mánadagur 11. desember 2017síða 6

Mánadagur 11. desember 2017 · Nr. 144 6 Sosialurin Hugskot og viðmerkingar – send sms til 225000 LØGMAÐUR SKAL GERA SUM TRUMP ÁHEITAN Á LØGMANN Miðflokkurin fer nú formliga at heita á løgmann um eisini at viðurkenna Jerusalem sum høvuðstað í Ísrael Áki Bertholdsen –  Vit fegnast stórliga um, at tað loksins var ein stjórnarleiðari sum tordi at viðurkenna Jerusalem sum høvuðstað í Ísrael. Tað er reaktiónin úr Mið­flokk­ inum nú amerikanski forsetin, Don­ald Trump, hevur viðurkent Jer­usal­em sum høvuðstað í Ísrael. Og á Landsfundinum hjá Mið­ flokkinum leygardagin, er niður­ støð­an, at Føroya løgmaður, Aksel V. Johannesen, eigur at gera sum Trump. Og tí fer Miðflokkurin nú at senda løgmanni skriv, har heitt verður á hann um eisini at við­ur­ kenna Jerusalem sum høvuð­stað í Ísrael. Jenis av Rana, formaður í Mið­ flokk­inum, sigur, at tað fer hann nú at gera. Men hann sigur, at letur Løgmaður ikki við seg koma, er tað væl hugsandi, at Miðflokkurin fer at leggja uppskot fyri Løgtingið um at samtykkja at heita á Løgmann um at viðurkenna Jerusalem sum høvuðstað í Ísrael. Eygnasteinur Guds Jenis av Rana heldur, at tað hevði verið virðiligt, at Aksel V. Johanne­ sen gjørdi sum Donald Trump, tí neyvan hevur Ísrael átt trúgvari vin­ir enn føroyingar. – Eg havi hitt forsætisráðharran í Ísrael, Benjamin Netanyahu og hann visti væl um Føroyar og stuð­ ul­in, Ísrael fær úr Føroyum, og hann kallar okkum vinir Ísraels, sigur Jenis av Rana. Og hann leggur afturat, at neyvan er tað nøkur tjóð í heim­ in­um, har fólk eru so íðin at vitja heilagu støðini í Ísrael, sum før­oy­ ing­ar eru.  – Tað slepst ikki undan, at Ísrael eygnasteinur Guds, og í bíbliuni er Jerusalem høvuðstaður í Ísrael. Tað var ætlanin hjá Guði at Jerusalem skuldi vera høvuðstaður Ísraels, so hjá okkum er tað fyrst og fremst av bíbilskum orsøkum, at vit halda, at Jerusalem skal vera viðurkendur sum høvustaður Ísraels, sigur Jenis av Rana. Eitt mark skal vera Avgerðin hjá Donald Trump um at viðurkenna Jerusalem sum høvuð­ stað í Ísrael, hevur møtt stórari mót­støðu, og leiðarar kring heimin hava átalað og fordømt avgerðina. Tað hevur eisini elvt til ófrið í Mið­ eystri, og ávarað verður um, at tað fer at elva til enn meiri ófrið og upp­reistur. Men tað fær ikki Jenis av Rana av ivast. – Tað er ein spurningur um, hvussu leingi vit kunnu lata yvir­ gangs­kroppar stýra heiminum, og hvussu langt vit skulu hopa eftir hæli fyri teimum, sigur formaðurin í Miðflokkinum. – Einaferð mugu vit koma hartil, at vit gera tað, sum er rætt, og tí eigur Føroya Løgmaður at ganga á odda á hesum øki saman við am­ erik­anska forsetanum, leggur hann aft­urat. Jenis av Rana er greiður yvir, at tað er danska stjórnin sum um­ sit­ur okkara uttanríkispolitikk, og at ein avgerð um at viðurkenna Jer­usalem sum høvuðstað í Ísrael, kann bara takast av donsku stjórn­ ini. Men hann heldur kortini, at ein slík avgerð í Føroyum hevði verið ein virðilig heilsan til Ísrael, sum uttan iva eisini hevði vakt ans úti í heimi. Jenis av Rana heldur eisini, at Føroyar eiga eisini at seta eina før­ oyska sendistovu á stovn í Ísrael, ella í hvussu so er at fingið eitt skipað eitt formligt samstarv við Ísrael. – Tað hevði fyrst og fremst havt eitt hugsjónarligt virði, men vit skulu heldur ikki gloyma, at Ísrael er rættiliga frammaliga á nógvum øki, helst á tøkniliga økinum, so utt­an iva kundi okkurt fruktagott spurst burtur úr tí, heldur for­mað­ ur í Miðflokkinum. – Tað hevði verið virðiligt, at føroyingar gjørdu sum Trump og viðurkendi Jerusalem sum høvuðstað í Ísrael, heldur Jenis av Rana, løgtingsmaður fyri Miðflokkin, og formaður floksins Tað hevði verið virðiligt, at Aksel V. Johannesen gjørdi sum Donald Trump Einaferð mugu vit koma hartil, at vit gera tað, sum er rætt