mánadagur 9. oktober 2017síða 19

19 Mánadagur 6. januar 2014 · Nr. 2 Sosialurin Mánadagur 9. oktober 2017 · Nr. 117 Hugskot og viðmerkingar – send sms til 225000 FÓTBÓLTUR HALLUR HANSSON Fyllur nógv á miðjuni og gav føroyska liðnum nógv orku. Spældi við pínu í fótinum, men tað sást ikki fyrr enn í seinna hálvleiki. Var partur í bæði verjuspælinum og fleiri á álopunum, har hann hevur gott eyga við samanspælinum. GILLI RÓLANTSSON Eitt umskiftiliga avrik. Í løtum bergtekur hann við nógvu ferðini og hóttandi spælistílinum, men hann til aðrar tíðir kiksar rætt einfaldastu avleveringarnar og renningarnar. Hetta er søgan um tvøramannin á landsliðnum, sum tó kundi verið blivin dystaravgerandi tveir dystir á rað, um hann skoraði upp á risa møguleikan fáar minuttir fyri tíð. Tvey fram, men eisini eitt aftur. PATRIK JOHANNESEN Ger tað sum ein innskiftur áleypari skal og eitt sindur afturat. Prógvaði eisini við hesum innhoppinum, at hann hevur nakað at geva liðnum. Sterkur, tryggur á bóltinum og søkir málið. Tað mundi givið úrslit, men verjuspælari tveitti seg fyri. Kundi verið komin inn nakað fyrr. RÓLADUR JAKOBSEN Spældi longri frammi enn hann ger í B36. Tí sóu vit ikki sama Róald á Tórsvølli, men hann vísti í løtum gott bóltspæl og kom til tvær skotstøður, men hetta var ikki dagurin, har hann setti teir í málið. Spældi væl í løtum, men hevði eisini løtur har hann datt úr dystinum. JÓAN SÍMUN EDMUNDSSON Áleyparar verða mangan – fyri ikki at siga altíð – dømdir upp á málini, men við toftamanninum er søgan ein onnur. Hann hgevur liðnum so nógv, at ber ikki til at koma uttanum hann sum besta spælara. Hann arbeiður hart í verjustøðu, eigur stóran lut í uppspælinum, tekur ábyrgd á bóltinum og kemur til málmøguleikar, men hvørja ferð manglaði ein sponn í. Annar eitt framúr avrik í spælinum. KAJ LEO Í BARTALSSTOVU Kemur inn og torir at halda fast í bóltinum og tað trýsti Lettland longur aftur á vøllin. Misti bóltin í fyrstu royndini, men lat tað ikki ávirka seinastu minuttirnar. Skuldi eisini havt fingið nakrar minuttir fleiri. SØLVI VATNHAMAR Teir er nakað síðani, at leirvíkingur hevur spælt ein ordiliga góðan landsdyst, men hann spælir at kalla aldrin undir miðal. Soleiðis var eisini móti Lettlandi har kann arbeiddi hart, tók ábyrgd í uppspælinum og legði upp til onkran málkjans, men tað seinasta manglar. RENÉ SHAKI JOENSEN Kom inn á miðvøllin og gjørdi sítt. Vann tveir lyklabóltar í verjustøðu, men átti sjálvur lut í tí eina. Tykist nærkast liðuppstillingini, eftir sannførandi avrik í seinastuni. Fellur væl til á miðjuni, vil hava bóltin og hevur ferðina at bjóða av. Uppspælið til møguleikan hjá Gilla gevur eitt eyka stig. LARS OLSEN Venjarin ger nógv rætt til hendan dystin, tí vit hava bóltin 62 prosent av tíðini og kom til 15 skotroyndir. Eftirfylgjandi ber til at siga, at tvær tær seinastu innskiftingarnar kundi verið gjørdar eitt sindur fyrr. Fimm ferðir reint mál er avbera flott, men bara fýra mál er ikki gott nokk. Í álopsstøðu má liðið til at finna útav hvussu innleggini skulu liggja, so vit kunnu fáa meiri burturúr tí. Lars Olsem má finna rennimynstrur til Gilla, so vit fáa hann í vandamiklari støður. Skal eisini hava rós fyri at skifta til fýra í verjuni, tí hesa ferð riggaði tað. 7 5 7 5 8 6 6 6 7