hósdagur 11. januar 2018síða 15

FRÍGGJADAGUR 12. JANUAR 2018 SOSIALURIN 5 15 AFTURÚRSIGLDIR Lønarmunurin bara økist mill­ um pedagogar, lærarar og sjúkra­ røktarfrøðingar, sum árini ganga. Eftir átta ár á arbeiðs­markn­ að­urin er mánaðarlønin hjá peda­ gog­um góðar 3.000 krón­ur minni enn hjá lærarum, og stívliga 5.000 krónur minni enn mánaðarlønin hjá sjúkrarøktarfrøðingunum. Endalønin hjá lærarunum er góðar 33.000 krónur. Teir koma upp á endalønina, tá tá teir hava arbeitt í 12 ár. Endalønin hjá sjúkra­ røkt­arfrøðingunum er góðar 34.000 krónur. Sjúkra­røktarfrøðingarnir røkka endalønini eftir 10 ár á ar­ beiðs­marknaðinum. Tá ein pedagogur hevur arbeitt í 12 ár, fer lønin hjá honum upp á góðar 28.000 krónur um mánaðin. Ein pedagogur røkkur ikki enda­ løn­ini, fyrr enn hann hevur arbeitt í 16 ár, og tá fær hann slakar 30.000 krónur um mánaðin. Eisini munur á gjøldum fyri ótíðararbeiði Sjúkrarøktarfrøðingar og peda­ gog­ar, sum arbeiða í skiftandi vakt­um, fáa ótíðargjøld fyri for­ skotn­ar arbeiðstíðir. Gjøldini, sum sjúkrarøktarfrøðingar fáa fyri for­skotna arbeiðstíð, eru hægri, enn gjøldini, sum pedagogar fáa fyri at arbeiða uttanfyri van­liga arbeiðstíð. Pedagogar á dagstovnum arbeiða ikki for­ skotna tíð. Lærarar fáa ikki eyka gjøld fyri forskotna arbeiðstíð. Teir fáa kortini løn fyri leysar und­ir­ vísingartímar. Ein vikarur, sum frammanundan er lærari í skúl­ an­um, fær 339,60 krónur fyri vikar­tímar. Ein læraralærdur utt­ anífrá fær 270,85 krónur og ein ser­greinalærari fær 234,58 krónur. Skúlaleiðarar, sum taka vikar­ tím­ar, fáa onga eyka samsýning fyri tað. Eftirlønin lægst hjá pedagogum Tá hugt verður eftir eftirlønini hjá teimum trimum fakbólkunum er støðan tann sama. Pedagogarnir fáa minni eftirløn enn bæði lær­ ar­ar og sjúkrarøktarfrøðingar. Hjá lærarum er eftirlønin 15 pro­sent, og tað er eftirlønin hjá sjúkr­a­røkt­ ar­frøðingunum eisini. Tá talan er um pedagogar, er eftirlønin 12 prosent ella 14 prosent. Tað veldst um, hvørt pedagogarnir arbeiða hjá kommununum ella hjá landinum. Pedagogar, sum arbeiða á kommunalum stovnum, fáa 12 pro­sent í eftirløn, og pedagogar, sum arbeiða hjá landinum, fáa 14 pro­sent í eftirløn. Leiðandi pedagogar forvinna minst Eisini tá talan er um leiðaralønir innan teir tríggjar fakbólkarnar, eru pedagogarnir niðast á lønar­ listanum. Sambært Føroya Pedagogfelag byrja nógvir dagstovnaleiðarar við einari mánaðarløn á slakar 31.000 krónur um mánaðin, og endalønin hjá teimum er knappliga 34.000 krónur. Ein annar stórur partur av leiðarunum á dagstovnunum byrjar við einari løn, sum er umleið 32.000 krónur um mánaðin. Teirra endaløn er um 35.000 krónur um mánaðin. Á dagstovnum við meira enn 100 børnum er endalønin hjá leiðarunum slakar 37.000 krónur. Bara tríggir stovnar eru so stórir. Vanliga skúlaleiðaralønin kring landið er umleið 40.000 krónur sam­bært Lærarafelag Føroya. Talan er um skúlar, ið hava upp til 250 næmingar. Best løntu skúla­ stjórarnir eru á teimum báðum størstu skúlunum, sum eru skúlin á Skúlatrøð í Klaksvík og skúlin á Fløtum í Havn. Stjóralønirnar har eru slakar 50.000 krónur um mánaðin. Hjá sjúkrarøktarfrøðingunum fáa varaleiðarar uttan før­leika­ við­bøtur slakar 37.000 krónur í mán­aðarløn. Aðrir varaleiðarar fáa knappliga 39.000 krónur um mán­aðin. Deildarleiðarar fáa úti við 41.000 krónur um mánaðin, og leið­andi sjúkrarøktarfrøðingar fáa stívliga 45.000 krónur. Best lønti sjúkrarøktarfrøðileiðarin fær góðar 50.000 krónur í mánaðarløn. Talan er um varastjórastarvið á Lands­sjúkrahúsinum. GRUNDLØN EFTIR ÁTTA ÁR Pedagogar Lærarar Sjúkrarøktarfrøðingar Kr. 27.434,83 Kr. 30.540,21 Kr. 32.580,62__ ENDALØN Pedagogar Lærarar Sjúkrarøktarfrøðingar Kr. 29.949,93 eftir 16 ár kr. 33.139,51 eftir 12 ár kr. 34.307,39 eftir 10 ár EFTIRLØN: Pedagogar Lærarar Sjúkrarøktarfrøðingar 12% / 14% 15% 15%