mánadagur 9. oktober 2017síða 4

Mánadagur 10. oktober 2017 · Nr. 114 4 Sosialurin Hugskot og viðmerkingar – send sms til 225000 UNDIR FÝRA EYGUM Hugskot og viðmerkingar – send sms til 225000 Yndisrættur? Allur føroyskur matur Hvat land kundi tú hugsa tær at vitja? USA Hallur av Rana HALLUR@SOSIALURIN.FO Í síðstu viku bórust tíðindini, at Vágs Ítróttaráð hevur sett 53 ára gamla Jens Petur Brattalíð í starv sum leiðara fyri marg­høllina, ið verð­ur bygd í Vági. Harvið verður hann fyrsti leiðarin í nýggju høll­ ini, ið ikki hevur sín líka í Føroyum. Høllin verður nevniliga fyrsta høll í Føroyum, ið verður bygt til at veita fót­ bólti og frælsum ítrótti umstøður til at íðka innandura. Marghøllin verður 75,5 metr­ar long og 50 metrar breið, og fer at hýsa einum hálvum fótbóltsvølli, ið verður 60 metrar langur og 40 metrar breiður, umframt eina rennibreyt, ið verður rundanum vøllin. Harumframt verður á aðrari síð­uni fýra geilar, soleiðis at tað ber til at hava kappingar í 60 metra renning og 60 metra forða­renn­ing, og á hinari síðuni verða tvær geilar. Harumframt verða eis­ini umstøður til longdarlop, trý­lop og hædd­ arlop. Ein spennandi verkætlan Jens Petur Brattalíð dylur heldur ikki fyri, at hann søkti starvið, tí hann metir talan er um eina spenn­andi verkætlan. - Eg søkti starvið, tí eg helt tað vera eina sera spennandi verk­ætlan, og møguleikin at vera leið­ari í fyrstu inn­an­ dura fót­bólts­høllini í Føroyum var sera spenn­andi. Tað var eisini nakað, ið eg helt passaði nokk so væl til mín profil, sigur nýggi stjórin í marg­høllini. Jens Petur Brattalíð hev­ur eina út­ búgv­ing sum fiskivinnu­frøð­ingur og leiðslu, og hevur sein­astu tíggju árini verið í starvi í Strand­faraskip Landsins, ið hevur høv­uðs­skrivstovu á Tvøroyri. Fyrstu átta árini starvaðist hann sum sam­ferðslusamskipari, með­an hann tey bæði síðstu árini hevur verið Sam­ferðslu­ leið­ari á stovn­inum. Sostatt hevur fráfarandi Sam­ferðslu­ leiðarin verið í starvi hjá Strandfaraskip Landsins síð­an stovnurin bleiv fluttur til Tvør­oyrar fyri tíggjum árum síðan, men hóast hann nú fer í nýtt starv, so er tað ikki vist, at hann er heilt liðugur við stovnin. - Eg havi søkt um farloyvi í tvey ár frá 1. november av. Eg havi verið her øll árini, ið stovnurin hevur verið á Tvøroyri, og eg havi trivist gott øll árini. Tað hevur verið eitt fantastiskt arbeiðspláss at vera á, og eg havi alt gott at bera Strandferðsluni, sigur Jens Petur Brattalíð. Nógvir hattar Tað er ikki ein heilt ókend upp­gáva, ið bíðar Jens Petur Brattalíð, tá hann skift­ ur starvsstað úr Tvør­oyri og til Vágs. Um­framt at hava fingist við nógvar sam­skip­anar­uppgávur í sínum starvi í Strandferðsluni, so hevur nýggi stjór­in í Marghøllini eisini nógv­ar royndir sum samskipari frá sjálv­bodn­um arbeiði. Nevnast kann, at hann seinastu 25 ár hevur verið limur í Lions Club Suðuroy, ið savnar pening inn til ymisk vælgerandi og mentanarlig endamál, og hev­ur havt ymiskar álitissessir í felagsskapinum, harímillum for­mað­ur í Lions Club Suður­ oy frá 2011 til 2014. Harumframt er hann settur sum sam­ skipari fyri TB, FC Suð­ur­oy og fyri felags­ liðnum á oynni TB/FC Suðuroy/Royn. - Eg havi fleiri hattar á, og eru evnini at samskipa og skipa fyri kanska ein av mínum dygdum, sig­ur Jens Petur Bratta­ líð. Gott fyri ítróttin Í løtuni er byggitilfari til Marg­høllini á veg til Vágs, og er ætlanin, at høllin skal vera liðug og klár at taka í brúk um mán­ að­arskiftið november/desember. Og tá hon verður klár, fer hon at kunna bjóða føroyskum ítrótti nakað heilt nýtt. - Marghøllin gevur nógv­ar møgu­leikar, og kann mill­um annað hýsa fótbólti, heilsu­til­tøk­um, setursskúlum og nógvum øðrum virksemi. Ikki at snakka um, at tað er eitt nýtt tilboð hjá fót­bólts­feløgunum kring landið, ið hava lið í Effo-deildini. Tey hava ein stuttan steðg millum kapp­ ingarárini, men so fara tey í gongd aftur at venja. Tað er bara ikki altíð so tespiligt at venja úti í Føroyum um veturin, men nú hava tey møguleikan at koma suð­ur á venjingarlegu, sigur Jens Petur Brattalíð. Harumframt vísir nýggi leið­ar­in á, at allur ítróttur á oynni fer at fáa ágóðan av høllini, umframt at ítrótta­háskúlin fer at hava ymiskt virksemi í henni. Sólskinssøgur Tá marghøllin verður liðug seinni í ár verður hon næsta stóra verkætlanin inn­ an ítrótt, ið hevur sæð dagsins ljós í Vági seinastu árini, aftaná at vágbingar fyri tveimum árum síðan lótu byggja Pálshøll. Harumframt hevur tað eisini eydnast at seta á stovn ein Ítróttaháskúla í bygdini, ið hevur fingið góða undirtøka millum føroyingar. Munurin á bygdini í dag og fyri nøkr­ um fáum árum síðan er stórur, og vísir Jens Petur Brattalíð á, at alt hetta letur seg gera, tí bjartskygni er aftur at hóma í Vági. - Fólk eru vorðin meira positiv og síggja møguleikar heldur enn forðingar. Man sær møguleikar í øðrum virksemi enn tí, ið annars hevur verið sett í sam­ band við smærri pláss. Bakkafrost er í holt við at byggja flakavirkið um til slát­ ursvirkið, so man kann kryvja laks, og hugskotið at stovna ein ítrótta­há­skúla her var fantastiskt. Tað er ein sól­skins­ søga og skapar nógv virksemi, tí tað skulu jú bæði lærarar til og næmingarnir hús­ast og búleikast her hvønn dag, sigur Jens Petur Brattalíð. Fólk eru vorðin meira positiv og síggja møguleikar heldur enn forðingar. Man sær møguleikar í øðrum virksemi enn tí, ið annars hevur verið sett í samband við smærri pláss. Tað sigur Jens Petur Brattalíð, nýggi leiðarin fyri marghøllina í Vági, um bygdina, ið er í ferð við næstu stóru ítróttaverkætlanina seinastu tvey árini. Á ODDA FYRI FØROYA FYRSTU MARGHØLL