týsdagur 14. november 2017síða 8

Mikudagur 15. november 2017 · Nr. 133 8 Sosialurin Hugskot og viðmerkingar – send sms til 225000 Vilmund Jacobsen Tað var hin 18. oktober - ella fyri sløkum mánaði síðan - at Landsverk sprongdi ein stóran stein í hamrinum í brattlendinum oman fyri vegin í Dalslíð. Orsøkin til, at Landsverk tók hetta stig, var vandin, sum kundi standast, um steinurin loysnaði og reið oman á vegin. Landsverk ásannar, at vega­gerð­ ir í brattlendi bera við sær størri av­bjóðingar enn vegagerðir í lág-og slættlendi. - Tí arbeiða vit eisini áhaldandi við at tryggja lendið fram við útsett­ um landsvegateinum, har vandin fyri omanlopi er størstur. Tískil eru eisini breiðar veitir seinnu ár­ ini gjørdar fram við vegateinum í bratt­lendi, sum kunnu taka ímóti møgu­ligum leysum gróti úr lendin­ um omanfyri. Aðrar loysnir eru eisini royndar við eitt nú at seta upp trygdarhegn, soleiðis sum gjørt er oman móti Tjørnuvík. Landsverk vísir á, at fram við vegn­um í Dalslíð vóru fólk vorðin varug við ein umleið tríggjar metr­ ar høgan stein, sum í ávísan mun var loysnaður úr lendinum og sum - møguliga - stóð til at leypa niður á vegin. - Fyri at binda um heilan fingur gjørdu vit av at royna at spreingja steinin burtur, meðan vegurin var stongdur, siga tey hjá Landsverki. Eingin bilaverja Í Dali fegnast tey sjálvsagt um, at Landsverk roynir at bøta um ferðslu­trygdina og vil hava nevnda steinin burtur, men tey eru sam­ stundis órógvaði, nú vetur og frost stunda til og bilaverjan, sum var her, ikki er komin uppaftur. - Vegurin í Dalslíð er í støðum rætti­liga smalur, tó at her eru fleiri møtipláss, har bilar kunnu halda av, tá mótkoyrandi ferðsla er. Men, tað kennist ikki sørt órógvandi, nú vit kunnu vænta hálku, at bila­verj­ an ikki er komin uppaftur. Í stað­in hevur Landsverk sett upp nakr­ar betongklossar niðast við veg­jað­ ar­an. Kvinna úr Dali, sum dagliga koyr­ir úr bygdini til arbeiðis, sigur, at hon sjálvsagt ikki dugir at meta um nyttuna og tryggleikan við hes­ um betongklossunum, um tað verð­ ur hált, og bilurin skuldi farið á glið á vegnum. - Soleiðis, sum eg síggi niðan í hamaran, har kletturin partvís er sprongdur, liggur nógv leyst tilfar í brattlendinum, men eg sigi ikki, at hetta liggur til at ríða oman. Kvinnan í Dali sigur seg vóna, at tað ikki gongur long tíð, til bila­ verjan á vegastrekkinum í Dalslíð er komin upp aftur, soleiðis at fólk, sum ferðast um hesar leiðir, kunnu kenna seg tryggari. Arbeiðið ikki liðugt Hjá Landsverki siga tey við Sosial­ in, at arbeiðið í Dalslíð ikki er liðugt enn. - Vit bíða eftir, at tað verður turrari í nakrar dagar, og tá fara vit aftur í líðina at gera arbeiðið liðugt. Ætlanin er at spreingja meira burt­ ur, tí vit fingu ikki nóg mikið av leysa tilfarinum við fyrstu ferð. Spurdur, nær væntandi er, at bila­verjan kemur uppaftur, sigur hann, at tað verður, tá arbeiðið er liðugt, vónandi um ikki so langa tíð. - Vit tóku jarnið í bilaverjuni burtur, men lótu pelarnar standa eftir, áðrenn vit sprongdu, men til­ farið, sum reið oman, tók onkrar pelar við sær. Tí eru nakrir av pel­ un­um burtur. Hjá Landsverki siga tey, at tað nyttar einki at seta nýggjar pel­ar til bilaverjuna upp, fyrr enn spreingi­ arbeiðið er liðugt. - Vit hava eyguni eftir hesum vegastrekki, og vit ansa eftir, at til­farið ikki ríður undan, meðan vit bíðað eftir betri líkindum at gera arbeiðið liðugt. Skervtilfarið, sum koyrt verður eftir á hesum vega­strekki, er óslætt, er kjansurin fyri, at bilur fer á glið er tískil nógv minni. Áheitanin hjá okkum er, at fólk, sum koyra í Dalslíð, koyra eftir um­støð­unum, nú eingin bilaverja er uppi í nakrar dagar, siga tey hjá Lands­verki. SOLEIÐIS SÆR ÚT Í DALSLÍÐ - Eg dugi ikki at meta um nyttuna og tryggleikan við hesum betongklossunum. Men, hetta kennist eitt sindur órógvandi, nú vit kunnu vænta hálku, sigur kvinna í Dali, sum koyrir úr bygdini til arbeiðis Soleiðis sær út í Dalslíð, nú arbeitt verður við at beina burtur ein stóran stein í hamrinum oman fyri, sum hugsandi stóð til at leypa. Her er eingin bilaverja, bert nakrir betongklossar Mynd: Vilmund Jacobsen - Vit hava eyguni eftir hesum vegastrekki, og vit ansa eftir, at tilfarið ikki ríður undan, meðan vit bíðað eftir betri líkindum at gera arbeiðið liðugt, siga tey hjá Landsverki Mynd: Vilmund Jacobsen