mánadagur 9. oktober 2017síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 10. oktober 2017 · Nr. 114 KJAK Bárður fer ímóti bæði donsku stjórnini og sínum egna flokki Bárður Nielsen er blivin sambandskari, enn bæði danska stjórnin og Sambandsflokkurin sjálvur. Og hann er farin í stríð móti nøkrum, sum ikki finst... Aksel V. Johanne­ sen, løgmaður Á netinum í gjár hevur Bárður á Steig Nielsen rættiliga niðrandi viðmerkingar um tað, eg segði um stjórnarskipanina í Degi og Viku kvøldið fyri. Hann kallar tað ósømilig, og sigur meg hava sagt ósatt um leiklut Sambandsfloksins í málinum. Nú hava ósannindi ongantíð verið mín merkivøra, og eg havi í øllum lutum roynt at bygt alt mítt arbeiði og mínar viðmerkingar á tað, sum hald er í. So var eisini í hesum føri, og tí skal eg grundgeva fyri her: Seinna Flaggdagsálitið "Seinna Flaggdagsálitið" um stjórn­arskipan varð handað táver­ andi løgmanni 18. des. 2006. Um­ boð Sam­bandsfloksins í hesum álitis­arbeiði høvdu verið Edmund Joensen, ting­formaður, Bárður Niel­sen, lands­stýrismaður og Lis­ beth Petersen, løgtingskvinna. Á síðu 15 í hesum áliti undir partinum Tjóðskaparliga Semju­ nevndin skrivar Herluf Sigvalds­ son, formaður í nevndini: "Verður tikið samanum, ber til at siga, at nevndin var samd um orðingarnar viðvíkjandi formæli, fólkið og landið umframt samtykt og gildi. Hin­vegin var nevndin ikki fullsamd um orðingarnar viðvíkjandi stýris­lagi, skipan, umskipan og uttan­ríkis­valdi." Í Tjóðskaparligu Semju­nevndini høvdu flokkarnir hvør sítt umboð og tískil eisini Sambands­flokkurin. Tað var hetta brotið úr álitinum, eg bygdi mína útsøgn á í Degi og Viku. Rætt er tað, at bæði Bárður Nielsen og táverandi formaður floksins, Kaj Leo Holm Johannesen, komu við nøkrum viðmerkingum - men tær søgdu ikki, at flokkurin ikki tók undir við álitinum. Formaðurin segði vegna flokkin, at "Sambandsflokkurin er av tí fatan, at henda lógin skal koma í staðin fyri verandi stýrisskipanarlóg og skal tí vera á sama rættarstigi (tað vil siga undir donsku grund­lógini og Heimastýrislógini). Sambands­ flokkurin ynskir tí, at lógin verður orðað soleiðis, at eingin ivi er um hetta." Hetta álit handaði táverandi løgmaður Løgtinginum sum eina frágreiðing. Og í 2010 varð ein 25 nevnd sett at viðgera uppskotið víðari við støði í hesum. Grein 25 nevndin í 2011 2. mei 2011 legði grein 25-nevndin so fram sítt álit um uppskotið til stjórnarskipan. Meirilutin í hesi nevnd - eisini umboðini hjá Sambandsflokkinum Helgi Abra­ ham­sen og Edva Jacobsen - høvdu eitt broytingaruppskot til for­ mælið, sum m.a. var soljóðandi: "Stjórn­arskipanin virðir teir stjórn­ar­rættarligu sáttmálar og avtalur, sum eru í gildi, tá hon verður sett í verk, men staðfestir, at føroyskir myndugleikar hava fullan rætt til at siga hesar upp og taka við málsræðinum." Sambandsflokkurin tók altso undir við hesum. Tað vóru floksins egnu orð. Men 20. juni 2011 segði danska løgmálaráðið um hetta álitið, at: "Det er endvidere Justits­minist­ eriets opfattelse, at den foreslåede nye formulering af forordet ikke er forenelig med Færøernes for­fatn­ ingsretlige stilling." Men hóast hørðu og av­gjørdu útsøgnina frá danska løgmála­ ráðnum, so stóð Sambands­flokk­ ur­in aftanfyri orðingarnar í for­ mæl­inum. Sambandsflokkurin læt altso ikki danir gera av, hvat hann skuldi halda. Flokkurin hevði sína egnu meining. Og rós fái hann fyri tað. Framlagda uppskotið til stjórnarksipan Hyggja vit so at formælinum, sum tað nú sær út, stendur soleiðis: "Stjórnarskipanin setur ikki úr gildi verandi stjórnarrættarligu sáttmálar og altjóðaavtalur, men staðfestir, at Føroya fólk hevur sjálvsavgerðarrætt og fullan rætt til at siga hesar upp." Í hoyringsskrivi frá danska forsætismálaráðnum til hetta upppskotið verður sagt, at: "for­ slaget ikke rejser væsentlige for­ fatn­ingsretlige spørgsmål." Danska stjórnin sigur altso nú, at alt er í lagi, sæð við hennara eygum. Men nú hendir tað, sum fáur skilir: Sambandsflokkurin fer í svart! Hóast orðingin er LINARI enn hon var í 2011, og hóast danir siga hana liggja innanfyri grundlógina - so sigur Sambandsflokkurin nei! Sambandsflokkurin er altso ikki bara sambandskari, enn Sam­ bands­flokkurin var í 2011. Sam­ bands­flokkurin er eisini sam­ bandsk­ari enn danska stjórnin. Tað er hetta, sum fær fólk at hugsa um tíðina, tá Sam­bands­ flokkurin fyri næstan hundrað ár­um síðani atkvøddi ímóti, at føroyskt mál skuldi nýtast í før­ oyska skúlanum, hóast danska stjórnin helt tað vera rætt. Tað er eisini hetta, sum fær, ið hvussu er meg, at hugsa, at Bárður Nielsen roynir at seta nakað á skrá, sum als ikki er á skrá. Nevniliga loysing ella samband. Men hetta snýr seg IKKI um loysing og samband, hvussu Bárður so vendir og snarar tí. Og fyri tað, um Bárður - fyri at tekkjast ávísum veljarum - roynir at seta meg fram sum garrvillan loysingarmann, so eri eg ikki tað. Hetta er bæði bíligt og býttisligt. Javnaðarflokkurin hevur aldrin verið loysingarflokkur - men vit hava altíð ment og útbygt ríkisfelagsskapin. Tað er eisini tað, vit - saman við øðrum - gera við nýggju stjórnarskipanini. Løgni leiklutur Sambandsfloksins Støðan er altso tann, at Sambands­ flokkurin 2011 góðtók eina orðing í formælinum, sum danir ikki kundu góðtaka. Og í dag kann Sambandsflokkurin ikki góðtaka eina orðing í formælinum, sum danir ongar trupulleikar hava av. Tá uppskotið við nýggja for­ mælinum varð lagt fram, skrivaði Helgi Abrahamsen heldur speisk­ liga á sosialu miðlunum, at um Tjóð­veldi kundi góðtaka hesa orðingina til formæli, so gav flokkurin seg undir donsku grundlógina. Men nakrar dagar seinni boðaði leiðslan í SAMBANDSFLOKKINUM frá, at HON ikki kundi góðtaka nevnda formælið... Hetta fær meg og onnur at hugsa, at tað, Sambandsflokkurin vil, er at sleppa aftur í skotgravirnar at rópa og klandrast um loysing ella samband. Tað flytir EINKI. Tað gagnar ONGUM. Og eg rokni heldur ikki við, at Sambandsflokkurin vinn­ ur uppá tað. Fólk vilja hava kon­ struktivt kjak og ítøkilig úrs­lit, heldur enn meiningsleyst skot­ grava­kríggj. Til endans vil eg heita á Bárð Nielsen um at venda aftur á ta semjusøkjandi kósina, sum flokk­ urin helt, tá Kaj Leo Holm Jo­ hannesen var floksins for­mað­ur og Helgi Abrahamsen var fram­ søgumaður um stjórnar­skip­an­ina. At stríðast ímóti loysing við støði í nýggja uppskotinum, er at stríðast móti nøkrum, sum ikki finst. Á tann hátt minnir Bárður ikki sørt um Don Quijote í hesum døgum. Nýggja uppskotið er ikki nakað loysingarskjal. Tað síggja øll, sum lesa tað. Eisini danska stjórnin. Men í uppskotinum er nógv, sum kann flyta Føroyar fram. Kom nú uppí tað kjakið, Bárður! Um ferða­fólk Birgith Clementsen Tað sýnist fyri tíðinda, sum vit føroyingar eru temmiliga ráðaríkir, tá tað snýr seg um ferðafólk, ið koma hendanvegin. Hvar er gestablídni? Alt snýr seg um pengar, sjálvandi ger tað tað í ein vissan mun. Hetta at gera tað dýrari fyri ein ferðandi at seta seg í bussin ella í ferguna ljóðar heldur barnsligt, men tað sær út sum, at øll halda tað sama. Um eg fór til England, so hevði eg neppa blivið spurd, hvaðani eg var frá, og hvussu nógvar dagar eg skuldi vera har, tí so skuldi eg gjalda meira pening fyri at njóta tað dagligu ferðarutuna. Sjálvandi gjald ferðafólkini tað, tey eiga og eisini meira, um tey leiga bussar og aðrar fergur, tað er sjálvandi undirorðnað, um einstøk ferðandi koma her at síggja okkara deiliga land í nakrar dagar skula standa við einari sjóforkláring, áðrenn tey sleppa í bussin ella í ferguna, tí tey skula gjalda meira enn hini. Tað er hol í hødið. Tey mugu hava ein annan buss, t. v. s. tveir bussar, tey har og vit her, puha. Vit hava biðið tey um at koma og síggja okkara deiliga land, og tá tey eru komin, vilja vit hava tey vekk aftur, tí tey lata ov lítið av peningi eftir sær. Og so er tað tann nýggja stjórn­ arskipanarlógin, ið langar út eftir islamskari trúgv, bannar hana við lóg. Hvat við teimum, ið eru her longu? Skulu tey blakast út ella hvussu skulu tey gera tað, eg trúði at man ikki hevði loyvi at forfylgja nøkrum persóni vegna trúgv. Vit í Føroyum hava havt og hava nógvar trúðarbólkar, og eg havi ogatíð hoyrt um nakran, ið hevur verið bannaður. Ein er, ið eg halid átti at verið bannaður, men hann er neppa komin hendanvegin nakrantíð, men hann er tætt upp at okkum, og tað er sjálvandi satanforsamlingin, ið ger seg inn á djór! Tað er annars gott at bara kristn­ir trúðarbólkar fáa loyvi at praktisera, men vit eiga ikki at banna fólki at hava trúgv og spesielt trúgv, ið tey eru uppvaksin við, tað eiga vit at acceptera og fara væl um bæði minnilutabólkar og størri bólkar. Vit eru øll mennisku upp á gott og ónt, vónandi mest gott. Tað flytir EINKI. Tað gagnar ONGUM. Og eg rokni heldur ikki við, at Sambandsflokkurin vinn­ ur uppá tað. Fólk vilja hava kon­struktivt kjak og ítøkilig úrs­lit, heldur enn meiningsleyst skot­ grava­kríggj.