mánadagur 13. november 2017síða 18

Mánadagur 13. november 2017 · Nr. 132 18 Sosialurin Hugskot og viðmerkingar – send sms til 225000 Pætur Albinus Eftir eina heldur trilvandi byrjan upp á kappingarárið høvdu kvinnurnar hjá Neista­ num fótað sær rími­liga væl aftur, har tær undan dystinum ímóti VB í gjár vóru ósigraðar í trimum dyst­um á rað. Javnleik ímóti odda­liðnum VÍF og sigrar ímóti Stjørnuni og StÍF var tað blivið til. Mótstøðan í gjár var tó stinn. VB, sum hevur staðið seg sera væl higartil í ár og eisini vann fyrra dystin ímóti Neista­num 26-24, var komið við nógvum sjálvsáliti til høvuðs­staðin at vitja FM- finalistar­nar frá í fjør. VB omaná Tað vóru einans fáir minuttir farnir av dystinum, tá ið VB byrjaði at renna frá Neistanum. Sjey minuttir vóru spældir, tá ið gestirnir vóru á odda 5-1, og hesa leiðsluna upp á fýra-fim mál hildu tær allan fyrra hálvleik og fóru eisini til hálvleiks á odda 13-8. Eisini í seinna hálvleiki legði VB bragdligari fyri, og nærum alt fyri eitt stóð 15-8 á stigatalvuni. VB hevur í ár havt stinna verju, so longu hesa løtuna var lítið hugs­andi, at Neistin skuldi fara at klára at stríða seg innaftur í dystin. Neistin kom ongantíð tættari enn fýra mál á muni, og heldur hinvegin var tað VB, sum legði afturat leiðslu­ni seinastu løtuna og at enda vann dystin 26-19. Danska Mathilde M. Peder­ sen var størsta hóttanin hjá VB, og hon gjørd­ist toppskjútti í dystinum við átta málum. Eisini landskvinna hennara í málinum, Katrine Borup, stóð ein góðan dyst. Hjá Neista­num var tað Marjun F. Danberg, sum vísti vegin og gjørdist toppskjútti hjá heima­liðnum við fimm málum. VÍF kravsigur Í Klaksvík var eisini ein dyst­ ur í gjár. Stjørnan, sum hevur vunnið ein sigur higartil í ár, tók ímóti tí ósigraða VÍF- liðnum, sum við einari rúgvu av góðum skjúttum hevur skotið seg til sjey sigrar og ein javnleik higartil í ár. Tað var ikki ov nógv sagt, at hetta var ein kravsigur hjá VÍF, og tað gekk eisini bara lítil løta til VÍF byrjaði at draga frá heimaliðnum. Hálvleiksstøðan var 16-9 til VÍF. Í seinna hálvleiki komu nógv mál. Stjørnan kom lættari til málini, men VÍF økti eisini um sína mál­skjóting og vann at enda stór­sigur 34-21. Toppskjútti hjá heima­lið­ num var Sonja Sirdal við fimm málum, meðan toppskjúttin í Hvonndeildini, Liljan Djurhuus, enn eina­ferð gekk á odda hjá VÍF. Hesa­ferð skeyt hon 10 mál. albinus@sosialurin.fo HONDBÓLTUR ODDALIÐINI HALDA KÓSINA Kvinnurnar hjá VÍF eru ikki til at steðga. Í løtuni er tað hørð kapping um tað skal vera VB ella Kyndil, sum fylgja best við Stjørnan – VÍF 21-34 (9-16) Stjørnan: Sonja Sirdal 5, Jórun B. Nielsen 4, Monika P. Jacobsen 3, Mina Sirdal 3, Miriam Bethuelsdóttir 2, Kristina Poulsen 2, Judith Dam Jacobsen 1, Katrin Bertholdsen 1 Útvísingar: 2 x 2 minuttir VÍF: Liljan Djurhuus 10, Durita C. Jojic 7, Marianna Holm Jacobsen 6, Agnas Olsen 5, Randi Virgarsdóttir 3, Tóra Seloy 1, Jórunn Gudmundsen 1, Heidi Maria Akselsen 1 Útvísingar: 3 x 2 minuttir Neistin – VB 19-26 (8-13) Neistin: Marjun F. Danberg 5, Eir Berg 4, Stina Madsen 4, Daniella Joensen 4, Ása Dam á Neystabø 2 Útvísingar: 3 x 2 minuttir VB: Mathilde M. Pedersen 8, Caroline Ladefoged 4, Agnes K. Fallesen 3, Barbara K. Hjelm 3, Bára K. Mortensen 3, Gurið K. Augustinussen 2, Rannvá Johannesen 2, Rúna M. Jacobsen 1 Útvísingar: 3 x 2 minuttir Hvonndeildin støðan NR. LIÐ DYSTIR V.M. T.M. MUNUR STIG 1 VÍF 8 246 175 71 15 2 VB 9 239 187 52 14 3 Kyndil 8 206 155 51 12 4 Neistin 9 215 200 15 9 5 H71 8 176 201 -25 6 6 Stjørnan 8 171 215 -44 2 7 StÍF 8 107 227 -120 0