týsdagur 9. januar 2018síða 17

17 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 10. januar 2017 · Nr. 4 Gunnvá Edvardsdóttir, námsfrøðingur og cand.pæd. í pædagogiskari filosofi. Eg skal blankt viðganga, at eg havi umhugsað mína støðu sum náms­ frøðingur hesar seinastu vikurnar. Eg havi verið í nógvum ymiskum størvum, og á nógvum ymiskum starvs­økjum, men í ongum øðrum starvi hevur spurnartekin verið sett við, hvat eg geri har, og um eg átti at verið har – hvørki frá øðr­um og so slett ongantíð frá ar­beiðs­ gev­ar­anum. Tey hava altíð vitað, hvat eg gjørdi, og hvat endamálið var við, at eg var har – tað vóru jú tey, sum høvdu biðið meg koma til arbeiðis! Men soleiðis er støðan ikki sum námsfrøðingur. Vit hava ein ar­ beiðs­gevara, sum vil sleppa at tosa um innihaldið í okkara arbeiði!?! Orsaka meg, men hava tey ikki sjálvi dikterað arbeiðsuppgávuna? Eru tað ikki tey sjálvi – við kravi um hægri útbúgving og við fleiri og truplari arbeiðsuppgávum – ið leggja innihaldið í arbeiðinum til rættis? Og er tað ikki vanligt, at jú hægri útbúgvingin er og jú fleiri og truplari arbeiðsuppgávurnar eru, jú hægri er lønin? Um ætlanin hjá Menta­mála­ ráðn­um við nýggju námsfrøðiligu útbúgv­ingini var, at hetta skuldi vera ein útbúgving, sum er minni verd og skal lønast lægri, enn hinar tilsvarandi útbúgvingarnar frá sama stovni – ein sokallað 2. sort­ ering – so skuldi hetta havt verið gjørt greitt frá byrjan. Ella er tað so, at Mentamálaráðið slett onki samskifti hevur við Fíggjar­mála­ ráðið? Veit høgra hond ikki hvat vinstra hond ger? Mentamálaráðið hevur ábyrgd­ ina av námsfrøðiliga innihaldinum, bæði á okkara útbúgving og á okk­ ara stovnum, og tey stinga javnan út í kortið tað, sum tey hugsa, at inni­haldið skal vera – tað seinasta, sum var lagt aftrat var meira mál­ menn­ing. So kanska tey kundu givið Fíggjarmálaráðnum eina ábend­ing um, hvat innihaldið í okk­ ara arbeiði er? Nú hava vit í fýra vikur greitt bæði arbeiðsgevara og almenn­ing­ inum frá um innihaldið í okkara arbeiði og vart okkara eksistens og sagt: jújú eg meini tað, vit gera okku­rt! Og Hygg vit gera alt hetta! Vit sita í almennum størvum, og um arbeiðsgevarin ikki sjálvur veit, hví vit gera tað, so hava vit eitt stórt og óyvirskoðiligt sam­felags­ problem – og tað problemið eiga politik­ararnir, og tey skula sjálvi loysa tað! Hetta er tykkara arbeiðsøki og tykk­ara arbeiðspláss, og at klandra starvsfólk og Føroya Pedagogfelag fyri (og beinleiðis lúgva um støð­ una!), at tit ikki fáa tykkara egnu arbeiðs­pláss at virka, er undir alt lágmark, serliga tá ið hugsað verður um, at tað letur til, at tit ikki hava ánilsi av, hví hesi fólk eru sett har av fyrstan tíð. Vit hava fingið lovað bæði eitt og annað frá sitandi samgongu – eg haldi, at onkur beinleiðis lovaði okkum tign – eg meini tað...! – og eg haldi, at tey skulu sleppa at svara fyri sínum lyftum. Allir flokkar í samgonguni hava fingið mína atkvøðu - ymisk ár og av ymiskum orsøkum, so eg helt (naiv, eg veit), at nú fór tað at vera, nú koma aðrir bollar á suppuna, og jú vit hava fingið aðrar bollar, men suppan hevur ongantíð verið so beisk, sum nú. Fíggjarmálaráðharrin sig­ur, at út­búgvingin er minni verd og skal løn­ast lægri, er Menta­mála­ráð­harr­ in samd