mánadagur 20. november 2017síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 20. november 2017 · Nr. 135 Nýbygningar vitja á Kollafirði Seinastu dagarnar hava stóru íslendsku uppsjóvartrolararnir, Venus og Víkingur, ligið á Kollafirði Vilmund Jacobsen Skipini hava roynt eftir svartkjafti norðan fyri Før­ oyar og komu inn at kroka. Sjómanstrúboðarin, To­ leif Johannesen, hevur vitjað umborð á skipunum. Hann veit at siga, at báðir trol­ararnir eru smíðaðir í Turkalandi í 2015, og tað er reiðaríið HB Grandi, sum eigur skipini. - Venus og Víkingur eru eineggjaðir tvíburðar, tí teir eru akkurát eins. Teir eru 81 metrar langir og 17 metrar breiðir. Motorarnir eru 5900 HK Wartsila. Sjómanstrúboðarin veit at siga, at Venus og Víkingur 2900 tons, og níggju mans eru við hvørjum skipi. - Øll manningin var um­ borð á Víkingi, meðan bara ein maskinmaður var um­ borð á Venusi, tí hinir vóru ein túr í Havn, verður lagt aftrat. Hóskvøldið 23. november bjóðar prestur øllum vaksnum monnum í kirkjuhúsið við Sjógv til døgurða – og at hoyra um leiklutin hjá manninum í dag Fleiri skip loysa Vilmund Jacobsen Fríggjadagin vóru bara fýra línuskip til fiskiskap. Eitt var í íslendskum sjógvi, tvey á Íslandsrygginum, og eitt var á Munkagrunninum. - Skipini á Rygginum fáa mest av toski og nakað av svartkalva og blálongu. Skipið á Munkagrunninum fær mest av longu og brosmu og línuskipið, sum fiskar í íslendskum sjógvi, fær mest av toski og hýsu. Tað vistu tey á Fiskamarknaði Føroya at siga fríggjadagin. Tey væntaðu, at línuskipini koma inn at landa, sum henda vikan gongur. Restin av línuskipunum lógu við bryggju, men væntandi er, at tey flestu fara út aftur, nú veðrið er betri. Streymurin er brúkiligur, og útlitini siga, at veðrið verður gott, serliga fyrst í hesi vikuni. - Fiskiskapurin hjá útróðrarbátum er batnaður, tó at tað ikki er nakað rok, og vit vænta at fáa nakað av útróðrarfiski í hesa vikuna. Fríggjadagin vóru bara fýra partrolarapør til fiskiskap, men fleiri fara at loysa, nú veðrið er betri. - Men, fiskiskapurin hjá partrolarunum er heldur einki serligur í løtuni. Bæði djúpvatnstrolarar og teir smáu trolbátarnir lógu við bryggju fríggjadagin. Trý garnaskip fiska svartkalva, og væntandi koma øll skipini inn at landa seinast í hesi vikuni. - Fiskiskapurin hjá garnaskipunum er smáligur í løtuni, verður lagt aftrat. LEIRVÍK: Eysturkommuna hevur fingið tilboð upp á útstykking í Leirvík, har vegir til 18 grundstykki skulu gerast. Á heimasíðuni - www.eysturkommuna - síggjast tilboðini, har RTS í Runavík høvdu lægsta boð. Besta kjøtið - Summi fólk ræðast veðrakjøt. Hví, veit eg ikki, men frá nøkrum havi eg hoyrt, at tað gongur gimasmakkur at veðrakjøti   Vilmund Jacobsen Hetta er tíðin, tá kjøtið í hjallinum byrjar at ræsa, og hetta er tíðin, tá fólk kunnu kjakast um, hvat besta kjøtið er. Millum tey, sum eiga ein bita hangandi í hjallinum, kunnu meiningarnar vera ymiskar, og tað er ikki sørt, at kjak hevur verið um hetta í sosialu miðlunum. - Summi fólk ræðast veðra­kjøt. Hví, veit eg ikki, men frá nøkrum havi eg hoyrt, at tað gongur gima­ smakk­ur at veðrakjøti. Tað sigur Brandur Sandoy á Sandi, sum er bóndi og hevur nógvan seyð. Á tráðnum hjá honum á Facebook var her fyri dúglig umrøða av veðrakjøti. - Eg havi ongantíð í lívinum smakkað gima, hó­ ast eg havi havt 10-25 veðrar øll árini, eg havi havt seyð. So, mín niðurstøða er, at hetta er fjas. Bóndin leggur aftrat, at spyrt tú menn, ið eru vanir at hava veðrar, so taka teir veðrakjøt framum annað kjøt. - Tað geri eg eisini. Bæði turt og ræst veðrakjøt er nakað av tí lekrasta og javnt smakkbesta sum finst. Brandur Sandoy leggur aftrat, at langtíðarstoktur ræst­ur veðrabógvur – stokt­ ur við lágum hita í einar fimm tímar – er fantastiskur mat­ur. Hvat er gimaroykur?  Áðrenn vit fara víðari, kunnu vit nevna, hvat www.sprotin. fo sigur um gimaroyk. Her verður sagt, at gima­ roykur er ”ringur roykur ið stendur frá hornaseyði í brund­tíð... “ og lagt verður aftr­at, at “...  hornaseyður kann seint um heystið hava ringan, sterkan lukt – gima­ royk - serstakliga millum horn­anna...” Á tráðnum hjá Brandi Sandoy á Facebook leggja eis­ini aðrir lesarar uppí. - Einastandandi kostur, sum ikki finnur sín líka. Einki er sum ræstur stoktur veðrabógvur við tjúkkari sós og reyðkáli Og so leggur hesin aftrat: - Hatta við  gimasmakki er bert, um flett verður ov seint. Bíðar tú við at fletta til november, kemur ofta gima­ smakkur í, og tað er stak óheppið. Tá er kjøtið eftir mín­um tykki oyðilagt. Brandur Sandoy vísir á, at hann hevur ongantíð flett veðr í november, tí tað eigur ikki at vera gjørt. - Men, eg kenni einki til gimasmakk. Heldur ikki, tá veðurlomb eru flett í nov­ember, sigur bóndin í Skemmu­garðinum á Sandi. Íslendsku uppsjóvarskipini, Venus og Víkingur, sum her liggja á Kollafirði Mynd: TJ-myndir - Bæði turt og ræst veðrakjøt er nakað av tí lekrasta sum finst, sigur bóndi. Nógv eru samd við honum, men ikki øll