mánadagur 13. november 2017síða 14

Mánadagur 13. november 2017 · Nr. 132 14 Sosialurin Hugskot og viðmerkingar – send sms til 225000 MEINHARD ER HELST SØGULIGUR Nógv bendir á, at Meinhard E. Olsen við málinum fríggjadagin bleiv søguligur í føroyskari landsliðssøgu, tí hann nú hevur skorað í trimum U21 landsdystum upp í slag. Todi Jónsson hevur skotið mál í trimum landsdystum upp í slag, sum hannvar við í, har eru nakrar dystir í millum, sum hann ikki spældi. Her skoraði hann málini móti Spania, Russlandi og San Marino. Endamálið við ungdómslandsliðnum er at spælararnir læra og mennast. U21 landsliðið hevur ment so nógv, men fekk helst størsta lærupeningin, tá póllendingar stjólu sigurin úr hondini á okkara hart arbeiðandi og væl spælandi liðið. Einki er liðugt, fyrr enn alt er liðugt – serliga í altjóða fótbólti Tróndur Arge – Tórsvøllur -Ótrúliga, ófatiliga, óbegrípi­ ligani skuffandi. Orðini eig­ ur Eli Hentze, venjari hjá U21 landsliðnum. Hóast talan er um størsta úrs­lit­ið hjá honum sum U21 lands­ liðsvenjara, so stendur hann samanbitin á miðjuni á Tórsvølli, hóast fleiri minuttir eru síðani dómarin bríks­l­aði fyri seinastu ferð. Avrikið var framúr og spælar­ar, sum nú fáa ein steðg frá fótbólti í ár, framdu eitt bragd. Teir hava bara lært, at tað nyttar einki at kanna sær tiltikna bitan áðrenn tíð, tí einki er liðugt fyrr enn alt er liðugt. Drúgv fyrireiking U21 landsliðið hevur fyri­ reikað seg í næstan ein mánaða til stóru uppgávuna móti Póllandi. Eftir at hava tapt 3-0 fyri bæði Litava og Dan­mark, so hevur føroyska liðið reist seg móti Finnlandi og Georgia. Fyrst við at spæla 1-1 í Finnlandi og síðani vinna 3-1 á Georgia. Pólland er tó ein heilt onnur styrki, tí her er tal­ an um spælarar úr Seriu A í Italia, Bundesliguni í Týsklandi og Premier League í Onglandi. Ikki allir spæla á bestu liðunum hjá feløg­unum, men eitt nú lið­ skiparin, Dawid Kownacki, hevur spælt fýra dystir við besta liðnum hjá Sampdoria í Seriu A og skotið tvey mál. Veðrið hevur ikki verið av tí besta til fyrireiking, men hetta er ikki fyrstu ferð, at føroysk landslið hava notið gott av landsdystum eftir kappingarenda. Mill­ um annað bleiv bragdið í Pireus, tá Føroyar vunnu 1-0 á Grikkalandi, framt í novem­bur mánaði í 2014. Fyri­reikingarnar geva lands­liðs­venjarunum meiri tíð enn vanligt saman við spælarunum. Kalt á Tórsvølli Dysturin verður bríkslaður í gongd klokkan 16.45 í nógvum kulda, frammanfyri nøkr­um heilt fáum áskoðar­ um. Sum skilst, bleiv dysturin fluttur so at sjón­ varpið kundi vísa hann. Tað er sum so eisini í ordan, men tað er ongin ivi um, at ein slíkur dystur hevði havt best av at verið spældur seinni á kvøldinum, tá fólk hava fingið frí. Ein eyðsýnd broyting er á føroyska liðnum hendan dagin. Jóannes Bjartalíð, sum hevur spælt 13 U21 lands­dystir og verið úttikin til A-landsliðið, byrjaði á bonkinum. Orsøkin er, at venjarin vil hava meiri styrki á miðjuna, har Jákup B. Andreasen kemur inn saman við Betuel Hansen og Hákun Edmundsson. Í verjuni er Benjamin Heine­ sen leikbannaður, so Er­lend­ ur Magnusson úr B36 er á høgra bakki, meðan Ólavur Nicla­sen úr KÍ kemur inn á vinstra bakkin. Bíligt brotsspark Føroyska liðið stendur seg væl frá byrjan. Tað eru okkara, sum eru nærri at skora fyrstu løtuna, men hálv­leikurin gongur kemur gonga á pólska spælið. Til tíðir eru føroysku spælarar­ nir bara statistar, meðan reuð­klæddu gestirnir við góðum bóltførleika fluttu bólt­in runt. Tað bleiv ikki til teir heilt stóru málmøguleikarnar, men tíggju minuttir fyri hálv­leik fingu teir nakað, sum minnur mest um eina gávu. Ein pólskur spælari leitar e f t i r e i n u m brotsspark og dómarin úr Ungarn, Ferenc Karakó, er skjótur at bríksla. Dawid Kownacki trillar bóltin í málið – til sína høgru. -Vit høvdu lisið upp á. Hann hevur skotið seks brots­spørk og øll til vinstru, men hesa ferð valdi hann so høgru, fortelur Karsten Han­ sen, málverjin úr NSÍ, eftir dystin. Bíligt brotsspark, annar partur Seinni hálvleikur er bara tíggju minuttir gamal, tá Teit Jacobsen fær eina hond á herðarnar. Hann dettur og Ferenc Karakó er aftur skjótur at bríksla. Í sam­ band við brotssparkið er eitt sindur av órógv, tí lið­ skiparin hjá Póllandi órógvar Mein­hard E. Olsen, sum skal skjót. - Liðskiparin hjá teimum kom og órógvaði meg tá eg skuldi taka brotsspark, og segði "shoot left, shoot left". Síðani fór inn til pólska mál­verjan, og segði við mál­ verjan, at eg fór at skjóta til vinstru, men eg trill­aði bólt­ in til høgru, greið­ir ein fegin Mein­hard E. Olsen frá. Póllendingar eru argir um, at brotssparkið verður góð­tikið, tí Meinhard E. Olsen steðgar á veg til bóltin, men reglugerðin sigur at tað kanst tú, so leingi tað ikki er seinasta fetið. Liðskiparin fær gult kort fyri at brokka seg. Í himmiríki – eina løtu Í 79 . minuttir fær Dawid Kow­nacki aftur gult kort, hesa ferð fyri at brúka hond­ ina. Í minuttinum aftaná fáa føroyingar horna, sum Bjarni Petersen stútar í mál. - Hatta er nakað vit kalla Norra, har allir samlast tætt undir málinum. Eg plagi at standa fremst, men Hákun Edmundsson ger allatíð fríspark, so vit býttu um, sigur Bjarni Petersen um hornasparkið, sum bleiv um­ sett til 2-1 málið. Í seinasta sparkinum í dystinum eydnast tað tó Pól­landi, at javna. Eitt stórt úrslit, sum kundi verið enn størri, men nú hava vit so lært tað! trondur@sosialurin.fo Fótbóltur Dysturin hesa vikuna... U21 landsliðið misti á stokkinum: FÓTBÓLTUR ER EIRINDALEYSUR OG ÓNDUR