hósdagur 23. november 2017síða 18

FRÍGGJADAGUR 24. NOVEMBER 2017 SOSIALURIN 137 18 NÁTTARLÍV EYÐUN KLAKSTEIN (Keypmannahavn) Skarv í Keyp­ manna­havn hevur verið í gjøgnum mangt og hvat, síðani skeinkistaðið í Pilestræde lat dyrnar upp fyrstu ferð í 1975. Mangan hevur sólin skinið á Skarv, og tá ið brotasjógvar onkuntíð hava rakt, hevur Skarv staðið ímóti og hildið fram á leiðini. Tað var vágbingurin Daniel Petur Thorsteinsson, sum fekk hug­skotið um eitt stað fyri før­ oyingar í Keypmannahavn, og hann var sera drúgvur í rakstrinum av staðnum. Hann var farin um tey sjeyti, tá ið hann framvegis stóð í hurð­ini og helt skil á ferðsluni inn og út av Skarv. Tá var sagt, at Daniel Pauli mundi vera elsti dura­vørður í Danmark. Tá ið hann takkaði fyri seg fyri stívliga tveim­ um árum síðani, hevði hann rikið stað­ið í umleið fýrati ár. Tá yvirtók dótturin Skarv. –  Tíðin var komin, at pápi skuldi taka seg aftur. Hann hevur altíð ynskt, at staðið skuldi koyra víðari sum Skarv og vera eitt stað fyri føroyingar. Hann spurdi meg, um eg vildi taka yvir, og fyrst segði eg nei. Síðani hugsaði eg um tað og broytti hugsan, sigur Siri Thorsteins­son. – Eg ivaðist, tí tað er eitt øðrvísi lív at reka eitt stað sum Skarv. Tað er ikki eitt gerandisarbeiði frá 8 til 4. Tú skalt arbeiða nógv um vikuskiftini og um náttina, og tað kann verða trupult at hava eitt sosialt lív við síðuna av. Tað er hart upp á nakrar mátar, men tað gevur frælsi upp á aðrar mátar. Tá ið eg vigaði tað upp ímóti hvørjum øðrum, varð niðurstøðan, at tað skuldi nokk fara at bera til, sigur hon. Kennir alt til Skarv Siri Thorsteinsson hevur nú havt ábyrgd­ina av Skarv í gott tvey ár, men hon hevur havt Skarv tætt inn at sær, síðani hon var ung genta. – Eg kenni ikki til annað, enn at vit hava havt Skarv í familjuni, og eg byrjaði sjálv á ungum aldri at hjálpa til og arbeiða á Skarv, sigur hon. – Fyrstu árini búðu vit í Før­ oyum, og tá var pápi mín niðri í tveir mánaðir og heima í tveir mán­ aðir, og eg saknaði hann, hóast tað ikki var øðrvísi enn at hava ein sjó­ mann sum pápa. – Tá eg var 12 ára gomul, fluttu vit niður at búgva, og tá vóru vit meira saman. Mamma byrjaði at arbeiða á Skarv, men hon var eisini nógv heima, og tað var deiligt at koma heim úr skúla, og so var mamma heima, sigur Siri. Eisini mótgongd Skarv hevur upplivað góðar tíðir og minni góðar tíðir, men 42 ár eftir byrjanina savnast før­oyingar fram­ vegis á barrini mitt í Keyp­manna­ havn. – Skarv hevur gjøgnum árini havt nógvar upp- og niðurtúrar, og nú er Skarv á veg uppaftur, sigur Siri Thorsteinsson. – Fyri umleið trimum árum síðani gekk skeiva vegin hjá Skarv. Ein orsøk var, at tað komu onkur keðilig ting á Skarv. Eitt av teimum vóru lummatjóvar, og nógv fólk upp­livdu at missa telefonina ella gjaldskortið, og áðrenn vit upp­ dagaðu, hvussu umfatandi trupul­ leikin var, hevði Skarv fingið eitt keði­lig