týsdagur 16. januar 2018síða 13

13 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 15. januar 2017 · Nr. 7 Núpur fekk albino-hýsu Tað er sjáldan, tú sært albino í náttúruni, tí ofta vera slík djór ella fiskar mett at vera av øðrum slagi. Við tað, at albino sæst burtur úr flokkinum, kann slíkt djór ella fiskur eisini gerast offur hjá rovdýrum á landi ella í havinum Vilmund Jacobsen Tá Norðfra í Leirvík mánadagin keypti fisk til pakkingar og avskip­ ing­ar, sum línuskipið Núpur land­ aði, var ein sonevnd albino-hýsa upp í veiðini. Á virkinum siga tey, at tað er rætti­liga óvanligt - fyri ikki at siga ókent - at síggja fisk, sum kann koma undir heitið at vera ein albino. Hýsan, sum var uppi í veiðini hjá Núpi henda dagin, var bæði stór og feit, og mett verður, at hon vigaði millum trý og fýra kilo. Sambært www.sprotin.fo er al­ bino litloysingur. Tað merkir, at her eru eingi litevni í húðini - og í hesum førinum í skræðuni á hýs­ uni. Á netsíðuni hjá Illustreret Vid­ en­skab - www.illvid.dk - verður sagt, at lívfrøðingar hava staðfest albino í næstan øllum djórasløgum, bæði hjá súgdjórum, fiski, froskum, fugli og skriðdýrum. - Orsøkin til albinismu er ein feil­ur í arvaeindini sum ger, at svart litevni vantar í húðini, og hetta kann henda hjá øllum djóra- og fiskasløgum. Eisini millum ymisk fólkasløg á jørðini kunnu vera albino-fólk - ella fólk, sum einki litevni hava í húðini. Sjáldan í náttúruni Í www. illvid.dk verður víst á, at tað er sjáldan, tú sært albino í nát­túr­ uni, tí ofta vera slík djór mett sum djór av øðrum slagi. Albino í náttúruni kunnu skjótt vera rikin burtur úr flokkinum ella fiskatorvuni, tí tey vera mett sum fremmand í tí felagsskapi, sum ann­ars er. Við tað, at albino líkist burtur úr, kann slíkt djór ella fiskur eisini gerast eitt offur hjá rovdýrum. Albino hava ofta trupulleikar við sjónini og eru í øktum vanda fyri krabbameini, tí verjandi litevni ikki er í húðini. Trolbátar fiska væl Mánadagin landaðu tríggir trolbátar í Leirvík, og teir hava havt óføran fiskiskap norðanfyri Vilmund Jacobsen Afturvendandi er, at tað verður latið heldur illa - ella misjavnt - at fiski­veiðini undir Føroyum. Fiskiskapurin hjá par­trol­ar­un­ um verður sjáldan sagd­ur at vera góður og sama er hjá djúpvatns­trol­ ar­unum. Frægastu útsagnirnar eru ofta, at fiskiskapurin er misjavnur. Hjá línuskipunum, sum fiska undir Føroyum, hoyrist sjáldan um góðar túrar, tó at onkur hampiligur túrur er av og á. Sama er skilið hjá garnaskipum, sum í seinastuni hava havt sera smáligan fiskiskap eftir svartkalva. Hjá útróðrarbátum roynist eis­ ini misjavnt, men her eru góðir dagar inn ímillum. Tó at hetta er góð fiskitíð, er sam­stundis hávetur, og tá er skjótt, at bæði útróðrarbátar og smáu trol­ bátarnir ikki loysa. Gjørdu góð hál Teir tríggir trolbátarnir, sum løgdu veiðina upp í Leirvík mánadagin, hava hinvegin havt góðan fiski­ skap. Sum skilst, hava bátarnir roynt norðan fyri, og á hesum túrinum høvdu teir umleið seks hál í part. Størstu nøgdina hevði Olga Maria, góð 31.000 pund, Jens Leon hevði góð 27.000 og Sigatindur, sum er báturin á viðheftu mynd, fyrr­ ver­andi Hansa Maria, hevði sløk 27.000 pund. Sagt verður úr Leirvík, at megin­ parturin av veiðini hjá trolbátunum hesaferð var toskur. 5.604 ferðandi í eitt ár Vilmund Jacobsen Nú er eitt ár liðið, síðan Sunda kommuna bjóðaði ókeypis buss­leið, og í kommununi kunnu tey staðfesta, at fyrsta árið hevur gingið sera væl.  - Vit hava fylgt neyvt við, hvussu talið av ferðandi hevur verið á ymisku túrunum, og tá 2017 verður talt saman, hava 5.604 ferðandi koyrt við buss­ leiðini. Størsti parturin av ferðandi eru børn og ung sum brúka bussin til og frá frí­tíð­ar­ virksemi. Í Sunda kommunu siga tey, at bussleiðin hevur verið eftir­ mett, og síðan er ferða­ætl­anin dag­førd sam­svarandi tørv­in­ um. - Nýggj ferðaætlan er gjørd fyri 2018, og hon sæst á okkara heima­síðu, www.sunda.fo Býráðið í Sunda kommunu hevur samtykt, at bussleiðin kemur at hava eitt royndarár afturat. Her sæst albino-hýsan, sum Núpur fekk á seinasta túrin. Á myndini sæst litmunurin á einari vanligari hýsu - og á einari albino-hýsu Sigatindur, fyrrverandi Hansa Maria, var ein av trolbátunum, sum landaðu í Leirvík mánadagin Mynd: Vilmund Jacobsen