hósdagur 5. oktober 2017síða 15

FRÍGGJADAGUR 6. OKTOBER 2017 SOSIALURIN 116 15 Ein spurnakanning, ið Vikuskiftis-Sosialurin hevur gjørt millum skúlastjórar og fyrstilærarar í Føroyum vísir, at teir flestu kundu hugsa sær at fingið fleiri tímar til sernámsfrøðiliga undirvísing. HALLUR AV RANA hallur@sosialurin.fo T ørvur er á fleiri tímum til ser­náms­ frøðiligu und­irvísing í fólkaskúlanum, tí sum nú er, so fáa næm­ingar ikki í nóg stóran mun tann stuðul, ið tey hava brúk fyri. Tað er greiða niðurstøðan eftir, at Vikuskiftis-Sosialurin í vik­uni ringdi til allar skúlastjórar í landinum, ið hava fleiri enn tíggju næmingar, fyri at spyrja, um skúlarnir fáa teir tímarnar til ser­námsfrøðiliga undirvísing, ið tey hava tørv á. Fyrst fingu skúlarnir spurn­ing­in: Fáa tit teir tímarnir, sum skulu til, til sernámsfrøðiliga und­ ir­vísing? Um svarið var nei, varð spurt um hvørja ávirkan tað hevur á næmingarnar. Av teimum 37 skúlastjórunum og fyrsti­lær­ arunum í Føroyum eydnaðist tað at fáa hendur á 27 teirra. Fimm skúlastjórar svaraðu, at tey fáa nokk tímar. Fimm skúlastjórar svaraðu, at teir fáa nokk, men kundu ynskt sær meira. Fimtan skúlastjórar svaraðu, at teir ikki fingu nokk, meðan tveir svaraðu, at teir fáa ikki nokk, men meta at økið skuldi skipast á annan hátt. Her ber til at lesa hvat skúla­stjórarnir svaraðu: og danskt. Tá tað koyrir gott, so fer man víðari til tann næsta. Tað er sum at sløkkja eldar. HVALVÍKAR SKÚLI: MARIN SIGVALDSDÓTTIR BLÁBERG 1: Fáa tit teir tímarnir, sum skulu til, til sernámsfrøðiliga undirvísing? Ja, sum tað er hjá okkum, so eru vit partur av eini skipan við Skúlan við Streymin og Hósvíkar skúla. Tað er ok. KOLLAFJARÐAR SKÚLI: JÓN HØJSTED 1: Fáa tit teir tímarnir, sum skulu til, til sernámsfrøðiliga undirvísing? Hjá okkum er tað á góðari leið. Fáa ikki alt vit biðja um, men samanborið við aðrar skúlar, so er okkara støða ikki so galin. KVÍVÍKAR SKÚLI: HØGNI WARBERG 1: Fáa tit teir tímarnir, sum skulu til, til sernámsfrøðiliga undirvísing? Ja, vit fáa nokk. VESTMANNA SKÚLI: NOMI JACOBSEN 1: Fáa tit teir tímarnir, sum skulu til, til sernámsfrøðiliga undirvísing? Nei, vit fáa ikki teir tímarnar, ið vit hava brúk fyri á sernámsfrøðiliga økinum. 2: Hvørja ávirkan hevur tað á næmingarnar? Næmingarnar fáa ikki tað, ið teir hava brúk fyri, og vit fáa ikki gjørt tað arbeiðið, ið vit fegin vildu gjørt fyri, at tey fingu ta hjálp tey hava brúk fyri. STRANDA SKÚLI: HANS PETUR JACOBSEN 1: Fáa tit teir tímarnir, sum skulu til, til sernámsfrøðiliga undirvísing? Nei, tað fær man ikki, um man hugsar um hvønn næming. 2: Hvørja ávirkan hevur tað á næmingarnar? Næmingurin fær ikki tað burturúr, ið hann skuldi fingið. SKÚLIN Í EYSTURKOMMUNU: FRÍÐFINNUR JOHNSSON 1: Fáa tit teir tímarnir, sum skulu til, til sernámsfrøðiliga undirvísing? Veruleikin er tann, at tímatalið hevur verið skert í nógvum førum og tørvurin hevur ikki verið minkandi. So vit uppliva í nógvum førum, at tað er trupult at fáa loyst. 2: Hvørja ávirkan hevur tað á næmingarnar? Man kann risikera, at nakrir næmingar ikki altíð fáa eitt nóg gott tilboð. Tað heilt týðiligt, at við fleiri tímum, so hevði borið til at bjóða eitt nógvar ferðir betri tilboð, ið hevði gagnað næmingunum. RÚNAVÍKAR KOMMUNUSKÚLI: DURITA P. JOENSEN 1: Fáa tit teir tímarnir, sum skulu til, til sernámsfrøðiliga undirvísing? Vit kundu altíð hugsa okkum fleiri. 2: Hvørja ávirkan hevur tað á næmingarnar? Um teir ikki fáa eina nøktandi undirvísing, so gongur tað bæði yvir tað fakliga og sosial, tað vil siga trivnað og innlæring. Men man roynir at skipa seg innar teir karmar, ið man fær. FUGLAFJARÐAR SKÚLI: ÓLAVUR THOMSEN 1: Fáa tit teir tímarnir, sum skulu til, til sernámsfrøðiliga undirvísing? Vit fáa eitt pent tal av tímum, men tað er altíð brúk fyri meira. 2: Hvørja ávirkan hevur tað á næmingarnar? Vit hava skipað skúlan soleiðis, at teir næmingarnir, ið ganga í miðdeildini eru savnaðir, ið hava mest brúk fyri tí, og teir, ið ganga í hádeildini eru so eisini savnaðir í einum serflokki, og tí fær man útnytta tímarnar nokk so gott hjá okkum. Men tað fer altíð at vera eyka avbjóðingar, serliga tá man tosar um byrjunarundirvísingina. Tá eru tað kanska fleiri næmingar, ið hava brúk fyri ein-til-ein. Og av tí sama, um man ikki fær næmingar ein-til-ein, so verður tað ófriður í flokkinum. Og um tað er ófriður í flokkinum, so fáa hinir næmingarnir heldur ikki tað burturúr, ið tey skulu. Men skipanin hjá okkum virkar nokk so væl. Ì byrjunardeildini hava vit nakran avbjóðingar fyri tíðina, tí tað eru ov fáir tímar har. SKÚLIN VIÐ STREYMIN: SONNI ÓLI DJURHUUS 1: Fáa tit teir tímarnir, sum skulu til, til sernámsfrøðiliga undirvísing? Vit fáa altíð ov lítið, men tað handlar ikki bara um tímar. Tað handlar eisini um hvussu vit skipa økið. Her í Sundalagnum átti man at sæð økið sum eina heild, og hugt eftir hvør tørvurin er. Út frá tí kann man so játta tímar eftir hvør tørvurin er. Um man tekur skúlan hjá okkum, so er serfrøðin og lærararnir her, og tað er her, at næmingarnar kunna koma, ið hava ein serligan tørv. So høvdu vit kunna, við teimum tímum sum verða játtaðir, veitt eitt nógv betri tilboð. 2: Hvørja ávirkan hevur tað á næmingarnar? Teir fáa ikki tað skúlatilboð, ið teir hava brúk fyri. Men tað ávirkar eisini vanliga flokkin, tí øll skipanin í flokkinum má taka hædd fyri teimum fáu persónunum, ið hava serligan tørv, og ger tað, at teir næmingar, ið eru væl fyri, eisini missa eitt sindur, tí man alla tíðina má taka atlit til tann, ið ikki er væl fyri. Til tíðir kann tað vera eitt tvíeggjað svørð, hvat man leggur dent á. Men øll skulu vera í skúlanum, og tí skipar man eisini floksstovuna og floksundirvísingina eftir tí tvíleika, so øll kunna vera við. Tað haldi eg eisini, at vit hava megnað øgiliga væl. EIÐIS SKÚLI: TOM JOENSEN 1: Fáa tit teir tímarnir, sum skulu til, til sernámsfrøðiliga undirvísing? Ja. VIÐAREIÐIS SKÚLI: JENSEBETH ABSALONSEN 1: Fáa tit teir tímarnir, sum skulu til, til sernámsfrøðiliga undirvísing? Nei, tað fáa vit ikki. 2: Hvørja ávirkan hevur tað á næmingarnar? Tað hevur ringa ávirkan á næmingarnar, tí tað eru næmingar, ið hava tað trupult í skúlanum, og tá eingin hevur tíð at taka sær av teimum, so hevur tað negativa ávirkan. EINKI SVAR: Lítliskúli: Jenny Winther Poulsen Skúlin við Løgmannabreyt: Høgni Joensen Skúlin á Argjahamri: Marjun Holm Sørvágs skúli: Jóhannis Joensen Hósvíkar skúli: Fríðgerð í Líð Tofta skúli: Marita Dalsgaard Skála skúli: Don Eyðbjarnarson Joensen Frískúlin Keldan: Jastrid Høj Skúlin á Fossanesi: Myrna Jacobsen. Á skúlatrøð: Vagn Foldbo