hósdagur 26. oktober 2017síða 14

FRÍGGJADAGUR 27. OKTOBER 2017 SOSIALURIN 125 14 LÍVSTÍLUR: Tá tað regnar DYPPA STEARINLJÓS Her er upplagt at brúka restir av stearinsljósum sum tú eigur inni – jú fleiri litir tú hevur, jú stuttligari verður spælið. Fyll ein plastikk kopp ella ílat hálvt við vatni, og tak restirnar av stearinljósunum fram. Tá tú dyppar stearin í vatnið, verður stearinið til smáar perlur, og við ymisku litunum ber til at gera smáar myndir í vatninum. Tryst eitt sindur í kantarnar fyri at fáa stearinið leyst, tá myndin er liðug. GER GANDADEIGGJ Hetta er deiliga ómakaleyst og skjótt at gera, og tey flestu eiga tilfarið inni. Tilfar: 2 koppar av mjøli 1 kopp av salti 1 kopp av heitum vatni 1 spsk av matolju Máling og møguliga lakk at pynta við Eitt sindur av staltrái at hanga upp við Mannagongd Blanda alt tilfarið saman Elt deiggið til tað verður mjúkt Síðani skal skapast, og nú er tað bert hugflogið, ið setur mørkini. Mangar tær íblástur til, hvat tú kanst gera við gandadeiggið, og eru fleiri góð og stuttlig hugskot bæði til vaksin og børn at finna á www.pinterest.com. Skulu myndirnar upp at hanga, ger so ein lítlan ring av staltráði, sum tú setur fastan í deiggið. Tá standmyndirnar eru lidnar, so skulu tær bakast á 120 hitastigum í á leið tríggjar tímar. Lat síðani gandadeiggið kølna, áðrenn tað verður málað. Mála gandadeiggið við acrylmáling og lakera síðani við vatnbaseraðum lakki. Tað kann eisini prýðast við perlum og glittur, alt eftir hvat tit hava hug til. BYGG FORÐABREYT OG SMÁTTU Hála allar pútur, dýnur og teppi inn á stovugólvið og set stuttligan tónleik frá, sum børnini tíma at dansa til. Bygg eina forðabreyt við øllum tí, sum liggur á gólvinum, og ger tað avbjóðandi at hoppa, renna ella balansera á ymisku lutunum. Bygg til endans eina smáttu við at heingja eitt teppi yvir tveir stólar. Legg teppi og pútur inn í smáttina, og enda avbjóðingina við at leggja tykkum inn í smáttina við eini bók. 14 HUGNALIGIR REGNDAGAR SAMAN VIÐ BØRNUNUM Heystið: Heystið er komið, dagarnir verða styttri, vátari og kaldari, og vit eru meir inni saman við børnunum. Ofta verða bæði foreldur og børn móð av altíð gera tað sama, og tí hava vit savnað saman 11 góð hugskot til kreativ spøl til teir vátu dagarnar, ta øll helst vilja vera inni og njóta samveruna – men eisini hava tað stuttligt saman ANNIKA KUNOY IM • ANNIKA@SOSIALURIN.FO