týsdagur 16. januar 2018síða 12

Mikudagur 15. januar 2017 · Nr. 7 12 Sosialurin Hugskot og viðmerkingar – send sms til 225000 - TÍ SNARAÐI EG 180 STIG Eivin Breiðaskarð, varaborgarstjóri í Fuglafjarðar kommunu, heldur, at tað saktans kann tykjast løgið fyri mong, at hann sum borgari og nú býráðslimur er snaraður 180 stig í spurninginum um bygging av íbúðum á vestara landi, sum hann sama við øðrum samlaði undirskriftir ímóti - og eisini var so harðliga ímóti. Í hesi samrøðuni greiðir hann frá, hví hann er hálsaður um í hesum máli Vilmund Jacobsen Seint í november ella fyrst í des­ ember í 2015 savnaði Eivin Breiða­ skarð saman við øðrum borgarum í Fuglafirði undirskriftir fyri at mót­ mæla einari ætlan um at fylla grót á sjógv á vestara landi í Fuglafirði. Henda útfylling skuldi brúkast til at byggja íbúðir á, og eisini skuldi ein tvísporaður vegur gerast utt­an fyri íbúðarbygningarnar á út­fyll­ ing­ini. - Hetta var ein ætlan, ið eg sum vanligur borgari ikki kendi nakað til og av tí, at eg eri búsitandi her, sum henda útfyllingin skuldi ger­ ast, gjørdist eg skakkur. Tí gjørdi eg saman við øðrum borgarum av, at vit vildu mótmæla alment, tí eing­ in kunning sum so hevði verið um ætl­anina. Eivin Breiðaskarð sigur, at tað vóru 188 fólk, sum skrivaðu undir og mótmæltu á henda hátt. - Eg handaði undirskriftirnar til borgarstjóran, Sonna á Horni, und­an almennum býráðsfundi, sum varð hildin í býráðssalinum hjá Fugla­fjarðar kommunu hin 10. des­ember í 2015. Eitt av málunum á hes­um fundi var eitt uppskot frá táverandi meirilutanum í bý­ráðn­ um um at játta pening til ætlanina um útfylling. Men, á hesum fundi hendi tað, at borgarstjórin tók málið av skrá. Avrátt varð seinni, at ein almennur kunn­ingarfundur um ætlanina skuldi vera í seinasta lagi hin 15. febr­uar í 2016. Hesin kunnandi fundur varð tó ongantíð hildin. Valdur í býráðið Kommunuval var hin 8. november í 2016, og sum valevni á Lista F varð Eivin Breiðaskarð valdur inn í býráðið. - Hetta havi eg verið sera fegin um, og eg takki teimum, sum vístu mær og okkara lista álit. Herfyri bleiv so avdúkað, at farið er undir at fyrireika eina íbúð­ ar­bygging á nøkulunda sama øki, sum meirilutin í undanfarna býráð ætlaði at fara í gongd við og gera til veruleika. Einar 30 íbúðir skulu byggjast, og hesar verða ætlandi lidnar innan eini tvey til trý ár. Eivin Breiðaskarð, sum gjørdist varaborgarstjóri í Fuglafjarðar komm­unu, sigur, at nú verður so ar­ beitt miðvíst við teimum seinastu detalj­unum, so borgarar og onnur áhug­aði skulu hava møguleika at kunna seg um verkætlanina. - Vit fara at hava alment kunn­ ing­artiltak innan stutta tíð, og øll áhug­aði og forvitin fólk annars eru hjarta­liga vælkomin. Varaborgarstjórin heldur tað vera gleðiligt, at tað helst er eitt samt býráð sum ynskir, at henda ætl­an verður sett í gongd og gjøgn­ um­førd sum skjótast. Tí snaraði eg - Tað kann tykjast løgið fyri tey flestu, at eg, sum borgari og býráðs­ limur nú eri snaraður 180 stig og vil ganga á odda at fáa gjøgnumført eina ætlan, sum eg fyri tveimum ár­um síðan varð so harðliga ímóti. Mín grundgeving er, at eg sum borgari og nú