mánadagur 15. januar 2018síða 8

Mánadagur 15. januar 2018 · Nr. 6 8 Sosialurin Hugskot og viðmerkingar – send sms til 225000 Arbeiðið at byggja Varðan Pelagic upp aftur gongur sína gongd, og skjótt stendur virkið, sum er 7.500 fermetrar, innilokað Norðfra selur nú eisini fiskavørur í Danmark Umframt at koyrt verður til dyrnar í Danmark við føroyskum fiskavørum, kunn vørur hjá Norðfra nú eisini keypast í Kvickly handli í Roskilde Vilmund Jacobsen Norðfra í Leirvík ger nú eina veru­liga roynd at fáa fisk og aðrar vørur, sum virkið keypir og framleiðir, selt í Danmark. Leif Høj hjá Norðfra, sigur, at hetta sjálvsagt ikki er nøkur løtt upp­gáva, men hann ásannar, at tað er gongd í. - Umframt at okkara fiskabilur koyrir í Danmark og leverar okk­ara fiskavørur við dyrnar eftir bí­legg­ ing, hava vit nú eisini fingið høvi at selja okkara vørur í einum Kvickly handli í Roskilde. Leif Høj sigur, at á Norðfra eru tey sera spent upp á hesa royndina í Danmark, og hann ivast onga løtu í, at tað kann gerast sera týðandi fyri søluna, at fiskavørurnar nú eis­ ini eru umboðaðar í einum Kvickly handli í Roskilde. Føroyska Merkið Við diskarnar, har føroysku vør­ urnar eru, stendur eisini føroyska Merkið, sum sigur frá, at vørurnar eru úr Føroyum. Leif Høj vísir á, at við fiska­bilin­ um koyra tey vørur eftir bílegging kring um í Danmark, har landafast er, og á Facebook-síðuni - Norðfra Dan­mark - kunnu fólk síggja koyr­ iætlanina og annars síggja útboðið av føroyskum vørum, sum fiska­ virkið í Leirvík hevur í sínum út­ boði í Danmark. Fyrstu eru nú flutt inn Vilmund Jacobsen Herfyri fluttu fyrstu fólkini inn í nýggju og snotiligu íbúðirnar í Dávagerði á Strondum, og í Sjóvar kommunu fegnast tey um, at Bústaðir, sum hevur bygt og eigur íbúðirnar, í hes­ um um­fari valdi Strendur. Íbúðirnar liggja beint oman fyri skúlan á Strondum og so­leiðis eisini við síðuna av nýggja sambýlinum, Sjóvarlon. Íbúðirnar liggja í friðar­lig­ um og barna­vinar­ligum um­ hvørvi, har stutt er til skúla og barna­garð. Harumframt er út­sýnið framúr gott.  Íbúðirnar eru innrættaðar við duri, køks-/alrúmi, baði­ rúmi og tveimum sovikømrum. Dururin er líka sum mið­ punktið í íbúðini, og haðani er at­gongd til øll onnur rúm í íbúð­ini. Við til hvørja íbúð hoyrir eis­ini eitt úthús, eins og all­ar íbúðirnar hava egna inn­gongd og terassu - og góð park­er­ings­ við­ur­skifti. KRABBAVEIÐA: Eftir at hava ligið í ein góðan mánað, fór Mascot í síðstu viku aftur til fiskiskap eftir krabba. Teir fóru annars sín fyrsta túr hin 22. september í fjør, men fiskiskapurin hevur higartil verið smáligur. 11 mans eru við Mascot. Mynd: TJ-myndir Nýggja bryggjan liðug síðst í januar Nýggja betong-og træbryggjan í Haldarsvík kostar Sunda kommunu umleið 3 miljónir krónur Vilmund Jacobsen Býráðið í Sunda kommunu sam­ tykti í fjør at taka gomlu bryggj­ una á havnalagnum í Haldarsvík burtur og gera eina nýggja be­ tong-og timburbryggju. - Arbeiðið varð boðið út og hevði Sp/f Jóan Petur Vang, byggi­meistari, lægsta boð. Ar­ beiðið hev­ur kostað komm­un­uni tríggj­ar miljónir krónur. Í Sunda kommunu siga tey, at alifyritøkan Marine Harvest hevur nógv virksemi í Haldarsvík, og gamla bryggjan var ikki hósk­ andi longur. - Arbeiðið eru nú komið so mikið væl áleiðis, at nýggja og snoti­liga betong-og timbur­bryggj­ an verður avhendað til komm­un­ una síðst í januar mánaði, verður lagt aftrat. Fiskabilurin hjá Norðfra - og ein av diskunum í Kvickly handli í Roskilde