mánadagur 15. januar 2018síða 21

21 Mánadagur 6. januar 2014 · Nr. 2 Sosialurin Mánadagur 15. januar 2018 · Nr. 6 Hugskot og viðmerkingar – send sms til 225000 Fróði Rasmussen (B36) Føddur: 10-02-2000 Pláss á vøllinum: Miðverji, bakkur Felag: B36 Upprunafelag: B36 Ungi verjuleikarin úr B36, var eisini í fjør á listanum millum teir mest spennandi leikararnar frá árgangi 2000. Men árið í fjør, gjørdist eitt satt marruár hjá unga verjuleikaranum, sum longu fekk sínar fyrstu minuttir í bestu deildini í 2016 – fyri tveimum árum síðani. Fróði Rasmussen sat nærum alt kappingarárið í 2017 uttanfyri við einum skaða, men er nú við at koma fyri seg eftir skaðan. Hevur sína bestu positión sum miðverji, men kann eisini spæla sum vinstri bakkur. Er tekniskt sterkur og skjótur sum verjuspælari. Er eisini sterkur í luftspælinum. Hevur harumframt tað, at hann er vinstrabeintur, sum ofta kann gerast ein fyrimunur hjá verjuspælarum. Má to vera hepnari við skaðum, um ungi og evnaríki verjuleikarin skal gera seg galdandi framyvir. Lukas Giessing (FC Midtjylland) Føddur: 09-05-2000 Pláss á vøllinum: Bakkur, kantur, offensivur miðvøllur Felag: FC Midtjylland (Danmark) Upprunafelag: Kastrup Boldklub Evnaríki leikarin, ið er sonur til fyrrverandi landsliðsleikarin, Julian Hansen, telist millum mest spennandi spælararnar í føroyskum fótbólti. Var í fjør nógv darvaður av skaða, og mátti millum annað sita uttanfyri, tá U-17 landsliðið hjá Føroyum spældi søguliga EM-endaspælið í Kroatia farna summar, hóast kviki spælarin hevði verið millum lyklaleikararnar á liðnum, sum hevði spælt seg til EM-endaspælið. Kom seg væl eftir skaðan móti heysti í 2017, og var millum profilarnar á U-19 landsliðnum í Bulgaria í November. Er skjótur, avbjóðandi og dribblisterkur, og kann spæla fleiri pláss. Magnus Holm Jacobsen (B36) Føddur: 23-05-2000 Pláss á vøllinum: Sentralur miðvøllur Felag: B36 Upprunafelag: HB Fekk longu í fjør meira ella minni sítt gjøgnumbrot í bestu føroysku deildini, tá hann fekk fleiri dystir á besta liðnum hjá B36. Taldist eisini millum stóru profilarnar á søguliga góða U-17 landsliðnum, sum spældi til EM-endaspælið í Kroatia farna summar. Var í november í fjør boðsendur til Portugal av portugisiska felagnum, Paco de Fereira, sum vildi síggja føroyska leikaran nærri. Spælir sum leikari á sentrala miðvøllinum, har hann er skilagóður á bóltinum, og ikki er bangin fyri at fara í nærdystir. Stefan Radosavljevic (Suðringar) Føddur: 08-09-2000 Pláss á vøllinum: Offensivur miðvøllur, kantur Felag: Suðringar Upprunafelag: TB Eins og Magnus Holm Jacobsen, fekk Stefan Radosavljevic í fjør sítt stóra gjøgnumbrot í bestu føroysku deildini, tá hann fekk stóran leiklut á nýsamanlagda felagnum í Suðuroynni. Avgjørdi millum annað útidystin móti føroyameistarunum í Gøtu, tá ungi leikarin ikki gjørdi mætari enn at skjóta tvey mál og leggja upp til eitt í 3-2 sigrinum hjá Suðringum móti Víkingi í heyst. Er framúr góður tekniskt, og hevur heilt serlig evnir til bæði at leggja málgevandi avleveringar og til at sparka uppá mál. Taldist eisini millum profilarnar til EM-endaspælið hjá U-17 landsliðnum í Kroatia farna summar. Andrias Edmundsson (Sunderland) Føddur: 18-12-2000 Pláss á vøllinum: Miðverji, sentralur miðvøllur Felag: Sunderland (Ongland) Upprunafelag: B68 Ungi toftamaðurin er tann leikarin, ið hevur verið úti fyri størstu menningini seinasta árið. Beit seg tíðliga í fjør fastan á besta liðið hjá B68, ið spældi í næstbestu føroysku deildini. Kom síðani við á U-17 landsliðið, har