mánadagur 11. desember 2017síða 4

Mánadagur 11. desember 2017 · Nr. 144 4 Sosialurin Hugskot og viðmerkingar – send sms til 225000 UNDIR FÝRA EYGUM Hugskot og viðmerkingar – send sms til 225000 Hvat er tín lívrættur: Ræst kjøt og røst súpan. Hvat er besta stað í Føroyum: Hest og Skopun. Eg eri har tá tað ber til. Hallur av Rana hallur@sosialurin.fo Miðskeiðis í Havnini, eitt steinkast frá Nonnuskúlanum, standa eini stór reyð hús á eini stórari trøð. Tað er KFUK-húsið, og meðan flestu fólk ikki veita teimum serligan ans gerandisdagar, so gerast gerast bæði trøðin og húsið á hvørjum vetri brádliga miðdepilin fyri hvør sína orsøk. Trøðin er ein av yndisstøðunum hjá havnarbørnum at sleta í kav­ an­um, meðan húsið er karmur um virksemi hjá felagsskapinum KFUK, ið á hvørjum ári skipar fyri jóla­haldi fyri fólki, ið eru einsamøll á jólum. Hendan dagin eg stígi inn á gólvið í KFUK, hevur eitt tjúkt lag av kava lagt seg á bøin, og ung­ dóm­ar og foreldur við børnum fara oman og niðan gjøgnum brekka og fylla trøðna við látri og lívsgleði. Inni í húsinum renna fleiri fólk runt og gera klárt til adventshaldið, ið verður komandi viku. Nógv skal fáast av skafti, og mitt í rokanum er 62 ára gamla Louisa Niclasen Han­sen, ið er skrivari hjá KFUK Tórs­havn. Jólahald síðan 1993 Meðan virksemið hjá KFUK spenn­ ir víða, so eru ørindini hendan dag­ in at tosa um árliga jólahaldið hjá KFUK. Síðstu árini hevur Louisa Niclasen Hansen og maður henn­ ara Eisenberg Hansen verið drív­ meg­in handan jólahaldinum, men tað vóru onnur fólk, ið løgdu lunnar undir arbeiðið fyri 24 árum síðan. - Tað vóru Jona Henriksen og Jóhannes Álvheygg, ið av fyrstan tíð tóku stig til jólahald fyri einslig. Tað var í 1993, at tey løgdu merki til, at tað vóru nógv fólk, ið ikki høvdu nakrastaðni at fara á jólum, greiðir Louisa Niclasen Hansen frá. Jona Henriksen og Jóhannes Álv­heygg skipaðu fyri jólatil­tak­in­ um tvey ár á rað, men góvu í 1995 ábyrgdina víðari til Sonju Klein og Holger Arnbjerg, ið hildu á til 2009. Tá tóku Louisa Niclasen Hansen og Eisenberg Hansen við ábyrgdini, og hava tey staðið á odda fyri tí síðan. Sum eini vanlig jól Tað kann ljóða heldur øðrvísi at halda jól í KFUK-húsinum í staðin fyri heima við hús, men í stóran mun líkist jólahaldið tí, ið gongur fyri seg í flestu føroyskum heimum jóla­aftan. Jólaaftan hjá Louisa Niclasen Han­sen og Eisenberg Hansen byrj­ ar klokkan tólv um dagin, tá tey av­heinta dunnurnar í køkinum í Landssjúkrahúsinum. Síðan verð­ ur gjørt klárt í KFUK-húsinum, áðr­enn fólk byrja at koma. - Vit eru umleið 23 fólk, ið vanliga savnast jólaaftan og tá eru tað altíð nøkur nýggj fólk millum okkara. Eg plagi at koyra runt og avheinta tey, ið ikki eru før fyri sjálvi at koma, tí tey eru so illa gongd, sigur Eisen­ berg Hansen. Klokkan átjan verður farið til borðs, men húsið letur upp nakrar tímar áðrenn, so at fólk kunna