hósdagur 26. oktober 2017síða 52

VINNUBLAÐIÐ HJÁ MIÐLAHÚSINUM 28 oktober 2017 27 Vilmund Jacobsen Fyritøkan P/F Poul Hansen, sum hevur høvuðssæti á Heykavegi 8 á Hálsi í Havn, hevur í ár ein stóran árs­dag. Tað eru nevniliga liðin 90 ár, síð­an Poul Hansen, abbi núverandi stjóra, Høgna Hansen, byrjaði sítt virk­semi í egnum kjallara í Havn. Lagt varð varisliga til brots, og søgan sigur, at Poul Hansen byrjaði við einum umboði fyri enskt tubbak og nøkrum fáum kolonialvørum. Men, fyritøkan, sum byrjaði í smá­ um, hevur gjøgnum tíðirnar ment seg til størstu heilsølu í Føroyum – við umleið 90 fólkum í starvi og fleiri túsund vørum í útboði. Sum árini eru liðin, er virksemið nógv økt og er vorðið meira umfat­ andi, og framvegis er P/F Poul Han­ sen ein fyritøka í vøkstri. Bygnaðurin er broyttur, og í dag er samlaða virksemi meira líkt eini handilsfyritøku í breiðari merking, tó at heilsølan framvegis er kjarnuøkið og ryggurin í samtakinum. Tøtt handilssamstørv Í dag er samtakið eisini part­ur av Samkeyp og Á handils­ket­unum, Eurest Føroyar, ið er vist­veit­ing­ar­ fyritøka, sum rekur kantinur og rein­ gerð, og í samtakinum er eisini mat­ vøru­framleiðsluvirkið Krás í Hósvík, sum er ein av týðandi deildunum hjá handilsfyritøkuni. Ein av stóru kundunum hjá Eurest Føroyar er Føroya Tele, har dótt­ir­felagið hjá Poul Hansen bæði rek­ur kantinu og hevur um hendi rein­gerð. Eins og í øðrum londum, har tradi­tionellu heilsølurnar fóru í tættari sam­starv við handlar, hendi tað sama millum Poul Hansen og fleiri føroyskar keypmenn. Samstarvið byrjaði sum eitt markn­aðarføringssamstarv, har part­ ar­nir vóru saman um eitt nú lýs­ing­ar­ bløð, innkeyp og sølu. Í dag er heilsølan á Heykavegi á Hálsi í tøttum samstarvi við fleiri Sam­keyp og Á-handlar kring um landið. Tað var fyri trimum árum síðan, at Poul Hansen keypti seg inn í teir fyrstu handlarnar, og samtakið eigur í dag tilsamans átta handlar saman við ymiskum keypmonnum, sjey Á-handlar og ein Samkeyp-handil. Alt fyri viðskiftafólkini P/F Poul Hansen hevur nógv og ym­isk viðskiftafólk kring landið, og stór orka verður løgd í at fáa í lag júst teir innkeypsmøguleikar, sum við­skiftafólk tørva. Sølufólkini hjá fyritøkuni vitja við­skiftafólk, har tey vegleiða og taka ímóti bíleggingum. Við tí stødd, sum fyritøkan hevur og tí stóru og fjølbroyttu vøruskránni, megn­ar heilsølan altíð at lata røttu gerand­ is­vøruna fyri rætta prísin. Fyritøkan tryggj­ar fjølbroytni og bestu góðsku, og allar vørur – eisini kølivørurnar - verða goymdar undir bestu um­støð­ um. Umframt stóru vøruskránna, kann fyritøkan eisini útvega viðskiftafólki alt inn­búgv, eitt nú frystidiskar, kassa­diskar og annað. P/F Poul Hansen selur handlum, kioskum, bensinsølum og bakaríum allar gerandisvørur, og fyritøkan veit­ ir eisini tænastur til sjúkrahús, hot­ ell, matstovur, kantinur, stór­køk­ar, proviantering til skip og frá­landa­ vinnu. Størsti parturin av samlaða heil­ sølu­virkseminum er søla til handl­ar, matstovur, hotell og skips­prov­iant­ ering. Tók yvir sum ungur Tað er ikki ein stjóri við stórum orð­ um og veipandi ørmum, sum vit hitta, tá vit stukku inn á gólvið hjá P/F Poul Hansen tíðliga seinnapartin miku­ dagin. Men, hinvegin skilst skjótt, at hetta er ein maður, sum er miðvísur og sum brennur fyri sín­um virksemi, starvsfókum og viðskifta­fólkum - og sum stórtrívist í hesi vinnu. - Vit hava ikki gjørt nakað serligt burtur úr ársdegnum, men vit fara at hava eina 90 ára veitslu á Hotel Før­ oy­um í næsta mánaða, sigur Høgni Hansen, sum hevur starvast hjá Poul Hansen heilsølu alt sítt lív. Tað var í 1990, tá Høgni Hansen, sum er føddur í 1961, var blaðungur maður, at hann gjørdist stjóri í familju­fyritøkuni, sum abbin, Poul Han­sen, byrjaði í 1927. - Pápi mín, Hans Hansen, sum var stjóri í mong ár eftir abban, var tá framvegis virkin í fyritøkuni, og hann var eisini nevndarformaður. At taka yvir sum stjóri, kendist sum ein stór uppgáva og ábyrgd, tó at eg hevði verið og havi verið í fyritøkuni alt mítt lív. Pápi var mær sjálvsagt góður í ráð­um og ein stórur stuðul, og hann livdi fram til ár 2001. Mamma mín, Frida, sum var ættað av Eiði, doyði tíverri longu í 1986. Vit kunnu siga, at eg kom nokso ”glíðandi” inn í stjóra­ starvið, har eg arbeiddi tætt saman við pápa mínum. Høgni Hansen vísir á, at eins og hann sum stjóri hevði fleiri ár saman við pápa sínum, hevði eisini pápi hans­ara fleiri ár í fyritøkuni saman við abba sínum og stovnaranum, Poul Hansen. Stórtrívist í fyritøkuni Stovnarin Poul Hansen varð føddur í 1890 og doyði í 1973, 83 ára gamal. Hóast P/F Poul Hansen altíð - EG STÓRTRÍVIST Í STARVINUM, OG EG ERI SERA FEGIN UM ØLL TEY DUGNALIGU STARVSFÓLK OG VIÐSKIFTAFÓLK, SUM EG HAVI VIÐ AT GERA Í TÍ DAGLIGA OG SUM ERU KRUMPTAPPURIN UNDIR FYRITØKUNI, SIGUR HØGNI HANSEN, STJÓRI Í P/F POUL HANSEN HEILSØLU, SUM NÚ HEVUR 90 ÁR Á BAKI SUM FAMILJUFYRITØKA Tað er neyðugt við menning og tillaging til broyttar umstøður - Tað, sum er umráðandi, er, at ein fyritøka ikki stendur í stað. Neyðugt er við menning og tillaging til broyttar umstøður og øðrvísi marknað, sigur stjórin, Høgni Hansen Mynd: Vilmund Jacobsen