týsdagur 21. november 2017síða 23

23 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 22. november 2017 · Nr. 136 Mánadagin andaðist Petur Skeel Jacobsen, fyrrverandi veð­ur­mað­ ur, 92 ára gamal. Til fyri góðum tveimum árum síðani var Petur Skeel Jacobsen fast­ur fúsur í Miðlahúsinum í 19 ár sum veðurmaður. Hann kom trú­liga hvønn morgun at lesa veð­ur­kort og skriva um veðrið til Sos­ialin og at lesa veðurtíðindini á Rás2. Petur Skeel varð føddur í Tungu­gøtu í Havn tann 28. juni í 1925. Pápin, Mourits E. Jac­ob­sen, var ættaður úr Kaldbak og mamm­ an Elisabeth, fødd Poulsen, var av Eiði. Tað vóru ringar tíðar fyrst í 1930-unum. Hetta gjørdi, at pápin misti húsini í Tungugøtu í Havn, har Pedagogfelagið heldur til í dag. Ti flutti familjan til Kaldbak, har tey bygdu sær nýggj hús, tá ið Petur var 6 ára gamal. Í fyrsta umfari fluttu tey til Eiðis, har systirin Poula varð fødd. Hini systkini vóru Hildur og Jensia. Petur var einsamallur beiggi. Nú er bara Poula eftir í syst­kin­a­flokkinum. Petur gekk í barnaskúla í Kaldbak. Í 1939 var hann niðri í Dan­mark við skúlabørnum við Tjaldri­num. Slíkir túrar byrjaðu í 1936, tað vóru 50-100 børn við hvørja ferð. Hetta var eitt framúr upplivilsi hjá børnunum. Men hesar ferðir steðgaðu við her­ setingini í 1940. 19 ára gamal fór Petur til Havn­ ar á Preliminerskúla. Hetta var und­ir krígnum, og skúlin hevði hølis­trupulleikar. Tí gingu tey í skúla í Realskúlanum aftan á døgurða frá klokkan 15 til út á kvøld­ið. Skúlin flutti seinni til rúms­áttari hølir. Petur tók prógv í 1946. Hann fór tá í læru á Gjaldstovuni og ar­ beiddi har í nøkur ár. Í 1946 kom Veðurstovan á Skansa­num í Havn, og í 1948 varð lýst eftir hjálparfólki. Petur søkti arbeiðið og fekk tað. Hetta kom so at leggja lívs­ leiðina. Tað lá líkasum í luftini, at hann skuldi blíva veðurfrøðingur. Sum smádrongur í Kaldbak hevði hann stóran áhuga fyri veðrinum, og sum tey vaksnu gekk hann javn­an og hugdi upp á luftina at vita, um nøkur tekin vóru um broyt­ing í veðrinum. Tað eru í hesum døgum 21 ár síðani, at Petur byrjaði sum fastur veð­urmaður á Sosialinum. Tað var í teirri tíðini, tá Sosialurin so at siga bara var eitt blað, ið so dánt var komið á internetið. Petur fylgdi við broytingunum. Hann skrivaði á teldu beinanvegin. Fyrstu árini fingu vit veðurkort sendandi frá DMI um telefax, men brátt nýtti Petur veðurkort á internetinum. Petur legði sær beinanvegin dag­in til rættis. Hann búði í Tórs­ byrgi í eysturbýnum og ferðaðist við bussinum út í blaðhúsini, sum tá vóru á Argjum. Og hann helt fram, tá Sosialurin flutti í Miðla­ hús­ið í Vágsbotni í 2005. Petur var so trúgvur, at vit kundu stilla klokk­una eftir honum. Hann kom al­tíð til somu tíð og fór altíð til somu tíð. Og ikki nóg mikið við tí. Tú kundi eisini lesa veðrið eft­ir, hvussu Petur var ílatin. Um hann bara var í ljósa klædn­ings­jakk­a­ num, so var gott veður í væntu. Var hann í ljósa frakkanum, so kundu vit vænta slvaið veður og regn. Men kom hann í bláu úlpuni – og í skinnhúgvuni, so var óveður og kuldi í væntu. Kona Petur, Malla, var ættað úr Rituvík. Hon doyði í 1987. Tey fingu tríggjar synir, sum allir búgva í Danmark. Teir eru Allan Mour­ its, sum er ógiftur, Dávur Kristin eig­ur trý børn og Poul eigur tvey børn. Petur Skeel hevur eisini havt ymisk frítíðarítriv. Honum dámdi sera væl at dansa, sum hann altíð hevði gjørt nógv við – eisini árini í Danmark. Hann hevur eisini ver­ ið fastur fúsur í dansifelagnum Dans­ifrøi. Hann hevur verið á dans­iferð í fleiri londum. Petur hevur eisini havt tipping ella vedding í fótbólti sum ítriv. Og í samrøðu við Óla Jacobsen, tá hann fylti 90 mátti hann sanna, at tað er truplari at spáa um fótbólt enn um veðrið! Men onkuntíð vann hann kortini. Upprunan til millumnavnið Skeel kendi Petur eisini, áhugaður í ætt sum hann var. Ein av hansara for­fedr­um var Bødker Peder Ped­ ersen Scheel, sum doyði 23. sep­ tember 1816, 74 ára gamal. Petur hevði sín síðsta ar­ beiðs­dag í miðlahúsinum 19. juni í 2015. Tað var als ikki ætlanin, at so skuldi verða, tí góða viku seinnni, 28. juni, fylti hann 90 ár. Miðlahúsið hevði boðið til móttøku at heiðra Pet­ur. Men hann var so óheppin at bróta mjødnina sunnudagin fyri føð­ing­ ar­dagin. Hann var tó so byrgur, at hann kom til móttøkuna, hóast hann sat í koyristóli. Hann kom ikki fyri seg aftur. Petur hevur seinastu tvey árini ver­ið á Lágargarði í Havn. Bønarhaldið verður í kapell­i­ num á Landsjúkrahúsinum fríggj­ a­dag­in klokkan 18. Jarðarferðin verð­ur úr Havnar kirkju leyg­ar­ dag­in klokkan 12. Vit lýsa frið yvir minnið og høgt virda starvsfelaga okkara, Pet­ur Skeel Jacobsen. Eirikur Lindenskov Petur Skeel Jacobsen farin