mánadagur 30. oktober 2017síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 30. oktober 2017 · Nr. 126 Fingu onkrar góðar kalvar Sandshavið hevur verið sín fyrsta túr við nýggjari línu, og hetta gjørdist ein roktúrur Vilmund Jacobsen Tað er heldur langt ímillum, at tað frættist um góðar línu­ túrar undir Føroyum. Men, tá línuskipið Sands­ havið kom aftur av túri í síðstu viku, kundi manningin siga, at teir høvdu havt ein roktúr. Sandshavið var úti í níggju dagar og fingu umleið 140.000 pund, sum teir bjóð­ aðu út á Fiskamarknaði Før­ oya fyri 1,1 miljónir krónur. Sandshavið hevur júst skift alla línuna út, og henda túrin royndu teir á djúpum vatni. Stórur partur av veiðini var longa, blálonga og brosma, men teir fingu eisini onn­ur fiskasløg. Eitt nú fingu teir onkran stóran kalva, sum lyfti undir miðalprísin á søluni, tó at teir vónaðu at fáa nakað meira, enn teir fingu fyri stóru kalvarnar. Ætlandi fer Sandshavið nýggjan túr seinni í dag ella í kvøld. Grindin í Skálafirði sunnudagin var umleið 328 skinn. Hetta er fyrsta grindin, síðan Skálafjøður aftur fekk sína góðkenning sum hvalvág Soleiðis gongur á havinum Vilmund Jacobsen Tvey línuskip eru á Íslandsrygginum. Tey fáa mest av toski og nakað av svartkalva og blálongu. Annað skipið landar í dag, og hitt landar miðskeiðis í vikuni. Umframt línuskipini á Íslandsrygginum vóru eisini tvey línuskip undir Føroyum fríggjadagin. Tey fiska á djúpum og fáa mest av longu.  - Annað skipið landar fyrst í hesi vikuni, men ivasamt er, um hitta skipið landar síðst í hesi vikuni ella fyrst í næstu viku. Fríggjadagin, tá tey á Fiskamarknaði Føroya gjørdu sínar metingar fyri hesa vikuna, var eitt ísfiskalínuskip í íslendskum sjógvi. Teir eru nýliga byrjaðir nýggjan túr og koma neyvan heim at landa hesa vikuna. Eitt frystilínuskip er til fiskiskap undir Føroyum, og eitt fiskar í grønlendskum sjógvi. Um útlitini til útróður hesa vikuna verður sagt, at streymurin er brúkiligur, men verður harðari, sum vikan gongur. Veðrið verður eftir øllum at døma eisini hampiligt. - Flestu partrolarapør eru til fiskiskap og koma inn at landa, sum henda vikan gongur. Upsafiskiskapurin hjá partrolarunum er framvegis á einari leið. Eitt par er eisini á Reykjanesrygginum og fiskar tosk, kongafiski og blálongu. Fríggjadagin var ein djúpvatnstrolari til fiskiskap eftir svartkalva. Væntandi landar trolarin tíðliga í hesi vikuni.  Hinir djúpvatnstrolararnir, sum eru til fiskiskap eftir ísfiski, fiska allir upsa, men teir eru nýliga byrjaðir túr. Djúpvatnstrolararnir, sum frysta fiskin umborð, fiska í løtuni svartkalva. - Fríggjadagin lógu allir teir smáu trolbátarnir við bryggju, men teir loysa aftur so skjótt, sum veðrið verður betri, vistu tey á Fiskamarknaði Føroya at siga. Í dag er ikki so kalt, 6-10 stig, og nakað soleiðis verður eisini í morgin. Mikudagin verður kaldari, niður í 2-5 stig um náttina. Hósdagin verður aftur heldur lýggjari, 5-9 stig, men fríggjadagin kølnar aftur niður í 2-6 stig. Einir 1200 mans skjóta í veiðitíðini Hósdagin 2. november verður aftur loyvt at skjóta haru, um tú hevur ein haruhaga at skjóta í. Síðan verður loyvt at skjóta til og við seinasta dag í hesum árinum Vilmund Jacobsen Men, hvssu nógvar harur verða skotnar í Føroyum, og hvønn týdning hevur haruveiðan? Tað eru spurningar, sum Eyðfinn Magnussen, lív­frøð­ ingur, hevur sett sær fyri at svara. - Hara hevur verið skotin í Føroyum í eini hálv­t­annað­ hundrað ár, men hvussu nógv­ar harur hava verið skotnar øll hesi árini, vita vit í veruleikanum lítið og einki um. Tá ræður um veiði á sjónum av fiski og hvali, vita vit rímiliga væl, hvussu nógv er komið upp á land á hvørjum ári. Men, ræður um veiði uppi á landi – eftir fugli og haru – tá vita vit sera lítið og næstan slett einki. Lívfrøðingurin vísir á, at eingin myndugleiki hevur tikið sær av hesi uppgávu. - Teir, ið skjóta haru í Føroyum, hava ikki skyldu at boða frá, hvussu nógvar harur teir hava fingið, hvussu ofta teir hava skotið - ella hvussu nógvir mans hava verið við. Tí vita vit heldur ikki, hvussu nógv hara hevur verið skotin í Før­ oy­um gjøgnum tíðina, ella hvussu stór royndin hevur verið. Óvæntaði tøl Fyri at bøta um hetta fór Eyðfinn Magnussen í 2012 í holt við at skráseta, hvussu nógvar harur veruliga verða skotnar í Føroyum. - Úrslitið av skrásetingini gjørdist rættiliga óvæntað, tí hetta fyrsta árið vórðu ikki færri enn 5.381 harur skrá­settar at vera skotnar í Føroyum. Men, samlaða talið hevur helst verið oman fyri 7.000, tí tað var sjálvboðið at boða frá, og tí eru tað uttan iva fleiri harutøl, sum ikki vórðu fráboðað. Eyðfinn Magnussen hev­ ur síðan gjørt hesa kanning á hvørjum ári, og veiðitølini hava verið veksandi, men í 2015 minkaði veiðan aftur. - Í 2013 vórðu 7.756 harur skrásettar at vera skotnar í Føroyum, og í 2014 kom talið heilt upp á 9.318 harur, sum vórðu skotnar á 1.123 harutúrum í 348 hagapørtum kring landið. Talið minkaði aftur í 2015, og tá vórðu 4.012 harur skrásettar at verða skotnar, sigur hann. 1200 mans skjóta At áhugin fyri haruskjóting er stórur í Føroyum, sæst aftur á talinum av monnum sum skjóta. Í 2014 varð mett, at einir 1.200 veiðimenn skutu harur í Føroyum. Í 2015 var minni at fáa, og áhugin at skjóta var tí eisini minni. Tá skutu helst eini 800 mans harur. Sandshavið fekk nakrar góðar kalvar á seinasta túri