mánadagur 15. januar 2018síða 4

Mánadagur 15. januar 2018 · Nr. 6 4 Sosialurin Hugskot og viðmerkingar – send sms til 225000 TAÐ VERÐUR BULDRASLIGT KREVJA STÓRA LØNARHÆKKING Eftir at almenn starvsfólk nú hava fingið stóra lønarhækking, hava eisini arbeiðsfólk og handverkarar fingið blóð upp á tonnina, og fara at krevja stórar lønarhækkingar í samráðingunum, sum vera í næstum við arbeiðsgevararnar Áki Bertholdsen – Eg vænti, at hetta verður buldrasligt. Tað sigur Suni Simonsen, formaður í Før­ oya Handverkarafelag. Í næstum skulu bæði handverkarafeløgini og arbeiðarafeløgini til samráðingar um nýggjar sáttmálar og tey ætla sær ikki at detta niður ímillum. Seinastu tíðina hevur nógv verið frammi um samráðingar, sum hava verið ímillum Fíggjarmálaráðið og kommunurnar øðru­ megin, og fakfeløg á almenna arbeiðs­markn­ aðinum hinumegin. Tað byrjaði so fittliga við einum nýggjum sáttmála við Starvsmannafelagið, sum fær góð fimm prosent í lønarhækkingum tilsamans hesi bæði næstu árini. Men síðani hava tveir aðrir stórur starvs­ bólkar verið í verkfalli, nevniliga sjúkra­ røktar­frøðingarnir og pedagogarnir, tí tey hildu, at tey fingu ov lítið í løn, og úrslitið av tí er, at tey hava fingið eina lønarhækking, sum í síni heild er væl hægri enn lønarhækkingin hjá Starvsmannafelagnum. Men tað eru mong sum halda seg fáa ov lítið í løn og og teimum á baki hava fleiri onnur fakfeløg á almenna arbeiðs­markn­að­ inum eisini gjørt greitt, at tey fara at krevja somu lønarhækking, sum sjúkrarøktar­frøð­ ingarnir hava fingið fyri ikki at skeikla mun­ in, sum er ímillum lønina hjá ymsum fak­ bólk­um. Blóð upp á tonnina Men tað eru ikki bara fakfeløg á almenna arbeiðsmarknaðinum, sum skulu samráðast um nýggjan sáttmála í næstum. Tað eru nevniliga eisini fleiri fakfeløg á privata arbeiðsmarknaðinum, sum skulu samráðast við arbeiðsgevararnar um nýggj­ an sáttmála. Og eisini tey hava fingið blóð upp á tonnina, tí bæði Georg F. Hansen, for­ maður í Føroya Arbeiðarafelag og Suni Simonsen, formaður í Føroya Hand­verk­ arafelag, gera púra greitt, at sjálv­andi fara lønarhækkingarnar hjá Sjúkra­røkt­ar­frøð­ ing­un­um og pedagogunum at fáa ávirkan á teirra samráðingar við arbeiðsgevararnar. – Vit mugu halda tørn, so sjálvandi fara verkafólk og handverkarar at krevja somu lønarhækking sum sjúkrarøktarfrøðingarnir og pedagogarnir hava fingið, sigur formaðurin í Føroya Arbeiðarafelag og formaðurin í Føroya Handverkarafelag Sjálvandi fara tey at krevja tað sama.