hann til úrmælingakappingina á Kýpros spældi sum vinstri bakkur. Fekk síðani størri leiklut á liðnum til EM-endaspælið í Kroatia seinni sama summar, tá hann var fluttur inn í miðverjuna. Í august í fjør var ungi toftamaðurin seldur til enska felagið, Sunderland, har hann nú hevur sína dagligu gongd. Er sum spælari skilagóður á bóltinum, og er sterkur í nærdystum og í luftbóltum. Hanus Sørensen (FC Midtjylland) Føddur: 19-02-2001 Pláss á vøllinum: Kantur, offensivur miðvøllur Felag: FC Midtjylland (Danmark) Upprunafelag: HB Ungi havnamaðurin flutti á sumri í 2016 niður til Danmarkar, har hann gjørdi sáttmála við FC Midtjylland, ið hevði fingið eyga á føroyska leikaran. Er ein ógvuliga spennandi spælari, ið hevur eina heilt óvanliga høga ferð, samanborið við aðrar føroyskar leikarar. Er eisini sera væl fyri tekniskt og sparkar væl. Størsta styrkin hjá Hanus Sørensen liggur tó í, at hann hevur ein ekstremt stóran vinnaravilja og ein aggresivitet. Er eitt navn, ið vit í føroyskum fótbólti, koma at venja okkum við í framtíðini. Símun Sólheim (Brøndby IF) Føddur: 25-02-2001 Pláss á vøllinum: Sentralur miðvøllur, kantur Felag: Brøndby IF (Danmark) Upprunafelag: HB Er eins og Hanus Sørensen fluttur úr HB til útlendskan fótbólt, har Brøndby seinasta summar skrivaði sáttmála við evnaríka føroyska leikaran. Hevur heilt serlig evni, tá tað kemur til at lesa spælið, og dugir serstakliga væl at bróta spælið hjá mótstøðuliðunum, uttan at koma í nærdystir ella í takklingar. Er harumframt sera væl fyri tekniskt, har hann er róligur á bóltinum, tá trýst er á. Er ein leikari, ið væntað verður nógv av framyvir. Elias El Moustage (AaB) Føddur: 30-05-2001 Pláss á vøllinum: Sentralur miðvøllur Felag: AaB (Danmark) Upprunafelag: TB Ungi tvøramaðurin, ið flutti til Danmarkar fyri nøkrum árum síðani, er helst tann leikarin, ið minst kunnleiki er til heima í Føroyum, av teimum 10 leikarunum, ið eru útnevndir. Hevur sína dagligu gongd í AaB í Aalborg, og taldist millum stóru profilarnar á U-17 landsliðnum, sum farna summar spældi EM-endaspæl í Fraklandi. Spælir sum sentralur miðvallari, og er ein typiskur 6’ari. Er sterkur kropsliga og sterkur í luftspælinum. Harumframt er hann eisini ógvuliga djarvur, tá tað kemur til nærdystir. Hevur leiðaraevni, og er góður til at takkla mótgongd. Óli Eyðsteinsson Poulsen (KÍ) Føddur: 30-05-2001 Pláss á vøllinum: Sentralur miðvøllur, kantur Felag: KÍ Upprunafelag: KÍ Telist millum mest evnaríku leikarnar í Klaksvík, har tað fyrr ofta eru komnir góðir spælarar ígjøgnum. Spældi í fjør á føroyska U-17 landsliðnum, har hann taldist millum profilarnar. Er ein leikari, ið altíð arbeiðir hart, og er tekniskt væl fyri. Hevur heilt serlig evni at leggja langar málgevandi avleveringar, og er eisini sterkur í luftaspælinum. Er ein leikari, ið helst fer at koma ígjøgnum á besta KÍ liðnum í framtíðini. Bjarti V. Mørk (HB) Føddur: 07-06-2001 Pláss á vøllinum: Málverji Felag: HB Upprunafelag: B93 (Danmark) Evnaríki málverjin, ið stendur í skugganum av Teiti Gestsson í HB málinum, telist millum mest lovandi leikararnar í føroyskum fótbólti. Er sterkur tá tað kemur til ein móti einum støður, fyllir nógv í luftrúminum og er góður í at spæla við fótunum. Er ísakaldur, tá tað kemur til trýstar støður við bóltinum, og hevur tí røttu útstrálingina sum ein málverji skal hava – útstrálar sjálvsálit. Kemur helst at bíða nøkur ár við at fáa seg royndan í bestu føroysku deildini, men telist millum mest lovandi málverjar í føroyskum fótbólti. 2000: 2001: