hósdagur 5. oktober 2017síða 23

FRÍGGJADAGUR 6. OKTOBER 2017 SOSIALURIN 116 23 Í Gallarí Ribarhúsi letur ein lista­framsýning upp 13. oktober. Tað er David á Brúnni, sum sýnir fram. Bygdasavnið Forni í Runavík: Er man í Eysturoynni mikudagin 11. oktober, so er Bydgasavnið Forni eina vitjan vert. Tað er opið frá klokkan 13.30 til 17 hendan dagin. Umframt allar teir lutir, sum eru á savninum, hava tey eisini eina áhugaverda myndaframsýning frá slupptíðini, sum lýsir bæði fiskaarbeiði á landi og umborð. Ein drekkamuður verður eisini at fáa tá. Caféin í Tjørnuvík: Koyrir man ein biltúr til Tjørnuvíkar og veðrið er gott, eru sannlíkindi fyri. at tað luktar av vaflum. Lítla kaffihúsið í bygdini hevur ikki fastar upplatingartíðir hesa ársins tíð, men er tíðin og veðrið til tað og vitjandi í bygdini, fara vaflijarn og kaffimaskinan kanska í gongd, greiðir Kristina Berg frá. – Tjørnuvík er væl dámt sum útferðarstaður hjá bæði føroyingum og ferðafólki, sigur hon. Heystfagnaðurin á Eiði er 12.-15. oktober Tað eru fleiri, ið fáast við slakt í heystfrítíðini, men tað eru eisini nógv, sum ikki taka lut av ymiskum orsøkum. Tað er stórur áhugi í heystfagnaðinum- bæði millum føroyingar og útlendingar, greiðir Kristina Berg frá. – Tiltakið er so uppruna føroyskt og deiliga bygdasligt, sum tað kann verða, sigur hon. Á skránni vera millum annað seyðasýning, hespukapping, rullu- og kjøtpylsu kapping, søluframsýningar, fyrilestrar og verkstaðir til børn og ung, eins og besti flettarin verður funnin. Seyðurin og alt, ið fæst burturúr seyði, verður sett í miðdepilin. Ymisk onnur stuttlig tiltøk vera á skránni, so sum ein villingarrætt fyri børn, søgufrásagnir á Látrinum, síðing og FM í at halda eplasekki, eins og Frank Erichsen, eisini kendur sum Bonderøven, verður við í ár. Tónleikur er eisini partur av Heystfagnaðinum, har bæði Kári P og Tinganest undirhalda í ár.