hósdagur 7. desember 2017síða 33

VINNUBLAÐIÐ HJÁ MIÐLAHÚSINUM 5 Desember 2017 27 Nógv av teimum fólkunum tykjast at rúma meira og tykjast ikki so bundin av holdningum og meiningum, sum eru galdandi í Føroyum. Hesi fólk hava sum regul eini evni til at hyggja uppum teir normar, sum vit annars eru so fæst bundin at í Føroyum. Ben Arabo er kollfirðingur. Hann vaks upp á Oyrareingjum og hann hevur eisini búsett seg har við konu og trimum gentum. -Vit fingu eini hús longu í 1997 á Oyrar­eingj­ um, mitt í økinum, har sum eg vaks upp. Tað passar okkum sera væl at búgva har, eftir tey mongum árini, sum vit búðu í London,sigr Ben Artabo. Hann vaks upp í Kolafirði og gekk í barna­ skúl­anum har, áðrenn hann fór víoðari á Oyrabakka og so í Hoydalar. Sína yrkisútbúgving hevur hann tikið við Lærda Háskúlan í Århus. Har læs hann cand. merc. og hevði uttanríkishandil, sum sergrein. Meðan hann tók útbúgvingina í Århus,, var hann eitt skifti í arbeiði hjá Amerada Hess. Tað vísti seg, at hann fall so væl inn í arbeiðið har og at hann var so dugnaligur, at stóra altjóða oljufyritøkan bjóðaði honum starv í London, so skjótt hann var liðugur við útbúgvingina í Århus. -Ja, tað var so, at eg skundaði mær aftur til Århus at gera útbúgvingina lidna og so fór eg til London í 1997. Eg arbeiddi fyri Hess til eg tók við sum stjóri í Atlantic Petroleum, sigur Ben Arabo. Indonesia Meðan Ben Arabo var í starvið hjá Hess hevði hann ábyrgd fyri einum parti av virkseminum í landsynningspartinum av Asia. Hetta hevði við sær, at hann hevur arbeitt nógv í Djakarta, høvuðsstaðnum í Indonesia. -Har upplivdi eg heilt greitt munin á tí mentan, sum er galdandi her hjá okkum í Norð­urevropa og Norðanlondum og mentanini í Asia, sigur Ben Arabo. -Fyri tað fyrsta er alt nógv meira toppstýrt Tey eru von við at fáa boð úr erva og hesum bíða tey so eftir, tá ið tey eru liðug við tað, sum tey skuldu gera. Hetta er ein heilt onnur arbeiðs­mentan enn hana, vit kenna, sigur hann.