mánadagur 27. november 2017síða 15

15 Mánadagur 6. januar 2014 · Nr. 2 Sosialurin Mánadagur 27. november 2017 · Nr. 138 Hugskot og viðmerkingar – send sms til 225000 HONDBÓLTUR Pætur Albinus Málveitsla Tað manglaði ikki undirhald og serliga ikki mál, tá ið menninir hjá StÍF í gjár fingu vitjan av VÍF, sum stríðist við at halda samband við oddaliðini H71 og VÍF, ið hava hug at renna undan. Gongdin í fyrra hálvleiki var sera jøvn, og tað stóð á púra jøvnum tað mesta av fyrra hálvleiki. Eitt brotskast í evstu løtu, sum StÍF skoraði uppá, gav teimum eina tepra 16-15 hálvleiksleiðslu. StÍF var tepurt omaná fyrstu løtuna í seinna hálvleiki, men á odda 19-17 fingu teir tvær útvísingar, sum komu at kosta teimum og gav VÍF viðvind, sum eisini legði seg á odda 21-19. Tað kom eisini at kosta StÍF dýrt, at teir misnýttu heili fimm brotskøst í seinna hálvleiki. Tað hevði hug at skrædna, og eina løtu var VÍF á odda 31-25, men StÍF gav ikki upp og fekk bart seg heilt upp til eitt mál á muni. Tættari enn tað sama kom StÍF tó ikki, og VÍF vann hendan undirhaldandi dystin 36-35. Sveinur Justinussen gekk á odda hjá heimaliðnum við átta málum, meðan Filip Jojic skeyt heili 15 fyri gestirnar. Har var eisini Julian Olsen í máhýri. Hann skeyt 12 mál. VÍF heldur við sigrinum rímiligt samband við oddaliðini, meðan StÍF stríðist í botninum og hevur seks stig á næstaftasta plássi. Nú bragdaði Eftir fýra tap á rað hevði Team Klaksvík á pappírinum ein góðan møguleika fyri at fáa vent gongdini, tá ið aftasta liðið í FTZ-deildini, KÍF, var á vitjan í Klaksvík í gjár. Tað gekk eisini sum eftir ánni hjá heimaliðnum fyrstu løtuna, tí eftir lítlari løtu vóru teir á odda 4-0. KÍF hevði ikki fingið nakað mál tá ið sjey minuttir vóru spældir, og hetta hóvaði sjálvsagt ikki venjaranum, sum gjørdi skjótt av og tók timeout. Hetta munaði væl, tí KÍF fekk eftir hetta trý mál á rað og minkaði til 4-3. Tað var tó Team Klaksvík, sum var omaná í fyrra hálvleiki og varðveitti eina rímiliga leiðslu. Team Klaksvík fór til hálvleiks á odda 15-13. KÍF megnaði eftir einari lítlari løtu í seinna hálvleiki at vinna seg upp á javnt, og hendan javna gongdin var eisini hon, sum myndaði seinna hálvleik. Fyrsti javnleikurin var við støðuna 17-17. Tað leikti javnt á heilt til í evstu løtu, tá ið toppskjúttin hjá Team Klaksvík, Ludvík Súnason, avgjørdi dystin við málinum til 26-25, ið eisini gjørdist endaliga úrslitið. Ludvík Súnason skeyt átta mál fyri Team Klaksvík, meðan Magnus Müller var besti málskjútti hjá gestunum við sjey málum. Team Klaksvík er á einum deildum triðja plássi saman við VÍF við 10 stigum, meðan KÍF er á aftasta plássi við trimum stigum. FTZdeildin støðan NR. LIÐ DYSTIR V.M. T.M. MUNUR STIG 1 Neistin 11 278 244 34 17 2 H71 10 266 248 18 15 3 VÍF 9 272 262 10 10 4 Team Klaksvík 10 228 250 -22 10 5 Kyndil 10 236 235 1 9 6 StÍF 10 262 278 -16 6 7 KÍF 10 252 277 -25 3 StÍF – VÍF 35-36 (16-15) StÍF: Sveinur Justinussen 8, Allan Norðberg 6, Djóni J. Petersen 6, Jógvan G. Joensen 3, Pætur Joensen 3, Jóannes Prestá 3, Pætur Johansen 3, Martin Danielsen 2, Marius Joensen 1 Útvísingar: 4 x 2 minuttir VÍF: Filip Jojic 15, Julian Olsen 12, Sjúrður Olsen 4, Miki Sørensen 3, Hallur Árason 1, Andrias Eriksen 1 Útvísingar: 7 x 2 minuttir Team Klaksvík – KÍF 26-25 (15-13) Team Klaksvík: Ludvík Súnason 8, Sámal á Tjaldrafløtti 7, Vilhelm Vilhelmsen 5, Hørður F. Sigtórsson 2, Birgir Poulsen 2, Finnur Hansson 2 Útvísingar: 3 x 2 minuttir KÍF: Magnus Müller 7, Rúni Joensen 6, Ási Dam 4, Andrias Nielsen 2, Janus Jakobsen 2, Hans Eli Sigurbjørnsson 2, Jákup Trygvason 2 Útvísingar: 5 x 2 minuttir Eitt tætt vikuskifti Menninir hjá VÍF fingu harðvunnan og tepran sigur á útivølli ímóti StÍF, og so fekk Team Klaksvík eisini tvey kærkomin stig eftir tepran heimasigur ímóti KÍF