mánadagur 27. november 2017síða 19

19 Mánadagur 6. januar 2014 · Nr. 2 Sosialurin Mánadagur 27. november 2017 · Nr. 138 Hugskot og viðmerkingar – send sms til 225000 Vit skulu læra okkum at seta hetta í ein samanhang og skilja, at tað er stórur munur á, men at vit kunnu gera nakað við tað. Tað kropsliga er blivið betri. Spælararnir í brutto­hópinum, einar 25 spælarar, hava fingið eitt tilboð um at fáa venjingar­ program og annað, sigur lands­ liðsvenjarin. Tað verður eisini lagt nógv fyri við eitt nú eftirmeting við sjón­ bandi, so spælararnir síggja fram­ gongd, síggja hvat tær skulu gera betri og hvussu tær hava klárað seg. Hart at gera alt, men tapa Fyri Pætur S. Clementsen sjálvan, so hevur tað verið krevjandi, at standa á síðulinjuni. Hann hevur verið ungdómslandsliðsvenjari hjá millum annað U17 landsliðnum í nógv ár, áðrenn hann í 2009 fór til Danmarkar undir útbúgving, har hann millum annað var venjari í Lyngby. - Tað er hart at síggja, at øll gera sítt besta, men at tú spælir móti liðum, sum eru so nógv betri. Men tá sært tú eisini hvør klárar skerini, men eg skuldi líka venja meg við tann leiklutin aftur, sigur landsliðsvenjarin og fortelur víðari: -Í Lyngby spældu vit móti nógvum eins góðum liðnum, meðan tú sum føroyskur ungdómslandsliðvenjari kann blíva fillaður sundur, har tú ongan sum helst møguleika hevur. Hinvegin, tá vit so spældu móti feløgum sum AC Milan og vóru við undirlutan, var lætt hjá mær at verða róligur og tað undraðust hinir á, heldur Pætur S. Clementsen skemtiliga fyri. Einki at skammast av Føroysku kvinnurnar hava nú frí fram til fyrst í januar frá felagsvenjing, men allar hava fingið hvør sína venjingarskrá, sum tær skulu fygja. Tær hava spælt nógv fleiri kappingarføra dystir í ár, enn kanska nakrantíð fyrr. Pílurin peikar rættan veg, men tað er ótrúliga langt á mál -Í juni møta vit Slovenia. Tá vóni eg, at vit kunnu prógva fyri øllum á Tórsvølli, at vit hava flutt okkum lang, sigur Pætur S. Clementsen og endar við at fortelja, tá hann møtti týska landsliðsvenjaranum. -Hon segð, at tað er ótrúligt at vit eru viðm og at vit einki hava at skammast av. Vit eru ikki størri enn ein íbúðarblokkur í Týsklandi. Tað passar og alternativið var at sita heima. Tað ger Turkaland við sínum næstan 80 milliónum íbúgvum, sigur Pætur S. Clementsen at enda. trondur@sosialurin.fo