hósdagur 26. oktober 2017síða 12

FRÍGGJADAGUR 27. OKTOBER 2017 SOSIALURIN 125 12 AVGERÐIN AT GIFTAST - Marta greiðir frá: 23. des. 2016, tá ódnin Urd rakti Føroyar, var streymslit og landið lá í bølamyrkri. Heima í okkara hugnaligu stovu, høvdu vit tendrað livandi ljós. Hesin flotti maðurin hevði ikki bara verið úti og keypt mær jólagávu hendan dagin, nei hetta bleiv ein minnisríkur dagur, tí Albin fór á knæ framman fyri mær. Rooomantiiskur, Ja! Eg bleiv yvirraskað og rørd. Ovurfegin svaraði eg JA! Gleðistár, látur og kærleiki fylti rúmið. Eingin telefon, telda ella annað kundi órógva. Í kærleiksrúsi nutu vit hesa serligu løtuna. Løtan var heilt serlig, tí umstøðurnar vóru so óvanligar. Vindurin brast á uttanfyri, meðan vit sótu inni í heitu stovuni. Dato fyri vígsluna: 26. august 2017 Gestir til veitsluna: Uml. 200 gestir Stað fyri vígsluna: Havnar Kirkja Stað fyri veitsluna: Starvsmannafelagið - tað var opið hús BRÚÐARDAGURIN – Marta greiðir frá: VÍGSLAN: Ein spenningsrúsur sús­ aði í mínum búki, tá eg var kom­in í brúðarkjólan og stóð klár heima í stovuni. Nú nærkaðist til vígslan skuldi vera. Løtan í kirkj­uni var magisk fyri okkum bæði. Spenn­ ing­urin var stórur, Albin bíðaði í stórum spenningi eftir mær í kirkj­uni og tað sást á honum. Tað kendist so gott og trygt, tá okkara eygu møttust. Albin stóð har, flott­ ur í klædningi, nýkliptur og hevði glæmandi eygu og eitt stórt smíl. Eg var nokk so hás hendan dag­in, tí setti eg ordiliga av, so øll skuldu hoyra mítt ja til Albin. Eitt kempi­stórt JA, kom út úr mínum munni, sum var snjallari enn eg ætl­aði, men gott er, tað var kortini fitt. Øll vóru í láturi. Hetta bleiv ein stuttlig løta fyri okkum øll. Tá vit vóru vígd og høvdu sett okk­um á fremsta bonk saman, yvir­ raskaði Thormund (pápi Albin) og Maria (systkinabarn Albin) okkum við sangi. Tað var ein ógvuliga rørandi løta. MÓTTØKAN: Vit høvdu ein væl­ sign­aðan og ríkan dag. Móttøkan var so hugnalig, hýrurin var góð­ ur og avslappaður. Veðrið var so gott hendan dagin, at gestirnir funnu sær eisini sitipláss úti í hav­ anum sum inni. Vinfólk hjá Martu framførdu vakran sang fyri okk­ um. Nógvar góðar og stuttligar tal­ ur vórðu hildnar, og filmsbrot av polt­erabend og ungdómsminnum vórðu eisini víst á stórskíggja. Okkara gestabók var eitt lørift við einum træið á. Bløðini vóru fingra­merki frá okkara gestum. Nú prýð­ir hetta litfagrað træið okkara heim. Vit eru so glað fyri øll, ið góvu sær stundir at hátíðarhalda dag­in saman við okkum. Á kvøldi høvdu v i t døgurða f y r i teim­um nærmastu. BRÚDLEYP.FO Nøvn á brúðarparinum: Marta Nolsøe Hansen og Albin Nattestad Johannesen Størv og stutt lýsing um brúðarparið: Albin er 32 ár, útbúgvin KT-verkfrøðingur. Hann arbeiðir sum KT- mennari hjá fyritøkuni SANSIR, har hann m.a forritar heimasíður. Marta er 28 ár, bleiv útbúgvin námsfrøðingur í juni 2017. Í august 2017, byrjaði hon at arbeiða á dagstovninum Lítliskógur, í eini barnagarðsstovu. Tey eiga ein son saman, Brandur, sum er tvey ár. BRÚDLEYPS­ DAGURIN HJÁ MARTU & ALBIN