í hesum? Tá ið Fíggjar­ mála­ráðharrin er so greið í hesum máli, so fáa vit sjálvandi eitt líka greitt svar uppá mín spurning frá Menta­málaráðharranum. “I've learned that people will forget what you said, people will forget what you did, but people will never forget how you made them feel.” Maya Angelou. HETTA ER EYÐMÝKJANDI! So góðu tit, Fíggjarmálaráðharri, Mentamálaráðharri, Almanna­ mála­ráðharri, Løgmaður og sitandi sam­gonga, meina tit ikki tað, ið tit siga? Er tað bara luft? #Líkaútbúgvinglíkaløn Politikkur eigur at spretta úr fólkinum Almenna hoyringin og fólksliga tilgongdin í sambandi við ætlaðu fólkaatkvøðuna um nýggja Stjórnarskipan Føroya er ikki nøktandi. Føroya fólk eigur at sleppa nógv meira framat og politikarar eiga at stilla upp til almennar politiskar kjakfundir Johan Dahl formaður í Føroya Væl Samgongan arbeiðir í løtuni við at gera eitt lógaruppskot um Stjórn­ arskipan Føroya og ætlar at skipa fyri einari fólkaatkvøðu í hesum sambandi, seinni í ár.   Ein stjórnarskipanarlóg er nakað heilt serligt - ein fólksins lóg, ein lóg, sum skal halda í nógv ár og ættarlið, rúma komandi neyð­ ug­um samfelagsbroytingum og menn­ing, aðrar lógir skulu antin beinleiðis ella óbeinleiðis byggja á eina stjórnarskipanarlóg o.a.  Talan er um eina lóg, sum skal tryggja fólkaræði, frælsi, rætt­vísi, støðufesti og samanhald, og verja fólkið ímóti politiskari valds­mis­ nýtslu og skilaleysum handl­ingum. Føroya Væl, sum er veljarafelag Sam­bandsfloksins í Suðurstreymi, heldur, at tilgongdin í arbeið­in­um at gera eina nýggja stjórn­ar­skip­ anarlóg ikki livir upp til minstu­ krøv­uni at fyrireika eina slíka lóg. Ongar almennar og ítøkiligar við­merk­ingar eru til fyriliggjandi lógar­uppskot - viðmerkingar, sum skulu brúkast at stuðla seg til í sam­bandi við tulkingar. Almenna hoyringin er farin fram í einum afturlatnum samanhangi, so­leiðis at skilja, at fólkið alt og velj­ararin ikki alment og breitt er slopp­in til orðanna og er kunnaður um innihald, endamál, tulkingar og av­leiðingar - fólkið hevur ikki fingið høvið andlit til andlit at stilla spurn­ingar og gera viðmerkingar til okk­ara politikarar. Hetta er ikki nøktandi í einum so týðandi máli. Vit vita, hvat vit hava, og tað kann ikki vera rætt, at fólkið ikki ná­greiniliga veit, hvat tað fær við ein­ari nýggjari stjórnarskipan. Tað eigur tí at verða skipað fyri enn fleiri almennum politiskum kjak­fundum um evnið - vónandi fer løg­maður og landsstýrið at skipa so fyri í komandi tíðum. Alt annað er ábyrgd­arleyst og ódemokratiskt. Fari tí at heita á fólk um at møta fjølment til fyrsta polit­ iska kjakfundin av hesum slag í Aulini í Finsen, í gamla Komm­ unu­skúlanum - í annaðkvøld kl. 19.00-21.00, har í hesum umfari 3 av teim­um stóru politisku flokkunum og tess formenn fara at leggja fram og svara spurningum frá fólkinum. KJAK Hetta er ikki nøktandi í einum so týðandi máli Ella er tað so, at Mentamálaráðið slett onki samskifti hevur við Fíggjar­ mála­ráðið? Veit høgra hond ikki hvat vinstra hond ger? Vit hava fingið lovað bæði eitt og annað frá sitandi samgongu – eg haldi, at onkur beinleiðis lovaði okkum tign – eg meini tað...! – og eg haldi, at tey skulu sleppa at svara fyri sínum lyftum Verkfalstankar ein illveðursdag