týsdagur 14. november 2017síða 53

29 Mikudagur 15. november 2017 Sosialurin Sprotin Føroyingur við ongum flaggi (greinasavn) Høgni av Heiði Høgni av Heiði skrivaði ímóti kristindómi í eina fjórðingsøld. Í 1994 kom bókin Prestar og Profetar út við 18 av teimum fyrru greinunum, og nú kemur so henda bók við ikki færri enn 28 útvaldum greinum frá teimum seinnu árunum . 198,- Hjarta myrkursins (skaldsøga) Joseph Conrad Hjarta myrkursins er ein illkøld og skakandi frásøgn um ræðuleikar, ið fara fram í Kongo tað tíðarskeiðið, tá ið hjálandaveldi koma í hæddina í 19. øld.  Søgan viðger ta ørkymlan, sum búskaparliga, samfelagsliga og politiska eyðræningin í Afrika hevur við sær.  Samstundis fáa vit innlit í ta skelkandi framferðina, sum hetta elvdi til. 198,- Jákupslon (skaldsøga) Alaa Al Aswany Í 1934 bygdi ein múgvandi armeni, Yacoubian, eina stóra lon miðskeiðis í Kairo. Henda lonin, sum enn stendur, er karmur um skaldsøguna og samstundis ein mynd av egyptiska samfelagnum.  248, Tann lítli drongurin og beinagrindin (Yrkingar) Beinir Bergsson Eftir at pápi var deyður, dugdi eg ikki at seta orð á mína støðu,  men royndi kortini. Eg varð noyddur at lýsa meg sjálvan sum okkurt annað; alt annað var ov torført. Summar dagar var eg eitt svart hol, aðrar dagar hevði eg einki heiti, og av og á var eg krabbameinið, ið drap pápa. Eg hevði eisini krabbamein, men eitt øðrvísi slag. Eingin sá, at eg var sjúkur, uttan eg. Mítt krabbamein hevði nøkur ávís eyðkenni. Tað skapaði fleiri svørt hol í mær. Tað hvarv og kom aftur, áðrenn eg visti. 148,- Tær bestu (stuttsøgur) Kjell Askildsen Kjell Askildsen gongur undir heitinum høvundanna høvundur í Noregi. Tað hevur sínar grundir. Hesar stuttsøgurnar eru allar meistaraverk. Kjell Askildsen hevur sagt, at hann er langrøkjutur, skrivar tepurt og knapt, oyðslar ikki við orðum. Hvør einstakur setningur lokkar sítt framhald fram. Hann kennir ikki søguna frammanundan, men letur ein setning taka annan setning við sær, og soleiðis sprettur søgan. 248,- Tíggjundi maðurin (skaldsøga) Graham Greene TÍGGJUNDI MAÐURIN maðurin er ein skaldsøga, ið fer djúpt inn í ta angist, sum elvd er av svikagerð og lygn. Bregdað inn í alt er eisini ein søga um dirvi og offur.  Í seinna heimsbardaga í Fraklandi verða nakrir menn tiknir og tveittir í eina fangalegu. Ein dagin sigur týski fangavørðurin við teir, at tríggir teirra verða skotnir í lýsingini, og teir skulu sjálvir gera av, hvørjir teir tríggir skulu vera. 198,- Ævisøga - Dagbók - Brøv (ymsar útgávur) Tomas Espedal Tomas Espedal um bøkurnar: ÆVISØGA: Ævisøgan, er søgan um ein sjálvan, sum ein annar skrivar. Eg vildi skriva um ein annan, men hann var eg. Ævisøgan kenst aftur sum tekstaslag.  Hon byrjar í eini gøtu, einum húsum. Byrjar við uppvøkstri, og síðan verður alt drigið inn í skrivingina.    DAGBÓK: Eg helt fram við dagbókini, sum er skrivað til sín sjálvs! Hon skal ikki hava nakran lesara. Hon er privat. Tað var ein ertandi tanki at skriva eina ektaða dagbók, sum síðan skuldi koma fyri eyguni á øðrum.  BRØV: So skrivaði eg brævið, sum vendir sær beinleiðis til ein annan, bara ein. Eg hevði skrivað til mín sjálvs í dagbókini, og so vaks „tú“ fram. Brævið er ein tú-bók, og henda bókin er ein bøn. Har kundi saktans bara staðið „Kom aftur til mín.“  „Eg sakni teg. Ver skjót aftur.“  248,- Føroysk sagnasøga (ymsar útgávur) Jakob Jakobsen SAGNASØGAN, sum her er týdd, kom út á H. N. Jacobsens forlagi á donskum í 1904 og varð prentað í Keypmannahavn við heitinum FÆRØSK SAGNHISTORIE med en indledende oversigt over Øernes almindelige Historie og Litteratur. Sagnasøgan var ætlað ríkisborgarum, sum vóru ókunnigir í føroyskum máli, men áhugaðir í føroyskum viðurskiftum, og hon er eitt stytt úrval av serligum søgnum, sum kann geva hugmyndir av samfelagsligum viðurskiftum og fólksligum umstøðum her norðuri í gomlum døgum. 198,- Bláni á Reyðafelstindi (yrkingar) Christian Fróði Djurhuus DUNGANSVÍK her spældi eg mær barnaár  við stein og dungansklett og aldist upp í dýrdarvár tá sólin ei var sett    og minnir koma fyri meg og kalla á sín fund tí kyknar mær í sálini eitt smíl á summarstund 148,- Leitingin eftir Sjúrði Jorsalafara (ymsar útgávur) Øystein Morten Sjúrður Jorsalafari var fyrsti evropiski kongurin, ið gjørdi krossferð. Søgurnar um hansara óttaloysi og mongu sigrar hava gjørt hann til eina av teimum størstu hetjunum í norskari søgu. Í 1108 stóð hann sum átjan ára gamal á odda fyri einum skipafylgi, ið taldi 60 skip, sum legði út av Bergen og setti kós ímóti Jerusalem.Øystein Morten ger norsku og útlendsku keldurnar um Sjúrð livandi og setur tær inn í nýtt samanheingi. Hetta er søgufrásøgn, tá ið hon er allarbest! 198,- Hevndin úr havsins dýpi (Krimi) Steintór Rasmussen Forvitin kvinna bindur sjáldan frið! Tað er góðveður um alt Føroya land, og seks bindiklubbakonur hava leigað eini góð hús við Gjógvará, har tær skulu njóta eitt hugnaligt vikuskifti. --- Hetta er onnur bókin í røðini Deyðin fer i bindiklubb 278,-