mánadagur 20. november 2017síða 8

Mánadagur 20. november 2017 · Nr. 135 8 Sosialurin Hugskot og viðmerkingar – send sms til 225000 Vilmund Jacobsen - Tørvurin á arbeiðsmegi í Evropa er hin størsti nakrantíð, og hetta hevur við sær avmarkaða fram­ leiðslu í øllum vinnugreinum. Tað veit Vinnuhúsið at siga í dag og vísir til donsku heimasíðuna www.agenda.dk   - Ongantíð hava fyritøkur í Ev­ ropa havt so trupult við at finna neyðugu arbeiðsorkuna sum í dag. Tørvurin á starvsfólki av­mark­ar framleiðsluna í øllum vinnu­grein­ um í ein mun, sum ikki er sæddur higartil. Vísandi til heimasíðuna veit Vinnuhúsið at siga, at avbjóðingin í dag enntá er størri enn í góðu árunum fyri kreppuna í 2007/2008. Ikki minst Póland og Týskland eru hart rakt av tørvinum á skikkaðari arbeiðsmegi. - Fjórða ársfjórðing 2017 setir ES met í fyritøkum, sum noyðast at avmarka framleiðsluna, tí tær ikki finna skikkað starvsfólk. Hetta merk­ir, at fyritøkurnar mugu sýta fyri at taka ímóti bíleggingum. Víst verður á, at 20 prosent av fyritøkunum í byggivinnuni og í tæn­astuvinnuni eru avmarkaðar av vantandi arbeiðsmegi, meðan hetta tal er 18 prosent fyri ídnað­ar­ fyritøkurnar. - Tørvurin á arbeiðsmegi er nú hin størsti síðan 1994, tá hann varð máldur á fyrsta sinni – og bara í 2007 var tørvurin á arbeiðsmegi á nøkulunda sama støði sum í dag. Vinnuhúsið vísir á, at tørvurin á arbeiðsmegi hongur saman við fallandi arbeiðsloysi, sum nú er 7,5 prosent í meðal í ES. - Til samanburðar kann nevnast, at arbeiðsloysið í Føroyum er 2,4 prosent, verður lagt aftrat. Vísandi til nevndu heimasíðu verð­ur mett, at stórur partur av vøkstrinum í starvssetanum í Dan­ mark kemur frá útlendskari ar­ beiðs­megi, og vøksturin hevur lagt grundarlag undir hægri bú­skap­ar­ vøkstri - Tá tað nú verður verri at fáa út­lendska arbeiðsmegi, verður tað samstundis verri at varðveita sama búskaparvøkstur, vita tey í Vinnu­ hús­inum at siga. Hava fólk hug at lesa alla grein­ ina um hesi viðurskifti á tíð­inda­ tænastuni hjá Dansk Arbejds­giv­ er­forening, er hon at finna á www. agenda.dk Við ella uttan stokkar Vilmund Jacobsen Integratiónstiltakið, sam­bind­ ing, sum seinastu árini hev­ur verið ymsastaðni í Før­oyum, kemur nú eisini til Vest­mann­ ar. - Vit bjóða øllum til drekka og prát, sum eru áhugað í at knýta bond millum føroyingar, sum hava sín uppruna her og før­oyingar, sum hava valt at búseta seg her. Í Vestmanna vísa tey á, at tað at hava stokkar við, tá bindi­klubbur og aðrar sam­ kom­ur eru, er føroysk mentan. - Á tiltakinum í Vestmanna hittast vit til at binda saman bond millum ymiskar ment­ an­ir - við ella uttan stokkar og garn. Lagt verður aftrat, at sam­ binding verður á bóka­savn­ inum í Vestmanna eitt miku­ kvøld um mánaðin í vetur. - Tiltakið verður fyrstu ferð mikukvøldið 22. november frá klokkan 19-21, og øll eru hjarta­ liga vælkomin, bæði kvinnur og menn, siga tey í Vestmanna. VÁGUR: Vágs kommuna hevur nú tikið í nýtslu atkomuveg og inngongd til niðara part av kirkjugarðinum. - Hetta er gjørt fyri at lætta um, tá avvarðandi vitja kirkjugarðin og í samband við jarðarferðir, sigur Vágs kommuna. Stór luttøka á Jobmatch 2017 Luttakarar á Jobmatch eru til reiðar at hitta føroysk lesandi og onnur vitjandi Vilmund Jacobsen Hin 28. desember verður Norð­ur­ landahúsið karmur um Jobmatch 2017. Tá hava fyritøkur og lesandi møguleika at hittast og práta um starvsmøguleikar, samstarv og annað. Jobmatch var fyrstu ferð í 2008, og undirtøkan hevur verið støð­ugt veksandi hvørt ár. Í ár luttaka fleiri enn 40 fyri­ tøkur og stovnar, og hesi eru øll til reiðar at hitta føroysk lesandi og onnur vitjandi. Millum tey luttakandi heilt síð­ an byrjan er eitt nú Vinnu­húsið, sum eisini verður við hesaferð. Á Jobmatch í ár fer Vinnuhúsið at vísa fram heimasíðuna, leinkjan.fo. - Endamálið við leinkjuni er at verða millumlið millum vinnuna og føroyingar undir útbúgving við tí endamáli at skapa sambond - og at lesandi kunnu finna uppgávur at skriva um føroysk viðurskiftir, veit Vinnuhúsið í dag at siga. Vikuskiftið 25.-26. november verður jólakafé og heimavirkissøla í Tilhaldinum í Nólsoy, og her verður eisini høvi at keypa ymiskt gott til góman. Útlendska arbeiðsmegin tryggjar vøkstur í búskapi - Men, tá tað nú verður verri at fáa útlendska arbeiðsmegi, verður tað eisini verri at varðveita búskaparvøksturin 20 prosent av fyritøkunum í byggivinnuni og í tænastuvinnuni eru avmarkaðar av vantandi arbeiðsmegi Í ár fara fleiri enn 40 fyritøkur og stovnar at luttaka á Jobmatch í Norðurlandahúsinum