mánadagur 15. januar 2018síða 18

Mánadagur 15. januar 2018 · Nr. 6 18 Sosialurin Hugskot og viðmerkingar – send sms til 225000 Annika Olsen: FÓTBÓLTUR FÓTBÓLTUR Nýggja stórhøllin á Hálsi er nú liðugt bygd fyri 52 milliónir krónur. Hon er ætlað sum ein tjóðhøll, og hon loysir eisini stóra trotið á hallartímum hjá hondbólti, flogbólti, borðtennis og judo Pætur Albinus 52 milliónir Nýggja stórhøllin á Hálsi stendur nú liðugt bygd og er tikin í nýtslu. Talan er um meira enn eina tvífalding av gomlu høllini, sum í næstum eisini fer at verða umvæld. Nú er ein høll í fullari stødd komin afturat, og umframt tað, so er ein minni høll gjørd í kjallaranum, har borð­tennis og judo fara at húsast. Bæði ímillum tær stóru hallir­ nar uppi á og ímillum tær smærru hallirnar niðri undir verða skilji­ dúk­ar hongdir upp, sum eru skjótir at hála upp, soleiðis at báðar hallir­ nar kunnu gerast ein verulig tvíhøll tá ið brúk er fyri tí til størri tiltøk. Umframt útbyggingina av høll­ ini, so er stórt parkeringspláss eisini gjørt á økinum út ímóti R.C. Effersøesgøtu. Arbeiðið byrj­ aði í mai 2016, og samlaði fíggjar­ karm­urin hevur verið 52 milliónir krónur. Tjóðhøll Tað vóru bæði røður og horn­tón­ leik­ur á hátíðarhaldinum, sum varð hildið seinnapartin hós­dag­in í sam­ bandi við at høllin var liðugt bygd og sýnd fram fyri al­menn­ingi­num. Annika Olsen, borgarstjóri, helt røðu, har hon rósti bæði undan­ farna býráði, ið sjósetti hesa verk­ ætlan­ina, og eisini núverandi bý­ ráði. Hon segði seg fegnast um, at um­støðurnar til ítróttin í Havnini nú eru vorðnar nógv betri. - Málið og miðið hjá ítróttar­ øki­num í Tórshavnar kommunu er, at karmarnir og tænasturnar styðja undir ítrótt í fremstu røð. At úrvalsítróttur hevur góðar um­ støður, og at áhugaítrótt ger okkum virkin og vakin í høvuðsstaðnum, segði Annika Olsen og vísti á, at talið á teimum, ið íðka hondbólt, flog­bólt, borðtennis og judo í høvuðs­staðnum er tilsamans 3.200. - Og hví eina slíka høll? Jú, tørv­ urin á venjingartímum er støðugt vaksin. Og nú vit standa í Stór­ høllini á Hálsi, er sjón fyri søgn, at her er talan um ein veruligan ítróttar­depil. Hetta er okkara tjóð­ høll. Hon kann nú brúkast enn betri til finalustevnur og flestu al­ tjóða dystir, segði hon víðari. Umframt borgarstjóran, so segði stjórin í Búsetri, Sjúrður Holm, nøk­ ur orð, umframt at Jan Günther helt røðu vegna borðtennis og judo, og Uni Arge úr Kyndli vegna hond­ bólts- og flogbóltsfeløgini. Flytbar áskoðarapláss eru bí­ løgd úr Suðurkorea, og á teimum fara 1.500 áskoðarar at kunna sita. Til­samans kann áskoðaratalið vera heilt upp í 3.000 til tey størstu til­ tøkini. Veðrið var ein avbjóðing Á Hálsi í Havn er eitt tiltikið vindhart stað, og hetta gjørdi ikki arbeiðið at byggja nýggju stórhøllina lættari. Hon stend­ur uppi á sjálva heygginum, og har leikar mangan hart á. Høvuðsarbeiðstakari í verkætlanini var Búsetur, sum fekk ábyrgdina av sjálva bygningsarbeiðnum. Stjórin í fyritøkuni, Sjúrður Holm, sum sjálvur er gamal hondbóltsspælari, slapp eisini at siga nøkur orð á hátíðarhaldinum hósdagin í síðstu viku, og hann viðgekk, at veðrið hevði verið ein avbjóðing í byggingini av høllini. Sjúrður Holm rósti arbeiðsfólkunum fyri at vera dugnalig og fyri at koma við góðum hugskotum til smáar broytingar. Væl hevur gingið, tí hóast avbjóðingarnar við veðrinum, so hevur tíðarætlanin hildið so at siga sum hon skuldi. Tá ið sáttmálin varð undirskrivaður á sumri í 2016 varð hildið, at arbeiðið fyri at vera liðugt seinast í 2017. - Hetta er okkara tjóðhøll