umdømi millum fólk. Tað gjørdi, at nógv fólk hildu seg vekk, og tað tekur tíð at broyta umdømið til nakað gott aftur. – Nú gongur Skarv rætta vegin. Vit eru sloppin av við lumma­ tjóvarnar, tí vit hava sett kamera upp og hava fleiri fleiri dura­vørðar, so nú kunnu fólk aftur kenna seg trygg á Skarv, sigur Siri Thorsteins­ son. Seint opið Tað var ein tíð, tá ið Skarv hevði opið hvønn dag, men nú hevur barrin bert opið fríggjadag og leygar­dag. – Fyrr hevði Skvarv opið hvønn dag í vikuni, og tá kom nógvir før­ oyingar, sum millumlendu í Dan­ mark, á Skarv um kvøldarnar. Tann tørvurin er ikki longur. Vit hava roynt at hava opið bæði mikudag og hósdag, men tað lukkast ikki ordi­liga, og tí hevur Skarv nú bert opið fríggjakvøld og leygarkvøld, sigur Siri Thorsteinsson. Skarv hevur seint opið. Leygar­ morgun lata tey aftur klokkan hálv­gum sjey, og sunnumorgun strekkja tey tað heilt til klokkan hálvg­um átta. Tað kemur eisini onku­ntíð fyri, at Skarv hevur enn longri opið, um nógv fólk eru í býnum. – Hetta kemst av føroyingunum. Føroyingar koma seint í býin og halda leingi á. Vanliga koma nógv fólk á Skarv um 4-tíðina, og so hava vit valt at hava opið til móti morgni. Fyrr plagdu vit at lata aftur klokkan 4, men tað hevur flutt seg, tí føroyingar koma alt seinni í býin, og teir avgera, nær vit hava opið, sigur Siri Thorsteinsson. Føroyskur samleiki Samleikin hjá Skarv hevur altíð verið føroyskur, hóast onnur fólka­ sløg eisini hava dámt væl at støkka inn á gólvið. – Skarv er fyrst og fremst eitt stað fyri føroyingar, men vit liggja í Keypmannahavn, og tí koma eisini onnur fólk inn á Skarv. Vit hava nakað av grønlendingum á vitjan, og soleiðis hevur tað altíð verið. Grønlendingum dámar væl at vera har, sum føroyingar eru. Íslendingar byrja eisini at koma aftur á Skarv, sigur Siri Thorsteins­ son. Skarv bjóðar hugna og tónleik fríggja­kvøld og leygarkvøld, og serliga væl umtókt eru kvøldini, tá ið føroyskir tónleikarar spæla. – Føroyingum dámar sera væl livandi tónleik við føroyskum tón­ leikarum. Vit høvdu ein steðg við livandi tónleikinum herfyri, men vit eru byrjað upp á tað aftur og fara at gera meira við tað fram­ eftir. Tað koma fleiri fólk, tá ið vit hava livandi tónleik. Fyri einum ári síðani fóru vit eisini undir sokallað Open Mike við donskum skemtar­ um tíðliga fríggjakvøld, og tað halda vit eisini fram við. Framtíðin hjá Skarv er greið. – Skarv skal halda fram, sum tað er nú. Tað skal meira livandi tón­ leikur inn, og vit vóna, at vit fara at fáa fleiri føroyingar oftari á gátt. Onnur fólk eru sjálvandi væl­ komin, men tað verður fram­hald­ andi eingin ivi um, at Skarv er ein føroysk barr, sigur Siri Thorsteins­ son. SIRI STRÍÐIST FYRI FØROYSKUM SKARV – Skarv skal eisini frameftir verða eitt stað fyri føroyingar, sigur Siri Thorsteinsson, sum hevur yvirtikið Skarv í Keypmannahavn frá pápa sínum, sum rak tað í góð fjøruti ár