fólkavaldur býráðs­ limur altíð vil arbeiða fyri, at Fugla­ fjørð­ur og Fuglafjarðar komm­una skal hava framburð og kann bjóða av í kappingini um borgarar og fólka­vøkstur. Eivin Breiðaskarð vísir á, at býráðið hetta seinasta árið hev­ur arbeitt við fleiri økjum til íbúð­ar­ bygg­ing í Fuglafirði. - Men, tað skal ikki vera nøkur loyna, at økið á vestara landi sær út til at vera mest áhugavert, um byggj­ast skal. Hetta er nakað, sum eg havi fingið vitan um, nú sitandi býráð hevur hevur sitið í eitt gott ár. Varaborgarstjórin reisir tí spurn­ing­in, um hann sum persón­ ur, borgari og eisini nú sum býráðs­ lim­ur eigur at seta seg upp ímóti hes­ari ætlan? Uppvaksin í fjøruni Eivin Breiðaskarð er sum dreingir flestu um hesar leiðir mest sum upp­vasksin á sandinum og í fjøruni í Fugla­firði. - Saman við systkjum og vinfólki havi eg verið áteljandi ferðir niðri í fjør­uni og spælt, leitað eftir krabb­ um og annað, sum børn kunnu finna uppá. Minnini um hesa tíðina eru nógv, góð og stuttlig. Varaborgarstjórin ásannar tó, at vit liva í einari tíð, sum setir ávís krøv til okkum øll. - Borgarar hava brúk fyri at hava fjøltáttaðar møguleikar til bústað og trivnað. Tað eru at kalla ongar íbúðir í Fuglafirði í dag. Bert privatar kjallaraíbúðir eru til taks viðhvørt, og tað er sera torført at fáa tak yvir høvdið, tí útboðið er so mikið avmarkað. Eivin Breiðaskarð ivast í dag onga løtu í, at ætlanin við teimum um­leið 30 íbúðunum er rætta kósin, og tí vil hann sum persónur, borgari og býráðslimur eisini boyggja seg við tí fyri eyga, at Fuglafjarðar komm­una kann fáa vøkstur og fram­burð, sum í longdini vil verða ein vinningur fyri allar borgarar og trivn­aðin á staðnum. Áhugin er stórur Síðan ætlanin um komandi íbúð­ ir­nar í Fuglafirði gjørdist almenn fyri jól, hevur kommunan merkt ein stóran áhuga frá borgarum, bæði frá fólki, sum longu búgva í Fuglafirði, men eisini fólki aðra­ staðni. - Hetta er sera gleðiligt og vísir, at tað er ein røtt avgerð at fara í gongd beint nú og at staðseta íbúð­ ir­nar á vestara landi. Eivin Breiðaskarð sigur, at sum vanligur borgari gleðist hann eisini um, at hann og onnur, sum búgva á Toftanesvegnum, innan stutta tíð fáa nógvar nýggjar grannar og harvið eisini fáa meira "lív í gøt­ una". Hann leggur dent á, at tað nú er hansara størsta vón, at borgarar og býráðspolitikarar vilja finna eitt felags stev og síggja, at tørvurin fyri íbúðum og íbúðarbygging er so mikið stórur í Fuglafjarðar komm­ unu, at øll somul kunnu taka eitt tak og seta persónlig áhugamál til viks eina løtu. Tað havi eg gjørt. - Við hesum fer Fuglafjørður sum kommuna at flyta seg enn meira tann rætta vegin við fólkavøkstri og harvið øktum møguleikum hjá øllum borgarum á staðnum, sigur varaborgarstjórin í Fuglafjarðar komm­unu, Eivin Breiðaskarð. Eivin Breiðaskarð, varaborgarstjóri: FUGLAFJØRÐUR Eivin Breiðaskarð er sum dreingir flestu um hesar leiðir mest sum uppvasksin á sandinum og í fjøruni í Fuglafirði Mynd: Vilmund Jacobsen - Tað er mín vón, at borgarar og býráðspolitikarar vilja finna felags stev og seta persónlig áhugamál til viks. Tað havi eg gjørt, sigur Eivin Breiðaskarð