týsdagur 9. januar 2018síða 16

Mikudagur 10. januar 2017 · Nr. 4 16 Sosialurin Hugskot og viðmerkingar – send sms til 225000 Allan Mortensen, Bachelor in Pedagogy Týsdagin 12. desembur fór eg í verk­ fall, men longu áðrenn verk­fallið var byrjað, lýsti KAF, við borg­ar­ stjór­anum í Havn á odda, verk­bann fyri øllum limum í Føroya Peda­ gog­felag, ið starvast innan dag­ stovnaøkið. Ein grundgeving var, at tað var fyri at skunda undir til­ gongd­ina, so verkfallið skuldi verða yvir­staðið sum skjótast. Frálíkt, hugs­aði eg. Tá borgarstjórin í Havn, sum al­ment hevur boðað frá, at lønin hjá námsfrøðingum er láturliga lág í mun til útbúgving, vil hava verk­fallið at vera yvirstaðið sum skjót­ast, so kann tað ikki fara at vara leingi. Meirilutin í Tórshavnar býráð er jú mannaður av tveimum námsfrøðingum, og einum meiri­ luta av kvinnum. So sjálvandi fara tey at stuðla borgarstjóranum, í at ar­beiða fyri, at námsfrøðingar fáa betri lønarviðurskifti. Lønar­við­ ur­skiftini innan tað náms­frøði­liga økið eru jú rakt av sama søgu­liga skeiv­leika, ið traditionellu kvinnu­ fak­ini eru. Lønin er jú láturliga lág. Hetta verkfallið verður skjótt lið­ ugt. Hin parturin var jú okkara fíggj­armálaráðharri. Okkara fíggj­ ar­mála­ráðaharri sum fleiri ferðir alment hevur sagt, hvussu týdning­ ar­mikið okkara starv sum náms­ frøð­ingar er, og sum, tá sáttmálin við sjúkra­røkt­arfrøðingarnar varð undir­skriv­að­ur, segði at náms­frøð­ ingar eisini skuldu lyftast. Jú, jú. Vit fara ikki at verða í verkfall so leingi. Javnaðarflokkurin, við løg­ manni, og Tjóðveldið sita jú í sam­ gongu, saman við Framsókn. Tey hava eisini meira ella minni øll lagt dent á týdningin á námsfrøðiliga økin­um, so hvussu so er áðrenn valið. Hesaferð skulu vit nokk klára, at fáa ein sáttmála, ið lyftir okkum upp á sama lønarlag, sum aðrar út­ búgv­ingar á bachelor støðið. Men hvat hendir so........ Pedagogfelagið skal í gerða­ rætt­in, tí Almannaverkið vil hava fleiri undantøk. Verkfallið skal ikki raka ov hart. Pedagogfelagið gev­ ur undantøk, men skal aftur fyri gerða­rættin. Pedagogfelagið vinn­ ur í gerðarættinum, men gevur alla­tíð tey undantøk, ið eru neyðug. Síð­ani verður av øllum alvi roynt at fáa meiriluta á løgtingi, fyri at lóg­geva fyri teimum undantøkum almanna­verkið vil hava ígjøgnum. Hetta eydnaðist ikki, takkað verið einsa­malla námsfrøðinginum á tingið. Næstan allar kommununar fylgja siðvenjuni um, at gjalda løn til starvs­fólkini, meðan tey eru í verk­fall/bann, fyri at avrokna við peda­gog­felagið, tá verkfallið/verk­ bannið er av. So verður rok. Fyrst kem­ur ein borgarstjóri, og síð­ani fleiri løgfrøðingar fram í fjøl­miðl­ un­um, fyri at gera vart við, at tað er ólógligt, og eigur at fáa av­leið­ingar. Enntá setur ein løg­tings­mað­ur ein grein 52 fyri­spurn­ing um málið. Almannaverkið og fíggjar­mála­ ráðið koma áhaldandi í fjøl­miðl­ arnar við ábreiðslum til peda­gog­ felagið, um at verkfallið rakar ov hart, og at fleiri undantøk mugu gev­ast. Undanførslur og uttan­um­ tos. Eisini hevur verið nevnt, at tað er ov dýrt. Kostar ov nógv, at geva námsfrøðingum somu løn, ið onnur við útbúgving á sama støði fáa. Sam­stundis sum kommunurnar kapp­ast um, at gera tað so bíligt sum gjørligt hjá foreldrum at koyra síni børn á stovn, við at komm­un­ ur­nar átaka sær størri part av kostn­að­inum. Og meðan vit eru í ein­um hákonjunkuri, og ongantíð hava havt so stórt yvirskot á fíggj­ ar­lógini............. Eg kundi gott hugsa mær at