hugna sær saman, áðrenn maturin verð­ur settur á borðið. - Kaffi og smákøkur standa frammi, og klokkan átjan lesi eg jóla­evangeliið, áðrenn vit fara til borðs, har vit eta dunnu og fáa rísala­mang omaná, sigur Louisa Nicla­sen Hansen. Eftir borðhaldið er sangur, søgur og annað á skránni, áðrenn fólk byrja at fara aftur til hús. Gleðin er drívmegin Hóast Louisa Niclasen Hansen og maðurin hava brúkt flestu jólini síðstu átta árini til sjálvboðið ar­ beiði, so metir hvørgin teirra, at tey missa nakað serligt. Tvørturímóti, so er lønin so mikið stór, at tað er alt vert. - Lønin er at síggja menniskjur glað og takksom fyri hetta. Tey koma eisini aftur ár eftir ár. Tað er ikki eitt offur, at vit brúka jólaaftan sam­an við øðrum, tí vit kunna bara halda jólaaftan 1. jóladag. Vit fáa held­ur ongar pengar burturúr ur hes­um. Tað er gleðin hjá teimum, ið savn­ast her, ið er okkara løn, siga tey bæði. Tað gekk heldur ikki leingi frá tí, at Sonja Klein og Holger Arnbjerg takkaðu fyri seg í 2008, til at parið avgjørdi at taka uppgávuna á seg. - Vit mettu, at arbeiðið var ov virðismikið til at detta á gólv. Tað hevði verið saknar í hesum, um tað ikki var. Hetta er tað arbeiðið hjá KFUK, ið fólk leggja serliga merki til. KFUK verður nú sett í samband við jólini, siga Louisa Niclasen Han­ sen og Eisenberg Hansen. Vælvild Tað er tó ikki bara tey, ið eru til staðar jólaaftan, ið gera tað møgu­ ligt at hava jólahaldið. Tað eru nevni­liga nógv fólk, ið vísa tiltak_ in­um vælvild og stuðla á ymiskan hátt. - Tá vit keypa inn til tiltakið, so fáa vit mangan 25-50 prosent av­sláttur, tí handlar vilja stuðla verk­inum, og tað eru eisini nógv fólk, ið lata okkum jólagávur. Vit merkja ein øgiligan stóran stuðul frá menniskjum. Fólk eru glað fyri hetta, og síggja tørvin í, at vit gera hetta, sigur Eisenberg Hansen. Seinastu nógvu árini hevur Før­ oya løgmaður eisini lagt leiðina fram­við í KFUK, og tað eru tey bæði sera takksom fyri. - Jóannes Eidesgaard var tann fyrsti løgmaðurin, ið vitjaði, og síð­an tá hevur sitandi løgmaður vitjað okkum á hvørjum ári. Tað er stuttligt, at teir leggja leiðina fram­við og hevur tað nógv at siga fyri okkum, ið eru savnað her. Tað vísir eisini, at teir hugsa um tað arbeiðið, ið verður gjørt, sigur Louisa Niclasen Hansen. GLEÐIN HJÁ ØÐRUM ER LØNIN - Lønin er at síggja menniskjur glað og takksom fyri hetta. Tey koma eisini aftur ár eftir ár. Tað er ikki eitt offur, at vit brúka jólaaftan saman við øðrum, tí vit kunna bara halda jólaaftan 1. jóladag. Vit fáa heldur ongar pengar burturúr ur hesum. Tað er gleðin hjá teimum koma, ið savnast her, ið er okkara løn. Tað siga Louisa Niclasen Hansen og Eisenberg Hansen, ið síðstu árini hava staðið fyri jólahaldinum fyri fólk, ið eru einsamøll á jólum. - Vit merkja ein øgiligan stóran stuðul frá menniskjum. Fólk eru glað fyri hetta, og síggja tørvin í, at vit gera hetta