hósdagur 16. november 2017síða 13

FRÍGGJADAGUR 17. NOVEMBER 2017 SOSIALURIN 134 13 Fyrst í miðnámsskúlunum ella hand­verkaraútbúgvingar. -Hetta krevst í dag, tí arbeiðs­ markanaðurin er so nógv broyttur. So at siga á øllum økjum verða krøv sett um, at tú hevur eina útbúgv­ing, sum er á rættuliga høgum støði, sigur hann. Í Føroyum ganga eini 2300 fólk á mið­námi. Tað er meira enn talið av trimum árgangum av ungum, so útbúgvingin gongur við fullari ferð. Umleið sama tal av ungum lesa hægri lesna, men tað talið skal so býtast við eitt sindur fleiri árgang­um. -Tí er tað so avgerandi, at skúlar­ nir birta uppundir og royna at eggja til íverksetan. Vit vita, at sam­felagið broytist við rúkandi ferð, so tað er neyðugt at vit broyta okkum. Eg haldi heldur ikki, at tað er nóg mikið, at vit bert hugsa lokalt. Vit eiga eisini at hugsa, at uttan­fyri Føroyr er ein stórur mark­naður, sum bert bíðar eftir rætta hugskotinum, sigur Ólavur Ellefsen. Javnstøða Umframt at vera formaður í stýrinum fyri Fróðskaparsetrinum, so hevur íverksetin úr Havn ein hatt afturat á høvdinum. Hann er eisini formaður í Javn­ støðunevndini. -Júst á íverksetaraøkinum er als ikki javnstøða. Okkum tørvar at síggja nógv fleiri kvinnur sum íverk­setarar, men tær mangla í stóran stíl, sigur hann. Hann sigur seg ikki vita heilt hví, kvinnur ikki í størri mun gera seg galdandi sum íverksetarar, men vísir til eina mentan, sum kanska ikki eggjar kvinnum til hettar. -Men tær eru alt ov fáar, sigur hann. Hann vísir annars á kanningar í USA, sum vísa at eitt grundarlag við millum 50.000 og 100.000 fólkum, er tað besta til at menna talent av ymiskum slag. Slík samfeløg eru nóg stór til at talent­ini eru nóg nógv, men tey eru heldur ikki so stór at tey hvørva, sum tað ofta hendir í uppaftur størri samfeløgum. -Men vit mugu gera okkum heilt greitt, at í einum samfelag sum okkara hava vit als ikki ráð til, at helvt­in av okkum – kvinnurnar – ikki eru partur av tí menning, sum skal til og tað er eisini galdandi fyri íverk­setan, sigur hann. -Eisini á hesum øki má ein hug­ burðs­broyting til, heldur hann. -Vit hava ikki ráð til, at ein partur av okkum ikki tekur lut í menningini. Umhvørvið Sum heild heldur Ólavur Ellefsen, at føroyska umhvørvið er gott til íverksetan. Hann heldur ikki, at fyrisiting og tað at byrja smærri feløg er so torført í føroyska samfelagnum. -Men fyri at venda aftur til tað, sum fyrr er sagt: tað skal hart arbeiðið til, sigur hann. Hann sigur eisini, at tað er um­ ráðandi, tá ið ein hevur eitt hug­ skot, at ein ikki dylur tað, til ein perfekt loysn er funnin. Hann heldur, at tað ræður um at fara til kundan og so virka víðari har frá og gera produktið sum kundin vil hava tað. -Tað er ein tilgongd, sum ofta má gerast saman við teimum, sum hava brúk fyri tí, sum tú hevur funnið uppá. Velir tú at arbeiða til tú hevur tað perfekt, so er tú sum oftast ov seint úti. Tá er kundin oftast farin til onkran annan, sigur Ólavur Ellefsen. Eitt annað sum hann heldur er av­gerandi er, at tað ræður um at blíva við at arbeiða. Tað er ongin náttúr­lóg, sum sigur, at tað eydnast fyrstu ferð, og tí hevur tað týdning, at vit loyva fólki at snáva og byrja aftur. -Oftari tú skjýtur, oftari rakar tú plett. Soleiðis er eisini við íverksetan. Oftari tú roynir, størri eru sannlíkindini fyri, at tað eydnast, sigur Ólavur Ellefsen. Hann vísir eisini á, at eins og við so nógvum øðrum, so eru “timing” og hepni lyklaorð. -Tað ræður um at vera á rætta stað­num til røttu tíðina við tí rætta hug­skotinum, sigur hann, Viðvíkjandi kørmunum fyri íverk­setan er tað avgerandi, at teir ikki forða fyri tí frælsi, sum íverksetarar hava brúk fyri. Umhvørvið skal sum heild birta uppundir og menna íverk­setara­ hugin. -Sum íverksetari skal tú hugsa um, at tað ræður um at skapa virðis­øking í okkara samfelag. Tað kann gerast uppá nógvar mátar, men fyri samfelagið er tað neyðugt. Nógvu og góðu útbúgvinganar eiga at brúkast til tað, sigur Ólavur Ellef­sen. Ólavur Ellefsen er íverksetari. Hann seldi sína fyritøku til altjóða felag, men er aftur í gongd sum íverksetari av nýggjum Ólavur Ellefsen heldur, at nóg mikið er til av íleggjarum. Tað ræður um at koma fram við hugskotunum Ólavur Ellefsen 47 ár Cand.merc.dat Stjóri í Tøkni Nevndarformaður í Klintra Formaður í stýrinum fyri Fróðskaparsetur Føroya Formaður í Javnstøðunevndini