hoyrt hvørja meining okkara fólka­ valdu hava at siga um okkara yrki og lønarlag. Um vit vóru makr­el­ar ella norðhavssild, høvdu tey flestu sagt sína meining hart í bæði út­ varpi, sjónvarpi, portalum, bløð­um og face­book. Men nú, tøgn......? Tað námsfrøðiliga økið fevnir vítt. Vit eru um børnini, og eru við til at menna og menta tey, frá byrj­ an í vøggustovuni, gjøgnum barna­ garðin, frítíðarskúlan og ung­dóms­ virkemið. Nøkur av hesum hava serligan tørv, nøkur hava tørv á stuðli í skúlunum ella heima, nøk­ ur koma á ymsar stovnar og á barna­heimið. Nøkur hava meiri álvars­ligar diagnosur, og koma á bú­stovnar undir almannaverkið, nøk­ur brúka vard verkstøð o.s.fr. Námsfrøðingar hava hollan fak­lig­ an kunnleika, ið teir brúka hvønn dag í sínum starvi. Í síni lýsing av námsfrøðingum og lærarum, nevn­ ir Fróðskaparsetrið tað sum heims­ ins týdningarmesta starv. Og tað er ikki uttan orsøk! Vónandi verður fokus flutt frá undantøkum, gerðarætti, sið­venj­ um um lønarútjald og øðrum und­ anførslum, til tað, ið hetta verk­ fallið/bannið verðuligani snýr seg um. Eitt starv, ið er láturliga lágt lønt í mun til útbúgving, og skal lyft­ast upp, har tað hoyrir heima. #líkaútbúgvinglíkaløn Hvar eru Kristina og Annika? Nú vit eru farin inn í fimtu vikuna við arbeiðssteðgi hjá námsfrøðingum og hjálparfólki, røkist enn einki fyri, at nøkur loysn er í ljósmála, tí politikararnir, ið skuldu skorið ígjøgnum, krógva seg heldur aftan fyri embætisfólkini. Heðin Mortensen býráðslimur og løgtingsmaður Hvar er landsstýriskvinnan í fíggj­ armálum, Kristina Háfoss? Og hvar er forkvinnan í Kommunala Ar­beiðsgevarafelagnum, Annika Ol­sen? Hví krógva tær seg, held­ ur enn at finna loysnir, so ein endi kann fáast á alt ov drúgva arbeiðs­ steðg­inum? Tað nyttar lítið at standa undir tinghúsinum og siga, meðan upp­ tøku­tólini hjá sjónvarpi og útvarpi eru til staðar, at øll »vit øll hava ábyrgd og vilja til at sessast við sam­ráðingarborðið beinanvegin«, tá einki hendir allíkavæl! Hvat er galið við tykkum, Krist­ ina Háfoss og Annika Olsen? Hví taka tit ikki ábyrgd og bjóða til samráðingar her og nú, heldur enn at tit bara krógva tykkum aftan fyri embætisfólkini, sum gera júst tað, sum tit vilja og siga? Tað er ein stór skomm fyri okk­ um politikarar, sum standa og bíða, tí nakrar spælireglar eru, sum vit ikki fáa gjørt nakað við beint nú. Fyri mítt viðkomandi kann eg bara fortelja tykkum, at tolið er uppi, tá ein sær fullkomna passivitetin hjá tykkum, ið skulu eitast at standa á odda fyri hesum samráðingum. Eg fái meg ikki til at trúgva uppá, at tit hava politiska undirtøku fyri tykkara passiviteti – hvørki komm­ unalt ella landspolitiskt! Og eg havi enn eingi stig sæð frá tykkara síðu, Kristina Háfoss og Annika Olsen, ið hava sannført meg um, at eg skal stuðla tykkum í tí, sum tit gera – ella rættari sagt ikki gera! Nú er nóg mikið, tí eingin kann liva við, at einki hendir! Tit eiga sum skjótast at fáa gongd á aftur sam­ ráðingarnar, so hetta kann greiðast til gagns fyri alt okkara samfelag, námsfrøðingar og hjálparfólk. KJAK Um vit vóru makr­el­ar ella norðhavssild, høvdu tey flestu sagt sína meining hart í bæði út­varpi, sjónvarpi, portalum, bløð­um og face­book. Men nú, tøgn......? Síð­ani verður av øllum alvi roynt at fáa meiriluta á løgtingi, fyri at lóg­geva fyri teimum undantøkum almanna­verkið vil hava ígjøgnum. Hetta eydnaðist ikki Tað er ein stór skomm fyri okk­um politikarar, sum standa og bíða Umberingar og uttanumtos!