hósdagur 26. oktober 2017síða 11

FRÍGGJADAGUR 27. OKTOBER 2017 SOSIALURIN 125 11 fáir, so hevur Føroya Landsstýrið tikið fyrstu fetini til júst at løna teimum, sum keypa ella eiga el-bil. Kristina Háfoss, fíggjar­mála­ ráð­frú, segði við Sosialin í fjør, at føroyska stjórnin hevði heilt aðrar visjónir á elbilaøkinum enn danska stjórnin. - Skulu vit av álvara fáa før­ oy­ingar at keypa elbilar, kemur tað ikki av sær sjálvum. Tí ætlar samgongan nú at gera tað meiri lokkandi hjá føroyingum at keypa el-bilar heldur enn bensin- ella dieselbilar, segði hon við Sosialin 10. februar í fjør. Og fyrstu stigini eru tikin. • Eins og í Noregi er einki skrásetingargjald á elbilum í Føroyum. • Keypir tú ein elbil, fært tú MVG’ið afturrindað, tó í mesta lagi 70.000 krónur • Tað er ókeypis at løða bilarnar á almennu løðistøðunum. • El-bilar rinda einki árligt umhvørvisghald Her skal tó viðmerkjast at lógin um MVG-frítøku í fyrsta umfari ein­ans er galdandi til 2019, með­an undantakið í lógini um um­hvørvis­ gjald einans er galdandi til og við 2020. Umframt hetta arbeiðir lands­ stýrið í løtuni við at loyva SEV at selja teimum kundum, sum hava hita­pumpu ella elbil, bíligari streymt. Tá verður talan um, at ein kann spara eini 4.000 krónur um árið við at velja elbil í mun til bensinbil, bara í muninum á nýtsl­ uni av brennievni. So kemur alt hitt afturat. Spurningurin er so, um føroyska stjórnin skuldi hugt til Noregs og eisini latið elbilar koyrt ókeypis gjøgnum undirsjóvartunlarnar og ferðast ókeypis við Strand­ferð­ar­ skip­um Landsins? Útboðið má vaksa Umstøðurnar at hava elbil í Føroyum eru eisini góðar. Netið av løðistøðum er nú so væl útbygt, at løðistøðir eru á øllum teimum størru oyggjunum og tað skal vilja illa til, um tú ikki skalt kunna legja eina leið, sum førir teg fram við eini løðistøð, so tú fært løtt bilin eina løtu. Løðistøðir eru í dag á flogvøllinum, í Vestmanna, við Streymin, í Runavík, í Klaksvík, tvær í Havn, á Sandi og á Tvøroyri Í løtuni eru tað kanska bila­søl­ urnar, sum halta mest eftir. Út­ boðið av elbilum í Føroyum er sera avmarkað. Ynskir tú at keypa ein el-bil í dag, kanst tú velja millum Nissan Leaf, Kia Soul, BMW i3 ella VW eGolf og eUp. Bilasølurnar, sum Miðlahúsið hevur tosað við, siga tó, at úrvalið fer at vaksa í 2018 og 2019, tá millum annað Ford og Volvo koma við sínum útgávum av elbilum, BMW i8 verður tøkur og ikki minst Opel Ampera-e, sum nógv bíða spent eftir. Droymir tú um ein Tesla, mást tú uttanlands at leita tær eftir honum. Tað kann væl vera, at Føroya Landsstýri eisini eigur at hyggja eftir, um tað skal vera lættari at velja aðrar lágútlátsbilar, sum til dømis brintbilar. Men eingin ivi er um, at størri orka má leggjast í at fremja hetta orkuskifti. Sum ung­ dómsfelagið hjá KrF, KrFU, plagdi at siga: - Okkum tørvar fólk, sum droyma um okkurt størri enn bara bílig­ari bensin.