hósdagur 19. oktober 2017síða 6

FRÍGGJADAGUR 20. OKTOBER 2017 SOSIALURIN 122 6 EYÐUN KLAKSTEIN J ørn Astrup Hansen er bæði virdur og um­stríddur í Før­oy­um. Tann bersøgni banka­stjórin úr Danmark kloyvir ta føroysku fjøldina. Tað gjørdi hann øll árini sum stjóri í Føroya Banka, og tað ger hann enn. Nógv halda hann hava gjørt stóran mun, onnur halda lítið um hann. Men eitt er kortini vist: Jørn Astrup Hansen hevur havt ein týðandi leik­lut í nýggjari føroyskari søgu. Soleiðis innleiðir Páll Holm Jo­ hann­esen nýggju bókina “Astrup”. Talan er um eina samrøðubók, har Astrup greiðir frá sínari tíð í Før­ oy­um og ymiskum, hann hevur upp­livað her. Í bókini verður tosað um kreppuárini í 1990’unum, um fullveldistíðina, um bjargingina av Eik Banka, um skattamálið og annað. Jørn Astrup hevur síðani árs­ byrj­an 1993 virkað í føroyska sam­ felagnum – næstan uttan steðg. Tá ið danski bankastjórin kom til Føroya fyrstu ferð fyri næst­an 25 árum síðani, var tað fyri at taka yvir sum stjóri í Sjó­vinnu­bank­ an­um, sum hevði koyrt seg púra fastan. Føroyska samfelagið var í grund­ini farið av knóranum, og fyri framman bíðaði ein ógvuslig kreppu­tíð, sum millum annað hevði við sær, at fleiri túsund før­oyingar rýmdu av landinum. Astrup virkaði sum bankastjóri – fyrst í Sjóvinnubankanum og síðani í Føroya Banka, tá ið bank­ ar­nir í 1994 vórðu lagdir saman – fram til 2005. Árini 2006 til 2008 var Astrup for­maður í Búskaparráðnum, og í 2010-11 varð hann stjóri í koll­ siglda Eik Banka. Tá ið hann fór frá sum stjóri, tók hann við sum nevndarlimur í Eik og sat í nevnd­ ini fram til januar 2016. Krepputíðin Nú eru næstan 25 ár liðin, síðani tann tá fimmti ára gamli Jørn Astrup Hansen kom til Føroya, og nú nýggj bók um hansara tíð í Før­ oy­um kemur út í næstu viku, hava vit sett honum nakrar spurn­ingar. Í 1993 kemur tú til Føroya at verða stjóri í kreppurakta Sjó­ vinnu­bankanum og til eitt sam­ felag í djúpari kreppu. Hvussu var tað? – Eg var ovfarin, tá ið eg kom til Føroya fyrstu ferð, og eg var als ikki fyrireikaður til tað, sum eg møtti. Tá ið eg hugsi aftur, haldi eg, at eg í grundini ikki kundi havt fyri­reikað meg til tað. Kanska var tað gott, at eg ikki visti ov nógv, tí so er sannlíkt, at eg ikki var komin til Føroya í januar 1993. – Eg havi latið mær fortalt, at nevndin í Sjóvinnubankanum í TILVILD AT EG SKOLAÐI Í LAND Í FØROYUM – Eg var ovfarin, tá ið eg kom til Føroya fyrstu ferð, og eg var als ikki fyrireikaður til tað, sum mær møtti, sigur Jørn Astrup Hansen, sum seinastu 25 árini hevur havt týðandi leiklut í føroyska samfelagnum. Í næstu viku kemur nýggj bók út um tíðina hjá Astrup í Føroyum, og har kemur millum annað fram, at tað var Astrup, sum síðst í august 2010 ávaraði Fíggjareftirlitið um, at Eik Banki kundi hava álvarsamar trupulleikar