan- usi Dam Guttesen hevur verið við til at ríkað verkini við tekningum, var eisini við hendan dagin. Heimligt umhvørvi Bókarøðin, Alis-og evna- frøði 1 til 3, er ætlað næm- ingum, sum ganga í 7. flokki og í framhalds- deildini. Triðja og seinasta verkið, sum nú er komið, er ætlað næmingum í 9. flokki. Umframt tríggjar grund- bøkur, eru eisini tríggjar uppgávubøkur og tríggjar lærarabøkur. Eitt av endamálunum við bókarøðini er at geva næm- ingunum í fólkaskúlanum møguleika fyri at ogna sær vitan á hesum víðfevnda øki á móðurmálinum – og við støði í heimligum um- hvørvi. Tað er sum nevnt Pól Jespersen, studentaskúla- lærari, sum hevur týtt og tillagað alla bókarøðina til føroysk viðurskifti. Í sambandi við arbeiðið, hevur ein námsfrøðiligur stuðulsbólkur við lærarun- um, Harriet Hansen, Selmar Jacobsen og Jacob Thom- sen, viðgjørt handritið. Rættlestrinum hevur Svenning Tausen tikið sær av. Tekningarnar Grundbókin er prýdd við litføgrum og lýsandi mynd- um, sum Óli Petersen hevur teknað. Aftrat hesum eru fotomyndir úr umheimin- um og eisini úr føroyska gerandislívinum. Janus Dam Guttesen hevur prýtt arbeiðsbókina og lærarabókina við góðum og frágreiðandi tekningum til hvørja arbeiðsuppgávu. ReproZ hevur staðið fyri umbrótingini av bókaverk- inum, Alis-og evnafrøði 1 til 3. Í gjár klokkan 10 skuldi stýrið fyri SEV hava fund um bygn- aðarbroytingarnar, sum umboðsráðið samtykti í vár SEV Vilmund Jacobsen vilmund@sosialurin.fo Tað var í vár, at umboðs- ráðið hjá SEV samtykti at fremja broytingar í viðtøk- unum um bygnaðin hjá elfelagnum. Samtykt varð, at SEV í staðin fyri at hava sjey deildarleiðarar, nú skal hava tríggjar deildarstjórar. Á fundi fríggjamorgunin klokkan 10 fór stýrið fyri SEV undir at viðgera mál- ið, og ætlanin var at taka støðu til bygnaðarbroyting- arnar. Undan fundinum í gjára- morgunin vildi stjórin í SEV, Klæmint Weihe, ikki siga, hvørjir deildarstjórar- nir verða, men hann upp- lýsti, at teir tríggir skulu taka sær av fyrisiting, fram- leiðslu og býtisvirkjum, sum tað verður rópt. Í hesum seinasta liggur, at deildarstjórin eitt nú fer at hava ábyrgdina av linjunum hjá SEV og tí partinum, sum liggur uttanfyri elverkið. Trý nøvn Klæmint Weihe sigur, at almenningurin verður kunnaður um, hvørjir deild- arstjórarnir verða, tá ið stýrið hevur viðgjørt og tikið støðu til bygnaðar- broytingarnar. Sosialurin hevur skilt, at teir, sum eru uppá tal til deildarstjórastørvini hjá SEV, eru John P. Danielsen, sum verður fíggjarstjóri, Bjarki Hermansen, sum verður rakstrarstjóri og Finn Jakobsen, sum kemur at taka sær av býtisvirkjum. Klæmint Weihe sigur, at teir, sum ætlandi verða sett- ir í hesi størv, ikki hava fingið tað at vitað enn. – Fyrr enn stýrisfundurin er lokin, vita vit ikki, hvat úrslitið verður, sigur hann. Fundur um bygnaðar-broytingar á SEV – Fyrr enn stýrisfundurin er lokin, vita vit ikki, hvat úrslitið verður, segði stjórin í SEV, Klæmint Weihe, undan fundinum í gjáramorgunin Niels Petersen, sum starvast á Føroya Skúlabókagrunni, hevur verið ein veldugur "primu-motorur", tá ið ræður um nýggjar skúlabøkur seinastu mongu árini Mynd: Vilmund Jacobsen Høvundurin, Pól Jespersen, studentaskúlalærari. Hans- ara áhugi fyri alis-og evna- frøði má sigast at vera við- føddur Mynd: Vilmund Jacobsen Næmingar saman við læraranum, Jacobi Thomsen, ger royndir úr bókaverkinum Mynd: Vilmund Jacobsen C M Y K 17 16